Daniel 1:7 - MUKANDA USANDU WA ZAMBI 1975

⁷ Unuku wa lutwe waalukile majina: Daniel yamuluka ngwenyi, Belteshazare; Hanania yamuluka ngwenyi, Shadrake; Mishaele yamuluka ngwenyi, Meshake; ni Azaria yamuluka ngwenyi, Abedenego.

Mukanda Wa Zambi 1970

⁷ Mwata wa akwa kuyula yaaha majina aha: Belteshazare, ni Shadrake, ni Meshake, ni Abednego.

Daniel 1:7 Iomraidhean Croise

Ubutukilo 41:45

Falau yaluka José jina ngwenyi, Yena Zafwena-penenya. Yamwaha pwo Asena, mwana wa pwo wa Potifera sasendote ya One. Mba José wapalikile chifuchi cheswe cha Engitu.

1 MIANANGANA 23:34

Falau-Neko yasalakanyisa Eliakimi mwana Josia mu wanangana wa tato Josia. Yalumuna jina lienyi ngwenyi, Jehoakime, alioze yachiza Jehoahaze; yamutwala ku Engitu, kwenako yafwila.

1 MIANANGANA 24:17

Mba mwanangana wa Babilonia yapwisa mwanakwo wa tato, Matania, mwanangana kumusalakana. Aye jina lienyi yalialumuna ngwenyi, Zedekia.

Daniel 1:19

Mwanangana yahanjika no, mba hakachi ko eswe kawanyine niumwe wa kulita ni Daniel, ni Hanania, ni Mishaele, ni Azaria. Kashika o amanyine kumeso ja mwanangana.

Daniel 1:3

Mba mwanangana yatuma Ashepenaji, unuku wenyi wa lutwe, kuneha amwe hakachi ka atu ja Izalele; amwe a ku munyachi wa mwanangana, ni amwe atu alemu;

Daniel 10:1

Ha mwaka wamuchitatu wa Siru mwanangana wa Persia, limwe liji alihanyine kuli Daniel yoze uli ni jina likwo Belteshazare. Liji lize liamwenemwene; ye jita yisuku. Aye yasa chinyingi lie liji; usolwelo wamulumbunuka.

Daniel 2:26

Mwanangana yamba kuli Daniel, jina lienyi likwo Belteshazare, ngwenyi, Yena muhasa kungulweza chilota chize namwene, ni ulumbunwiso wacho nyi?

Daniel 2:49

Daniel yeta kuli mwanangana, mba yasela Shadrake, ni Meshake, ni Abedenego helu lia yiyulo ya provincia ya Babilonia; alioze Daniel watwamine ku zuwo lia mwanangana.

Daniel 4:5

Natetele chilota cha kungukolesa woma. Shimbu napombele ha muhela, manyonga ni usolwelo wa mutwe wami yangunehenene mwongo.

Daniel 4:8

Ha kusula Daniel yeza kumeso jami—yoze amulukile Belteshazare mumu hali zambi yami, iye kali ni Spiritu ya mazambi asandu—yingumulweza chilota chami ngwami,

Daniel 5:12

mumu awanyine muli yono Daniel (mwanangana wamulukile Belteshazare) Spiritu mupema Wahiana, ni yinyingi, ni mana a kulumbununa yilota, ni kujimbula yijimbikilo, ni kupatula yuma yikalu. Kashika sanyika Daniel, mba makulweza ulumbunwiso.