Daniel 10:11 - MUKANDA USANDU WA ZAMBI 1975

¹¹ Yamba kuli yami ngwenyi, Daniel, mutu wa kuzanga chikolo, panjika kanawa ku maliji jami kuli yena. Mana ha molu je mumu haliapwila hangutuma kuli yena. Shimbu machihanjika liji lino ni yami, yingumana nikuchikima.

Mukanda Wa Zambi 1970

¹¹ Mwe kanganda ka mwilu yangwamba ngwenyi: “Daniel, Zambi kanakuzange. Katuka, ubanjike kanawa yeswe yize ngunakwambulwila. Hangutuma kuli yena.” Muze hamba chino, yingukatuka, te ngunachikima nganganga.

Daniel 10:11 Iomraidhean Croise

Jobe 37:1

Ha chikuma chino mbunge yami kuyakuchikima; kuyakutumbuka kuma kwayo.

Miaso (Masamu) 45:11

Mba mwanangana mazanga upeme we, mumu iye Mwene we; umuwayile.

Mwaso Ubema Wahiana 7:10

Nguli wa mbala wa mukwa zango liami, neye kakunguzanga.

Ezekiel 14:14

chipwe kachi wano malunga atatu, Noe, ni Daniel, ni Jo atwamamo, hindu mapulula mwono wo wika ha mukunda wa ululi wo. Chocho kanambe Mwene Yehova.

Ezekiel 2:1

Aye yamba kuli yami ngwenyi, Mwana mutu, mana ha molu je mba munguhanjika ni yena.

Daniel 10:19

Yamba ngwenyi, Mutu wa kuzanga chikolo, kanda wivwa woma, sambukila yikapwe kuli yena; takama ukapwe ni hamu linji. Ha kuhanjika ni yami yingwivwa tachi, yingwamba ngwami, Mwene wami ahanjike mumu hiwangwaha tachi.

Daniel 10:3

Chalile yuma yipema; chipwe yifwo, chipwe vinyu, kuyanjilile mu kanwa liami, chipwe kulikwita maji ka, ha semana jitatu ja muwundu.

Marku 16:8

O atuhukile fuji, akachine ku fuka; mumu kuchikima ni kukomoka chaakwachile: o kambile nichimwe kuli niumwe; mumu evwile woma.

Yoano 13:23

Achi, kwapwile umwe wa kuli tumbaji twenyi, kanajamina mu kondo ya Yesu, yoze amuzangile Yesu.

Yoano 21:20

Petulu, nikutewuluka, yamona kambaji yoze amuzangile Yesu kanakaula; yoze nawa wazeukilile mu kondo yenyi ha kulia, wambile ngwenyi, Iya yoze makukunjika?

Yilinga 26:16

Alioze katuka, umane ha molu je: mumu ha chino hinasoloka kuli yena, mukukutongola ukapwe kavumbi kami ni chela chami, ha yuma yize hiwangumonamo, ni ha yuma yize mungukasolokamo kuli yena;

Yilinga 9:6

Iye, nikuchikima, nikulishikishila, wambile ngwenyi, Mwene, kuchi unazange yami ngulinge? Mwene wambile kuli iye ngwenyi, Katuka, uye, ukanjile mu limbo, makakwambulwila chize Chakutamba kulinga.