Daniel 10:8 - MUKANDA USANDU WA ZAMBI 1975

⁸ Chocho yingusala ukawami, mba yingumona usolwelo uno unene. Tachi chapwile najo; kuwaha chami cha ku meso hichalumuka kupiha; chasalile nawa ni tachi.

Mukanda Wa Zambi 1970

⁸ Yingusala ko ukawami, yingutala Usolwelo uze wakulishimwoka. Chabwile ko nawa ni tachi, ku meso jami yikwalumuka, mutu niumwe wangunyingikine.

Daniel 10:8 Iomraidhean Croise

Ubutukilo 32:31

Shimbu machizauka Penwele tangwa yilivumbuka. Yakomba kanapalita mumu ha shina lia kulu lienyi.

Kutuhuka 3:3

Mose yamba ngwenyi, Mungujingako, ngutale chipupu chino chinene, ngwenyi, Kuchi te mungonga kuusola kukotongoka?

Daniel 10:16

Kumanyi, umwe wa kulifwa ni ana ja atu yangusunga ku mivumbo; mba napakwile kanwa liami ni kuhanjika. Yingwamba kuli yoze kanamana kumeso jami ngwami, Mwene wami, yikola hiyangukwata, chishi nawa ni tachi ha mukunda wa usolwelo.

Daniel 10:17

Kuchi yami kavumbi ka mwene wami munguhanjika ni mwene wami? Tachi nijimwe chishi najo chipwe mwiku.

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Daniel 8:27

Mba yami Daniel nalezumukine, napombele nikuyiza matangwa. Mba nakatukile nikulingalinga milimo ya mwanangana, alioze usolwelo wangushimine; kuwangulumbunukine.

Daniel 8:7

Namumona kukundama kuli mwe kuji ya panga. Yamuvwila ufwatulo wunji; yapupa kuji ya panga nikumakuna mbinga jenyi jiali. Kuji ya panga keshi ni tachi ja kujikiza kumeso jenyi, alioze yamulamba hashi ni kumuliata. Niumwe wahasa kupulula kuji ya panga ku tachi jenyi.

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.

Mateu 17:6

Muze tumbaji achivwile, afulamanyine hashi, evwile chikolo woma.

Marku 9:6

Mumu kanyingikine chize mamba, mumu evwile woma wunji.

Yoano 16:32

Talenu, ola muyiza, ewa, hiyeza, muze munukamwangana mweswe kuli nienyi mwene, munukanguhichika ukawami; hindu yami hi nguli ukawami ko, mumu Tata hwali hamwe ni yami.

2 Korintu 12:7

Ni ha mukunda wa unene wahiana wa usolwelo, kuchina mungulinangamisa kuhiana naye, anguhele mutuwi mu mujimba, kanganda ka Satana, hanga akangumbufule, kuchina mungulinangamisa kuhiana naye.

Usolwelo 1:17

Muze namumwene, nafulamanyine ku yiliato yenyi ngwe mufu; iye Wasayikile kwoko lienyi lia chindume hali yami, ngwenyi, Kanda wivwa woma, yami nguli mwe mutangu ni mwe kasula-songo;