Daniel 10:12 - MUKANDA USANDU WA ZAMBI 1975

¹² Aye yamba kuli yami ngwenyi, Daniel kanda wivwa woma, mumu chize ku tangwa litangu lize wasele manyonga je yino yuma yikulumbunuke, ni kulikehesa kumeso ja Zambi ye, hapanjika ku maliji je, mba yami hineza ha mukunda wa maliji je.

Mukanda Wa Zambi 1970

¹² Mba yangwamba ngwenyi: “Daniel, kanda wivwa woma. Zambi hevwa kulemba che chize ku tangwa litangu lize unakabutuka kulikehesa hanga unyingike ulumbunwiso wa we Usolwelo. Yami hineza ni kukwaha kumbululo lia kulemba che.

Daniel 10:12 Iomraidhean Croise

Miaso (Masamu) 69:10

Muze nalilile, nikufumba mbunge yami nikulitwamina kulia, acho chapwile nawa cha kunguchoka.

Izaya 35:4

Ambenu kuli akwa mbunge ja woma ngwenu, Takamenu! Kanda nwivwa woma! Talenu Zambi yenu meza ni kufwetesa, meza ni kwononona cha Zambi. Meza nikunulamwina.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 41:14

Ena katutu Yakomba, kanda wivwa woma, enu malunga a Izalele! Yehova kanambe ngwenyi, Mungunukwasa; Mukwa-Kunukula iye mwe Musandu wa Izalele.

Izaya 58:9

Mba munukatambika ni Yehova makanukumbulula. Munuteta mba iye mamba ngwenyi, Yami uno. Nyi munuchiza kuli hakachi kenu, ni kwinyika munwe, ni kuhanjika ungulungulu;

Izaya 65:24

Mungukumbulula shimbu kanda achitambika; shimbu machihanjika mungwivwa.

Daniel 10:11

Yamba kuli yami ngwenyi, Daniel, mutu wa kuzanga chikolo, panjika kanawa ku maliji jami kuli yena. Mana ha molu je mumu haliapwila hangutuma kuli yena. Shimbu machihanjika liji lino ni yami, yingumana nikuchikima.

Daniel 10:19

Yamba ngwenyi, Mutu wa kuzanga chikolo, kanda wivwa woma, sambukila yikapwe kuli yena; takama ukapwe ni hamu linji. Ha kuhanjika ni yami yingwivwa tachi, yingwamba ngwami, Mwene wami ahanjike mumu hiwangwaha tachi.

Alevi 16:29

Muchipwa chiyulo cha mutolo kuli yenu, ngwami, ha kakweji wamuchishimbiali, ha tangwa liamuchikumi munukafwichisa mbunge jenu. Kanda nulinga milimo niyimwe, chipwe mwenyembo, chipwe njize yoze watwama hakachi kenu.

Alevi 16:31

Yikapwe Sambata ya uhwimino ulemu kuli yenu, nukafwichise mbunge jenu. Chino chikapwe chiyulo cha mutolo.

Kwalula 29:7

Ha tangwa liamuchikumi lia yono kakweji wamuchishimbiali nukapwe ni chikungulwila chisandu, nukafwichise mbunge jenu. Kanda nukalingaho milimo niyeyimwe, ka.

Mateu 28:10

Hohene Yesu wambile ngwenyi, Kanda nwivwa woma: yénu, nukambulwile mandumbu jami aye ku Ngalileya, kwenako makangumona.

Mateu 28:5

Mungelo wakumbulwile, wambile kuli mapwo ngwenyi, Kanda nwivwa woma; mumu ngunanyingika nunafupu Yesu, yoze anakamuhachila ha kulusu.

Marku 16:6

Iye yamba kuli ayo ngwenyi, Kanda nukomoka: nunafupu Yesu, Ka-Nazare, yoze anakamuhachila ha kulusu: hahinduka; amuno keshimo: talenu, homa haze anakamusa!

Luka 1:13

Alioze mungelo wambile kuli iye ngwenyi, Kanda wivwa woma, Zakaria; mumu hanapanjika ku kuliumba che; ni mukwenu-pwo Izabele kumakakusemena mwana-lunga, ukamuluke jina ngwe, Yoano.

Luka 1:30

Mungelo wambile kuli iye ngwenyi, Kanda wivwa woma, Maria, mumu hiunawane vumbi kumeso ja Zambi;

Luka 2:10

Mungelo wambile kuli ayo ngwenyi, Kanda nwivwa woma; mumu ngunanwambulwila sango lipema lia uwahililo unene, lize kumulikapwa kuli atu eswe.

Luka 24:38

Iye wambile kuli ayo ngwenyi, Kuchi te nunalipikala? Kuchi te manyonga ano aneza mu mbunge jenu?

Yilinga 27:24

ngwenyi, Paulu, kanda wivwa woma; Chakutamba kumana kumeso ja Sesare, ni chikwo nawa, Zambi hanakwehe waze eswe akwenda mu ulungu hamwe ni yena.

Usolwelo 1:17

Muze namumwene, nafulamanyine ku yiliato yenyi ngwe mufu; iye Wasayikile kwoko lienyi lia chindume hali yami, ngwenyi, Kanda wivwa woma, yami nguli mwe mutangu ni mwe kasula-songo;