Daniel 10:13 - MUKANDA USANDU WA ZAMBI 1975

¹³ Mukwa kuyula wanangana wa Persia yalimika ni yami makumi aali a matangwa ni tangwa limuwika, alioze Mikele umwe wa akwa lutwe hakachi ka akwa kuyula yeza, yangukwasa, mba yingusalako ni mukwa kuyula wanangana wa Persia.

Mukanda Wa Zambi 1970

¹³ Mwe kanganda ka mwilu, kafunga ka wanangana wa Persia, yalimika ni yami matangwa makumi aali ni limuwika. Mba Mikele, mukwa lutwe wa tunganda twa mwilu, yeza ni kungukwasa, mumu nasalile ukawami mu Persia.

Daniel 10:13 Iomraidhean Croise

Ezra 4:24

Henaho kwaholele milimo ya zuwo lia Zambi ku Yerusaleme. Yaholele ndo ku mwaka wamuchiali wa Dariu mwanangana wa Persia.

Daniel 12:1

Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Efesu 6:12

Mumu kulinjika chetu hi cha kulimika ni atu a musunya ni manyinga ko, alioze cha kulimika ni mawanangana, cha kulimika ni yiyulo, cha kulimika ni ene ja milima ya mwakono, cha kulimika ni maspiritu ja ungulungulu mu malilu.

Kolosu 2:10

Ni muli iye kunwazala tò, mwenawo we mutwe wa mawanangana eswe ni yiyulo.

1 Tesalonika 2:18

mumu twazangile kwiza kuli yenu, yami Paulu, kanji kanji; alioze Satana watukwikile.

1 Petulu 3:22

yoze kwali ku kwoko lia chindume lia Zambi, se hanayi mwilu; angelo ni akwa kuyula ni tachi nikuzeyela kuli iye.

Yuda 1:9

Alioze Mikele mungelo mukwa lutwe, muze ahangulwile ni Ndiapu, wahamikine ha kutwala ku mujimba wa Mose, kahamukine kumukumika ni maliji a kutuka, aiioze wambile ngwenyi, Mwene akwámbile.

Usolwelo 12:7

Mba mwapile jita mwilu, Mikele ni angelo jenyi ashile jita ni ndragau; ni ndragau ni angelo jenyi ashile jita;