Daniel 1:17 - MUKANDA USANDU WA ZAMBI 1975

¹⁷ Ha kutwala kuli wano akweze awana, Zambi yaaha chinyingi ni kulongoloka mu sona jeswe ni mana, ni Daniel wapwile ni chinyingi cha usolwelo weswe ni yilota.

Mukanda Wa Zambi 1970

¹⁷ Zambi yaaha ana malunga waze yinyingi, ni kulongoloka mu mikanda yeka ni yeka, ni mana a kushinginyeka. Zambi yamwaha Daniel mana ni kulumbununa Usolwelo ni yilota.

Daniel 1:17 Iomraidhean Croise

1 Yitanga Ya Mianangana 3:12

kashika hinalinga nikulita ni liji lie. Hinakwaha mbunge ya mana ni yinyingi chocho kukwapwile niumwe wa kulita ni yena kunyima, chipwe kulutwe niumwe masoloka wa kulita ni yena.

1 Yitanga Ya Mianangana 3:28

A-Izalele eswe yevwa upatwilo wa mwanangana uze hapatula. Yapwa ni woma wa mwanangana, mumu yamona ngwo, Mana a kupatula kali no a kuli Zambi.

2 Sango Ja Mianangana 1:10

Kashika ungwehe mana ni chinyingi ngukahase kutuhuka ni kunjila kanawa kumeso ja vungu lino; mumu iya mahasa kuyula wano atu je alemu Chichize?

2 Sango Ja Mianangana 1:12

kashika ngunakwehe mana ni chinyingi; alioze mungukwaha upite, ni yikumba, ni ulemu, kuhiana ya mianangana a kushi, chipwe mianangana aze makukaula kechi kupwa nayo.

2 Sango Ja Mianangana 26:5

Yalisela kufupa Zambi ha matangwa a Zekaria mukwa chinyingi ha usolwelo wa Zambi. Mba shimbu iye wafupile Yehova, Zambi wamuwahishile.

Jobe 32:8

Alioze kumanyi, ye Spiritu ya mutu, mwiku wa Mukwa-Ndundo-Jeswe yakumwaha yinyingi.

Yishima 2:6

Mumu Yehova kakuhana mana. Ku kanwa lienyi kwakutuhuka yinyingi ni malinjekela.

Longeshi 2:26

Mumu kuli yoze wamuwahila Zambi mahana mana, ni yinyingi, ni uwahililo; alioze kuli chivulumunyi mahana milimo, akahondangane akalumbike yuma ya kuhana kuli yoze wapemena Zambi. Chino nawa chapwa chamokomoko ngwe kuhanga ye fuji.

Izaya 28:26

Mumu hamufumba kanawa; Zambi yenyi kakumulongesa.

Ezekiel 28:3

Ewa, mana je ahiana aze a Daniel, nichimwe chijimbikilo chinakuswamina chakuhi;

Daniel 1:18

Ku songo lia miaka yize muze mwanangana yaasanyika aanehe, unuku wa lutwe yaaneha kuli Nabukanezore.

Daniel 1:20

Mu yikuma yeswe ya mana ni chinyingi mwanangana waahulile, yaawana hahiana kumi lia yisuho yimbanda eswe ni tahi eswe mu wanangana wenyi weswe.

Daniel 1:4

akweze keshi kapalia, apema chikolo, ni akwa kujama ni mana eswe, ni yinyingi, akwa kulongoloka, waze mahasa kuvumbika mu zuwo lia mwanangana, akaalongese je sona ni limi lia A-Kaletea.

Daniel 10:1

Ha mwaka wamuchitatu wa Siru mwanangana wa Persia, limwe liji alihanyine kuli Daniel yoze uli ni jina likwo Belteshazare. Liji lize liamwenemwene; ye jita yisuku. Aye yasa chinyingi lie liji; usolwelo wamulumbunuka.

Daniel 2:19

Henaho chijimbikilo achijimbwile kuli Daniel mu usolwelo ha ufuku. Kashika Daniel yahalisa Zambi ya mwilu.

Daniel 2:21

Iye kakwalumuna miaka ni tungonde; kakuchiza mianangana; kakumika mianangana. Kakuhana mana kuli akwa mana; kakuhana yinyingi kuli waze yuma muyialumbunuka.

Daniel 2:23

Kuli yena, Zambi ya tulamba twami, ngunasakwila, ngunahalisa, mumu wangwaha mana ni tachi. Hiwangunyingikisa chuma chize twechile kuli yena, mumu hiwatunyingikisa chikuma cha mwanangana.

Daniel 2:30

Alioze ha kutwala kuli yami, chijimbikilo chino hanangujimbwilacho hanga mwanangana akanyingike ulumbunwiso, hanga nukanyingike manyonga a mu mutwe wenu. Kuchapwile ngwe yami nguli ni mana kuhiana akwa mwono akwo.

Daniel 4:6

Kashika nahanyine shimbi angunehene akwa mana eswe a Babilonia angulumbunwine chilota chami.

Daniel 5:14

Hinevwa ha kutwala kuli yena ngwo, Spiritu ya mazambi uli nenyi, ni pangu, ni yinyingi, ni mana apema ahiana ayiwanyine muli yena.

Daniel 7:1

Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma.

Daniel 8:1

Ha mwaka wamuchitatu wa chiyulo cha mwanangana Beleshazare, usolwelo wasolokele kuli yami Daniel, kulutwe lia uze wasolokele hatangu.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Yilinga 6:10

O kahashile kulimika ni mana ni Spiritu yoze wahanjikile nenyi.

Yilinga 7:10

Wamupulwile ku luyinda wenyi mweswe, wamuhele vumbi ni mana kumeso ja Falau, mwanangana wa Engitu: iye wamusele nguvulu helu lia Engitu ni helu lia zuwo lienyi lieswe.

Yilinga 7:22

Mose wafumbiwile ni mana eswe a Engitu, wapwile mukwa tachi ha maliji jenyi ni yitanga yenyi.

Kolosu 1:9

Ha chikuma chino, ni yetu nawa, chize ku tangwa lize twachivwile, kutushi kulitwamina kunulembela ni kunwichila, hanga nukazale tò ni yinyingi yeswe ya upale wenyi ni mana eswe ni malinjekela ja uspiritu;

Tiangu (Jake) 1:17

Kuhana cheswe chipema ni yawana yeswe yingunu kuyakuhulumuka kwilu, kuli mwe Tato ya pangu, muli iye kumushi kwalumuka, chipwe Chizulie cha kutewuluka.

Tiangu (Jake) 1:5

Alioze kachi umwe wa kuli yenu mahona mana, akete kuli Zambi, yoze wakuhana kuli eswe ni kuvungumuna, keshi kuchoka; mba kumakamwaho.