Daniel 1:4 - MUKANDA USANDU WA ZAMBI 1975

⁴ akweze keshi kapalia, apema chikolo, ni akwa kujama ni mana eswe, ni yinyingi, akwa kulongoloka, waze mahasa kuvumbika mu zuwo lia mwanangana, akaalongese je sona ni limi lia A-Kaletea.

Mukanda Wa Zambi 1970

⁴ Chaatamba kubwa malunga abema ku meso, akwa mana, akwa kulongoloka, akwa kujama, waze keeshi kapalia, hanga ahase kulinga mulimo mu chota cha mwanangana. Mwe Ashpenaze te chaatamba kwalongesa kutanga ni kusoneka liji lia Ababilonia.

Daniel 1:4 Iomraidhean Croise

Ubutukilo 41:46

José wapwile ni makumi atatu a miaka muze amanyine kumeso ja Falau mwanangana wa Engitu. Mba yakatuka kumeso ja Falau nikupalika chifuchi cheswe cha Engitu.

2 Samuel 14:25

Mu Izalele mweswe kumwapwile niumwe amuchichimiekene ha kupema chenyi shina Absalome wika. Chize ku yiliato yenyi ndo ku mbanda-mutwe kukwapwile kachipa nikamwe.

Yishima 22:29

Unamono chipalakata ku milimo yenyi, nyi? Kumakamana kumeso ja mianangana; kechi kumana kumeso ja atu amokomoko.

Longeshi 7:19

Mana kapwa tachi kuli mukwa mana kuhiana kumi lia akwa kuyula waze mapwa mu chihunda.

Izaya 36:11

Henaho Eliakimi ni Shepena ni Joa yamba kuli Rabeshaka ngwo, Hanjikenu kama kuli yetu tuvumbi twenu mu limi lia A-Asuria se liatulumbunuka. Kanda nuhanjika mu limi lia A-Yunda, mwe mu matwi ja atu ali ha chipanga-cha-mawe.

Jeremia 5:15

Yehova kanambe ngwenyi, Enu munyachi wa Izalele, ngunanukokela limwe vungu lia kusuku. Vungu lize Hapwa Ha kulinduluka, Hapwa Ha ku shakulu. Vungu limwe kunwanyingikine limi lio, ni chize mamba kuchichi kunulumbunuka.

Daniel 2:10

A-Kaletea yakumbulula mwanangana ngwo, Kuheshi umwe mutu hashi yoze mahasa kulinga chino mwanangana kanambe. Mumu niumwe mwanangana munene, wa ngolo, hafupa chuma chipwa haha kuli umwe chimbanda, hanji tahi, hanji Ka-Kaletea.

Daniel 2:2

Henaho mwanangana yatuma kusanyika yimbanda, ni tahi, ni akwa tufutafuta, ni A-Kaletea akalumbunune kuli mwanangana yilota yenyi. O yeza, yamana kumeso ja mwanangana.

Daniel 3:8

Kashika ha mwaka uze amwe A-Kaletea yaya ni kusuma A-Yunda ni kole.

Daniel 4:7

Kashika yimbanda, ni tahi, ni A-Kaletea, ni aprofeta yeza; yingwalweza che chilota, alioze kahashile kungulumbunwinacho.

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Daniel 5:7

Mwanangana yasanyika ni liji lia tachi anehe tahi, ni A-Kaletea, ni aprofeta. Mwanangana yamba kuli akwa mana a mu Babilonia ngwenyi, Mweswawo matanga sona jino ni kungulweza ulumbunwiso wajo, mungumujika ni mazalo a ufungo, mazala lenge lia oru ha kota yenyi, mapwa mukwa kuyula wamuchitatu mu wanangana.

Daniel 9:1

Ha mwaka utangu wa Dariu mwana Ahashueru, Ka-Media, yoze amupwishile mwanangana helu lia A-Kaletea—

Zakaria 2:4

Yamba kuli iye ngwenyi, Zomboka uambe kuli yono mukweze ngwe, Yerusaleme muyipwa ni atu a kutwamamo ngwe yihunda yize kuyishi yipanga-ya-mawe, mumu ha kwokelamo cha atu ni yimuna.

Yilinga 7:20

Ha mwaka uze Mose wasemukine, wavumbile kuli Zambi; o amulelele tukweji atatu mu zuwo lia tato:

Yilinga 7:22

Mose wafumbiwile ni mana eswe a Engitu, wapwile mukwa tachi ha maliji jenyi ni yitanga yenyi.

Efesu 5:27

hanga akatumbikile chikungulwila kuli iye mwene, cha uhenya, kuchishi chipeka, hanji mukanya, hanji chuma chimwe ngwe chino; alioze hanga chikapwe chisandu, kuchishi kapalia.

Akwa Kuyula 8:18

Mba Ngideone yamba kuli Zeba ni Zalumuna ngwenyi, Malunga nwashihile ku Tabore, kuchi apwile? Yakumbulula ngwo, Chize unapu yenu, no chocho apwile eswe. Eswe apwile ngwe ana ja mwanangana.