Daniel 1:2 - MUKANDA USANDU WA ZAMBI 1975

² Mwene yakunjika Jehoakime mwanangana wa Yunda kuli iye, hamwe ni yikwachilo yimwe ya mu zuwo lia Zambi. Yayineha ku chifuchi cha Shinare, ku zuwo lia zambi yenyi. Yasa yikwachilo mu zuwo lia kutulikila upite wa zambi yenyi.

Mukanda Wa Zambi 1970

² Mwene Zambi yamutayiza kukwata mwanangana Jehoakime ni kububa umwe ubite wa mu zuwo lia Zambi. Neye yaya ni amwe funge ku zuwo lia mazambi jenyi mu limbo lia Babilone, yasa yuma yize abubile mu mazuwo a kutulikila.

Daniel 1:2 Iomraidhean Croise

Ubutukilo 10:10

Uputukilo wa wanangana wenyi Mbapele, ni Ereke, ni Akate, ni Kalenehe mu chifuchi cha Shinare.

Ubutukilo 11:2

Shimbu machiya ku Chivumbuko awanyine chana mu chifuchi cha Shinare, yatwamako.

1 MIANANGANA 24:1

Ha matangwa jenyi Nabukanezore mwanangana wa Babilonia yeza, mba Jehoakime walumukine mukwa kumwononokena miaka yitatu; mba henaho yalumuka nawa, yamukatukila.

2 Sango Ja Mianangana 36:5

Ha kuputuka kuyula Jehoakime wapwile ni makumi aali a miaka ni miaka yitano; mba wayulile kumi lia miaka ni mwaka umuwika mu Yerusaleme. Walingile chipi kumeso ja Yehova Zambi yenyi.

2 Sango Ja Mianangana 36:7

Nabukanezore yambata ku Babilonia nawa yimwe ya yikwachilo ya mu zuwo lia Yehova, yayisa mu tembele yenyi ku Babilonia.

Ezra 1:7

Chikwo nawa mwanangana Siru yatuhwisa yikwachilo ya mu zuwo lia Yehova yize Nabukanezore hachiza ku Yerusaleme nikuyisa mu zuwo lia mazambi jenyi.

Izaya 11:11

Ha tangwa lize Mwene mazoza kwoko lienyi chisuho chamuchiali akahilwise masalila ja atu jenyi aze asala ku Asuria, ni ku Engitu, ni ku Patarose, ni ku Etiopia, ni ku Elame, ni ku Shinare, ni ku Hamate, ni ku yifuchi yeswe yasulangana ni kalunga-lwiji.

Izaya 42:24

Yoze wakunjikile Yakomba kuli akwa kupupa iya? Yoze wahanyine Izalele kuli yingumba iya? Hi Yehova ko yoze twamuvulumwine? Mumu kendele mu ndako jenyi, kononokene ku shimbi yenyi.

Jeremia 25:1

Liji lize liejile kuli Jeremia ha kutwala kuli A-Yunda eswe ha mwaka wamuchiwana wa Jehoakime mwana Josia mwanangana wa A-Yunda (achi chapwile mu mwaka utangu wa Nabukanezore mwanangana wa Babilonia).

Jeremia 27:16

Mba yinguhanjika kuli asasendote ni vungu lino lieswe ngwami, Yehova kanambe ngwenyi, Kanda nupanjika ku maliji ja aprofeta jenu waze anaprofeteza kuli yenu, ngwo, Talenu yikwachilo ya zuwo lia Yehova kwasala hakehe mba mayichiza ku Babilonia, mumu yize anaprofeteza kuli yenu mahuza.

Jeremia 28:3

Shimbu miaka yiali kanda yihwa munguhilwisa kuno yikwachilo yeswe ya zuwo lia Yehova, yize Nabukanezore mwanangana wa Babilonia wachijile kuno nikuyitwala ku Babilonia.

Jeremia 35:11

Alioze muze Nabukanezore mwanangana wa Babilonia wejile kwasa jita ni chifuchi chino twambile ngwetu, Tuyenu, tukandukenu ku Yerusaleme mumu ha woma wa tujita twa A-Kaletea ni tujita twa A-Seria. Kashika twatwama mu Yerusaleme.

Jeremia 50:2

Amba ku mavungu nikukololoka; mika mbandeira nikukololoka; kanda uchisweka, amba ngwe, Babilonia hanayitambula, Mbele hanamukolesa sonyi, Merodach kanatatajala. Tuponya twenyi hanaakolesa sonyi, mahamba jenyi kanatatajala.

Jeremia 51:44

Mbele mu Babilonia mungumwaha kastigu. Mungumuchiza mu kanwa chize hamina. Mavungu keshi kuya kuli iye nawa ngwe lwiji; chipanga cha Babilonia cha mawe hichapuzuka.

Daniel 5:13

Yaneha Daniel kumeso ja mwanangana. Mwanangana yamba kuli Daniel ngwenyi, Yena uli mwe Daniel, umwe wa njize aze a ku Yunda, mwanangana tata wachijile ku Yunda.

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Habakuke 1:16

Kashika kakushihila yitapo wanda wenyi, nikwochela insensu tambi lienyi mumu kwenako azukila yuma yipema ni kulia chenyi chinawaha.

Zakaria 5:11

Aye yamba kuli yami ngwenyi, Ku chifuchi cha Shinare akayitungile zuwo, mba muze halifunga matumbikilako ye efa ha umanyino wayo.

Shimbi 32:30

Kuchi umuwika mahuma kanunu hanji aali mazombwesa kumi lia tununu, kachi Liwe lio kaalanjishile kachi Yehova kaambilile?

Akwa Kuyula 2:14

Kashika utenu wa Yehova wakasumukine hali A-Izalele; waakunjikile kuli akwa kupupa, akaapupe. Yaalanjisa ku tachi ja akwa kole jo ha kwajingilika, chocho kahashile kulimika nawa ni akwa kole jo.

Akwa Kuyula 3:8

Kashika utenu wa, Yehova wakasumukine hali A-Izalele. Yaalanjisa ku moko ja Kushane-Rishataime mwanangana wa Mesopotamia mba A-Izalele alingilile Kushane-Rishataime miaka nake.

Akwa Kuyula 4:2

Kashika Yehova yaalanjisa ku kwoko Ha Jabini, mwanangana wa Kanana, yoze wayulile mu Hazore. Mwe kapitau wa tujita twenyi iye Sisera, Watwamine mu Harosete-Hagoimi.

1 Samuel 5:2

Muze hatambula mushete wa Zambi autwalile ku zuwo lia Ndagone autumbikile hakamwihi ni Ndagone.