Daniel 1:1 - MUKANDA USANDU WA ZAMBI 1975

¹ Ha mwaka wamuchitatu wa kuyula cha Jehoakime mwanangana wa Yunda, Nabukanezore mwanangana wa Babilonia yeza ku Yerusaleme, yayiseleka.

Mukanda Wa Zambi 1970

¹ Ha mwaka wa muchitatu wa kuyula cha Jehoakime, mwanangana wa chifuchi cha Yuda, mwanangana Nebukanezore wa chifuchi cha Babilonia yasa jita ni Yerusaleme, yaseleka lie limbo.

Daniel 1:1 Iomraidhean Croise

1 MIANANGANA 23:36

Ha kuputuka kuyula Jehoakime wapwile ni makumi aali a miaka ni miaka yitano. Wayulile kumi lia miaka ni mwaka umuwika mu Yerusaleme. Jina lia naye Zebuda mwana Pedaia wa ku Ruma.

1 MIANANGANA 24:13

Mba yachizako upite weswe wa zuwo lia Yehova, ni wa zuwo lia mwanangana. Yateta yipinji yikwachilo yeswe ya oru yize Solomone mwanangana wa Izalele walingile mu tembele ya Yehova, nikulita ni liji lia Yehova.

Izaya 39:7

Ni amwe a kuli ana je waze matuhuka muli yena, yena muasema, kumakaatwala. Kumakapwa aunuku mu zuwo lia mwanangana wa Babilonia.

Jeremia 25:1

Liji lize liejile kuli Jeremia ha kutwala kuli A-Yunda eswe ha mwaka wamuchiwana wa Jehoakime mwana Josia mwanangana wa A-Yunda (achi chapwile mu mwaka utangu wa Nabukanezore mwanangana wa Babilonia).

Jeremia 35:1

Liji lia Yehova liejile kuli Jeremia ha matangwa a Jehoakime mwana Josia mwanangana wa Yunda ngwenyi,

Jeremia 35:11

Alioze muze Nabukanezore mwanangana wa Babilonia wejile kwasa jita ni chifuchi chino twambile ngwetu, Tuyenu, tukandukenu ku Yerusaleme mumu ha woma wa tujita twa A-Kaletea ni tujita twa A-Seria. Kashika twatwama mu Yerusaleme.

Jeremia 36:1

Ha mwaka wamuchiwana wa Jehoakime mwana Josia mwanangana wa Yu nda liji lino liejile kuli Jeremia lia kuli Yehova ngwenyi,

Jeremia 45:1

Liji lia profeta Jeremia kuli Baruke mwana Neria ha kusoneka maliji ano mu mukanda shimbu Jeremia mamusonekesa ha mwaka wamuchiwana wa Jehoakime mwana Josia mwanangana wa Yunda ngwenyi,

Jeremia 50:1

Liji lize Yehova wambile ku kanwa lia profeta Jeremia ha kutwala ku Babilonia ni chifuchi cha A-Kaletea, ngwenyi,

Jeremia 52:12

Ha kakweji wamuchitano ha tangwa liamuchikumi lia kakweji—we mwaka kumi ni wamuchilivwa wa mwanangana Nabukanezore mwanangana wa Babilonia—kwejile Nabuzaradane, kapitau ka tulayi, kanda kavumbi ka mwanangana wa Babilonia ku Yerusaleme.

Jeremia 52:28

Kwalula cha atu aze Nabukanezore atwalile funge chino; ha mwaka wamuchishimbiali, tununu atatu a A-Yunda ni makumi aali ni A-Yunda atatu.

Daniel 5:13

Yaneha Daniel kumeso ja mwanangana. Mwanangana yamba kuli Daniel ngwenyi, Yena uli mwe Daniel, umwe wa njize aze a ku Yunda, mwanangana tata wachijile ku Yunda.