Daniel 10:6 - MUKANDA USANDU WA ZAMBI 1975

⁶ Mujimba wenyi yiupwa ngwe turkeza; ku meso jenyi ngwe mihenyo; meso jenyi ngwe masoka a kahia; moko jenyi ni molu jenyi kanalejima ngwe unengu wa kucheka; lundunjila wa maliji jenyi yapwa ngwe chinumo cha chihuji cha atu.

Mukanda Wa Zambi 1970

⁶ Mujimba wenyi yiubeyima ngwe mawe a ndando yinji. Huma lienyi yilibwa ngwe mihenyo ya njaji, meso jenyi ngwe milengi ya kahia. Moko ni makungunwa jenyi ngwe unengu wakucheka, liji lienyi ngwe lushindo wa mbunga ya atu anji.

Daniel 10:6 Iomraidhean Croise

Kutuhuka 28:20

Mukala wamuchiwana wa turkeza, ni sardonica, ni jasepe. Ukaasele mu maselo jo ja oru.

Mwaso Ubema Wahiana 5:14

Moko jenyi a mawundu a oru, a kujika ni yuma ya uhenya. Mujimba wenyi ngwe wa kwola ku mazo a njamba ni safwira ja kulamiekaho.

Ezekiel 1:14

Ni e akwa mwono atambukile kweka ni kweka ngwe kuhenya cha njaji.

Ezekiel 1:16

Ha kutwala ku maroda ni chize haalinga kusoloka cho chapwile ngwe cha turkeza, eswe ni awana chimuwika apwile. Haalinga ngwe roda muchima lia roda.

Ezekiel 1:24

Ha kwenda cho nevwile kunuma cha mapulwa jo ngwe Chizungozungo cha meya anji, ngwe kukulunguza cha Mukwa-Ndundo-Jeswe, Chizungozungo ngwe kuchungula cha chihuji chinene. Ha kumana, o yatula mapulwa jo.

Ezekiel 1:7

Molu jo analulama, yiliato yo yapwile ngwe yiliato ya ana-ngombe; yinapeyima ngwe unengu wa kucheka.

Ezekiel 10:9

Yingutala, kumanyi kwapwile maroda awana hakamwihi ni akerupimi; roda limwe kuli kerupimi, roda limwe kuli kerupimi. Kupwa cha maroda chapwile ngwe liwe lia turkeza.

Ezekiel 40:3

Ha kungutwalako, kumanyi kwapwile umwe lunga, kumutala ngwe kulifwa cha unengu. Kali ni muhipu wa linyu mu kwoko lienyi ni lumbungu wa kweseka nenyi; kanamana mu chikolo.

Ezekiel 8:2

Yingumona chimwe kusoloka ngwe mutu. Chize ku kulifwa cha mashina ja molu jenyi nikutwala kushi kwapwile kahia; chize ku mashina ja molu jenyi nikutwala ku tunda kwapwile kupanguka ngwe unengu wa kulejima.

Mateu 17:2

Walumukine kumeso jo: ku meso jenyi kwapangukile ngwe tangwa ni mahina jenyi apwile atoma ngwe pangu.

Mateu 28:3

Kusoloka chenyi chapwile ngwe mihenyo, ni mazalo jenyi atoma ngwe neve.

Luka 9:29

Shimbu machilemba, meso jenyi alumukine, ni mahina jenyi alumukine atoma ni a kuhenyahenya.

Usolwelo 10:1

Namwene mungelo mukwo wa ngolo kanahulumuka mwilu, unazala lelwa; ni kongolo wapwile ha mutwe wenyi, ni meso jenyi ngwe tangwa, ni molu jenyi ngwe manguji a kahia.

Usolwelo 19:12

Ni meso jenyi ngwe mulengi wa kahia, ni ha mutwe wenyi hiyili yipangula yinji; iye ali ni jina linasonewa, lize niumwe manyingika shina iye mwene.

Usolwelo 2:18

Kuli mungelo wa chikungulwila cha ku Tayatera Soneka ngwe, Yino yuma kanambe mwe Mwana Zambi, yoze ukwete meso jenyi ngwe mulengi wa kahia, ni yiliato yenyi ya kulifwa ni kengelia ja kulejima, ngwenyi,

Usolwelo 21:20

yamuchitano, sarndonishe; yamuchisambano, sartiu; yamuchishimbiali, krisolita; yamuchinake, mberilu; yamuchilivwa, topajiu; yamuchikumi, krisoprasu; kumi ni kashi, jasendu; kumi ni yamuchiali, ametita.