Daniel 10:1 - MUKANDA USANDU WA ZAMBI 1975

¹ Ha mwaka wamuchitatu wa Siru mwanangana wa Persia, limwe liji alihanyine kuli Daniel yoze uli ni jina likwo Belteshazare. Liji lize liamwenemwene; ye jita yisuku. Aye yasa chinyingi lie liji; usolwelo wamulumbunuka.

Mukanda Wa Zambi 1970

¹ (Ha mwaka wa muchitatu wa kuyula cha Siruse, mwanangana wa Persia, Daniel, yoze te akuvuluka ngwo Belteshazare, yevwa maliji mu Usolwelo. E maliji abwile amwenemwene alioze chikalu kunyingika ulumbunwiso wo, mba yamulumbunwinoo mu Usolwelo ukwo.)

Daniel 10:1 Iomraidhean Croise

Ubutukilo 41:32

Mba se hanasolola chuma chino kaali kuli Falau, chinalumbunuka che chuma hanachikolesa kuli Zambi. Chikwo nawa Zambi kumakachilinga ni shimbu liakuhi.

2 Sango Ja Mianangana 36:22

Ha mwaka utangu wa Siru mwanangana wa Persia, hanga liji lia Yehova ku kanwa lia Jeremia likamanunuke, Yehova yasangumuna mbunge ya Siru mwanangana wa Persia akasanyike mutambi ndusu mu wanangana wenyi weswe. Yausoneka nawa ngwenyi,

Ezra 3:7

Yahana nawa mbongo kuli akwa kululika mawe, ni kuli akarpinteru; ni kulia ni kunwa ni maji kuli A-Sendone ni A-Teru akachize mitondo ya sedru ku Lebano nikuyineha ku kalungalwiji ku Yopa, nikulita ni shimbi yize Siru mwanangana wa Persia waahele.

Ezra 4:3

Alioze Zorobabele ni Yeshua ni akwo akwa lutwe mu minyachi ya atato mu Izalele yamba kuli ayo ngwo, Enu kunushi nichimwe ni yetu kutungila zuwo Zambi yetu. Yetwene ukawetu mututungila Yehova Zambi ya Izalele ngwe Siru mwanangana wa Persia hatutuma.

Ezra 4:5

Yafweta akwa mana kulimika no kufuwisa chize A-Izalele apalile kulinga, matangwa eswe a Siru mwanangana wa Persia ndusu ndo ku matangwa a kuyula Dariu mwanangana wa Persia.

Ezra 6:14

Ni makulwana ja A-Yunda yatunga nikusenya kulutwe mumu ha kuprofeteza cha profeta Hagaia ni Zekaria mwana Ido. Yatunga, yamanununa nikulita ni shimbi ya Zambi ya Izalele, nikulita ni chiyulo cha Siru, ni Dariu, ni Artasherke, mwanangana wa Persia.

Ezra 6:3

Ha mwaka utangu wa mwanangana Siru, mwanangana Siru wasele shimbi ngwenyi, Ha kutwala ku zuwo lia Zambi ku Yerusaleme—atunge lie zuwo kuze mashihila yitapo. Ase fundamentu ya tachi. Chizundamo chalio makumi asambano a mbandu, ni kutoha chalio makumi asambano a mbandu.

Izaya 44:28

Ha kutwala kuli Siru kakwamba ngwenyi, Iye kafunga kami, kumakamanununa upale wami weswe; ha kutwala ku Yerusaleme kanambe ngwenyi, Kumuyikatungiwa! Ha kutwala ku tembele ngwenyi, Kumakasa fundamentu ye.

Daniel 1:17

Ha kutwala kuli wano akweze awana, Zambi yaaha chinyingi ni kulongoloka mu sona jeswe ni mana, ni Daniel wapwile ni chinyingi cha usolwelo weswe ni yilota.

Daniel 1:21

Mba Daniel walindulukile ndusu ndo mwaka utangu wa mwanangana Siru.

Daniel 1:7

Unuku wa lutwe waalukile majina: Daniel yamuluka ngwenyi, Belteshazare; Hanania yamuluka ngwenyi, Shadrake; Mishaele yamuluka ngwenyi, Meshake; ni Azaria yamuluka ngwenyi, Abedenego.

Daniel 10:14

Haliapwila hineza ngukulumbunwine yize muyikawana atu je ha matangwa a kusula. Mumu usolwelo watwala ku matangwa aze meza kwiza.

Daniel 11:2

Mba haliapwila mungukulumbunwina umwenemwene. Tala, mianangana atatu akwo makasoloka mu Persia; mba wamuchiwana mapwa pichi kuhiana o eswe. Muze hatambula tachi ku upite wenyi, mavundula eswe kulimika ni Ngresia.

Daniel 12:4

Alioze yena Daniel, yika maliji wano, jika we mukanda, ndo ku mwaka wa ku songo. Anji muzombokela kweka ni kweka; mokesa yinyingi.

Daniel 12:9

Aye yamba ngwenyi, Daniel, yako kwe, mumu wano maliji a kuyika ndo ku mwaka wa ku songo.

Daniel 2:21

Iye kakwalumuna miaka ni tungonde; kakuchiza mianangana; kakumika mianangana. Kakuhana mana kuli akwa mana; kakuhana yinyingi kuli waze yuma muyialumbunuka.

Daniel 4:8

Ha kusula Daniel yeza kumeso jami—yoze amulukile Belteshazare mumu hali zambi yami, iye kali ni Spiritu ya mazambi asandu—yingumulweza chilota chami ngwami,

Daniel 5:12

mumu awanyine muli yono Daniel (mwanangana wamulukile Belteshazare) Spiritu mupema Wahiana, ni yinyingi, ni mana a kulumbununa yilota, ni kujimbula yijimbikilo, ni kupatula yuma yikalu. Kashika sanyika Daniel, mba makulweza ulumbunwiso.

Daniel 5:17

Daniel yakumbulula kumeso ja mwanangana ngwenyi, Yawana yenu yitwame kuli yenwene, ni kwononona chenu achihane kuli mweka, hindu mungutangila mwanangana je sona ni kunulweza ulumbunwiso wajo.

Daniel 6:28

Chocho yono Daniel yawaha ni milimo yenyi mu wanangana wa Dariu, ni mu wanangana wa Ka-Persia Siru.

Daniel 8:16

Nevwile liji lia mutu hakachi ka mbumbulu ja Ulai, linatambika ngwo, Gabriele, lumbunwina yono lunga we usolwelo.

Daniel 8:26

Usolwelo wa matangwa, uno hiwevwa, wamwenemwene, alioze jika ni Chijikilo, mumu watwala ku matangwa a kulutwe kusuku.

Luka 1:20

Mba tala, kumuhola kulungunga, kuchi kuhasa kuhanjika ndo tangwa lize yino yuma muyipwa, mumu kwafulielele maliji jami, eno kumakamanunuka ha mwaka wo.

Usolwelo 19:9

Iye yamba kuli yami ngwenyi, Soneka ngwe, Kawaha waze hanaatambika ku ulungi wa mwe Mwana-panga. Iye yamba kuli yami ngwenyi, Wano e maliji amwenemwene a Zambi.