Daniel 10:16 - MUKANDA USANDU WA ZAMBI 1975

¹⁶ Kumanyi, umwe wa kulifwa ni ana ja atu yangusunga ku mivumbo; mba napakwile kanwa liami ni kuhanjika. Yingwamba kuli yoze kanamana kumeso jami ngwami, Mwene wami, yikola hiyangukwata, chishi nawa ni tachi ha mukunda wa usolwelo.

Mukanda Wa Zambi 1970

¹⁶ Mwe kanganda, yoze te unalifu ngwe mutu, yolola kwoko lienyi, yangusa kwoko ku mivumbo. Yingumwamba ngwami: “Mwata, Usolwelo uno hiwangulekumuna, chisolo kuhasa kujikiza.

Daniel 10:16 Iomraidhean Croise

Kutuhuka 4:10

Mose yamba kuli Yehova ngwenyi, Mwene, ami chishi kuhasa kuhanjika ni kushilinginya chipwe matangwa a kunyima, chipwe a haliapwila, ka, chipwe katuke ku tangwa lize wahanjikile ni yami kavumbi ke, nguli mutu wa kuhanjika makoke, limi liami lilemu.

Kutuhuka 4:13

Mose yamba ngwenyi Mwene, utume kama mutu weka.

Longeshi 1:18

Mumu mana anji kakufwichisa mutu; ni yoze mokesa yinyingi mokesa yinyengo.

Izaya 6:7

Yalisa ku kanwa liami ngwenyi, Chino hichakwata ku mivumbo ye, mba uhie we hakuchizawo, ni shili ye hakukonekenayo.

Jeremia 1:9

Mba Yehova yazoza kwoko lienyi yalisa ku kanwa liami; Yehova yamba kuli yami ngwenyi, Tala, hinasa maliji jami mu kanwa lie.

Ezekiel 1:26

Helu lia kuzazuluka chize chapwile ha mitwe yo hapwile ngwe kulifwa cha ngunja nikusoloka ngwe safwira. Mba kutwama helu lia kulifwa cha ngunja kwapwile ngwe kulifwa cha kupwa cha mutu.

Ezekiel 3:27

Alioze muze munguhanjika ni yena mungupakula kanwa lie, ukambe kuli ayo ngwe, Mwene Yehova kanambe ngwenyi. Mweswe mevwa, akevwe; mweswe mapangula, apangule, mumu o kapwa munyachi wa yihulia.

Ezekiel 33:22

Achi kwoko lia Yehova te linakangupwila ha chingoloshi shimbu te mwe mukwa kuchina kanda achiheta. Alioze hanangupakwila kanwa liami muze mwe mutu manguheta ha chimene. Chocho kanwa liami linapakuka; chapwile nawa kamama.

Daniel 12:8

Ami nevwile, hindu kuchangulumbunukine, kashika nambile ngwami, Mwene wami, songo lia yuma yino kuchi mulipwa?

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Daniel 7:15

Ha kutwala kuli yami Daniel, Spiritu yami muchima yalifwita, ni usolwelo wa mutwe wami wanguvwishile woma.

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Daniel 8:15

Yami Daniel, muze hinamona usolwelo uno, nafupile kuusa chinyingi, mba kwamanyine hakamwihi ni yami umwe wa kulifwa ni mutu.

Daniel 8:17

Chocho iye wakundamine kuze namanyine; mba ha kukundama, ami nevwile woma, nafulamanyine hashi. Alioze yamba kuli yami ngwenyi, Mwana mutu, nyingika ngwami, usolwelo uno watwala ku miaka ya ku songo.

Daniel 8:18

Shimbu machihanjika ni yami nayile tulo anji ni meso jami hashi; alioze iye yangusunga, yangumanyisa ha molu jami.

Daniel 8:27

Mba yami Daniel nalezumukine, napombele nikuyiza matangwa. Mba nakatukile nikulingalinga milimo ya mwanangana, alioze usolwelo wangushimine; kuwangulumbunukine.

Daniel 9:21

shimbu munguchihanjika nikulemba, mwe lunga Gabriele, yoze naona te hatangum mu usolwelo, yeza kuli yami nikuhumuka fuji ha ola ya mulambu wa chingoloshi,

Luka 1:64

Ni kanwa lienyi liapakukile haze hene ni limi lienyi liatusukile, neye wahanjikile nikufumanyisa Zambi.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Yoano 20:28

Tomase wamukumbulwile ngwenyi, Mwene wami kanda Zambi yami.

Yoshua 5:14

Iye yakumbulula ngwenyi, Ka, alioze yami hineza ngukapwe kapitau ka tujita twa Yehova. Mba Yoshua yafulamana ha meso jenyi nikuwayila, ngwenyi, Mwene, kuchi mutuma yami ngamba ye?

Usolwelo 1:13

mukachi ka yikwachilo shimbiali ya ndeya umwe wa kulifwa ni mwe Mwana Mutu, unazala uzalo wa kuheta ku yiliato, kanalijichika ha tulo ni muya wa oru.

Akwa Kuyula 13:8

Mba Manoa walembele kuli Yehova ngwenyi, Mwene, ngunalembe, mutu wa Zambi yoze watumine eze nawa kuli yetu atulongese chize chatutamba kulinga ni mwana-lunga yono meza kusemuka.

Akwa Kuyula 6:13

Ngideone yamukumbulula ngwenyi, Mwane, nyi chocho Yehova kwali hamwe ni yetu, kuchi te yuma yino yeswe hiyatuwana? Yikomokeso yenyi yeswe yilihiyo? Yize atata akutulweza ngwo, Te Yehova katuchijile ku Engitu nyi? Alioze haliapwila Yehova hatumbila. Hatukunjika kuli A-Mindiane.

Akwa Kuyula 6:15

Iye yamba ngwenyi, Mwane, kuchi munguhasa kupulula A-Izalele? Usoko wami e alelu muli A-Manase, mba yami nguli mwe mukepe mu munyachi wa yetu.