Daniel 1:9 - MUKANDA USANDU WA ZAMBI 1975

⁹ Zambi yanyongesa unuku wa lutwe vumbi ni keke ha kutwala kuli Daniel.

Mukanda Wa Zambi 1970

⁹ Zambi yaha Ashpenaze manyonga abema haku twala kuli Daniel.

Daniel 1:9 Iomraidhean Croise

Ubutukilo 32:28

Iye yamba ngwenyi, Jina lie kulichi kupwa nawa Yakomba, alioze mulipwa Izalele, mumu walitachika ni Zambi, walitachika ni atu, wakumba.

Ubutukilo 39:21

Alioze Yehova Watwamine hamwe nenyi. Wamuwahishile nikumwaha vumbi kuli mwe kalayi ka zuwo lia ususu.

1 Yitanga Ya Mianangana 8:50

Konekena kama atu je waze hakuvulumuna ni milonga yize hanakuvulumuna ukaamwese keke kumeso ja waze hanaatwala funge hanga akaavwile keke.

Nehemia 1:11

Mwene, ngunalembe, twitwi lie Ukapanjike ku kulemba cha yami kavumbi ke ni ku kulemba cha tuvumbi twe waze akwivwa chiseke ha kulemesa jina lie. Wahisa kama yami kavumbi ke musono, ngunalembe, ukangwehe keke kumeso ja yono lunga. Mumu napwile mukwa kuhana musenge kuli mwanangana.

Nehemia 2:4

Mba mwanangana yamba kuli yami ngwenyi, Yika unazange kwita? Kashika yingulemba kuli Zambi ya mwilu.

Estere 2:9

Mwe mwana-pwo yamuwahila chikolo, yamulinga vumbi. Yamwaha nikawashi yuma yenyi ya kulipemesa nayo hamuwika ni kulia chenyi, ni tuvumbi twenyi shimbiali waze chaatamba kumwaha a ku zuwo lia mwanangana; mba yamututulula ku yipatulo yize yahiana kupema mu zuwo lia mapwo.

Jobe 5:15

Alioze kakupulula akwa kuhona ku katana, ni ku kanwa lio, ni kuli akwa ndundo.

Jobe 5:16

Chocho yiswale matalatala ni uhenge kuwakuhola.

Miaso (Masamu) 106:46

Waaselele keke kuli waze eswe aatwalile mu ufunge.

Miaso (Masamu) 4:3

Alioze nyingikenu ngwo, Yehova kakulisela mukwa uwayilo hali iye mwene. Yehova kumevwa muze mungutambika kuli iye.

Yishima 16:7

Muze ndako ja mutu jakuwahila Yehova, kakupwisa ni sambukila chipwe akwa kole jenyi.

Daniel 1:10

Unuku wa lutwe yamba kuli Daniel ngwenyi, Woma ngunevu kuchina mwene wami mwanangana, yoze wanuselele kulia chino ni kunwa chino, manumona ngwe akweze ni akwenu kanapeme, enu nunapiha. Chocho munusa mutwe wami mu Utoji kuli mwanangana.

Yilinga 7:10

Wamupulwile ku luyinda wenyi mweswe, wamuhele vumbi ni mana kumeso ja Falau, mwanangana wa Engitu: iye wamusele nguvulu helu lia Engitu ni helu lia zuwo lienyi lieswe.