Amose 9:9 - MUKANDA USANDU WA ZAMBI 1975

⁹ Mumu mungukatuma kusakumuna munyachi wa Izalele hakachi ka mavungu ngwe umwe kakusakumuna musalo wa masekeseke, alioze nikamwe kaliwe mukaholoka hashi kakuhi.

Mukanda Wa Zambi 1970

⁹ Munguhana Shimbi kuli akwa kole ja Aisraele ha kwasala ngwe chize atu akusala masekeseke mu musalo. Nikamwe ka liwe kukahashile kuholoka hashi. Mungukaasala ha kusakula atu abi mukachi ko muze maakabwa funge mu yifuchi ya yilambala.

Amose 9:9 Iomraidhean Croise

Izaya 27:12

Ha tangwa lize Yehova mazungula mbuto chize ku lwiji Ufrateze ndo ku chitwetwe cha Engitu, ni yenu A-Izalele manwanda umwe ha umwe.

Izaya 28:28

Kakundonda mbuto ya mbolo? Hi chocho ko. Keshi kuyizungula matangwa eswe, muze mapalikisaho roda ya temba lienyi ni tuvwalu twenyi, kayifwenyene.

Izaya 30:28

Mwiku wenyi unapu ngwe muhwiji wa kuzemuna wa kuheta ndo ku kota. Kumakasalula mavungu ni musalo wa kwonwona, kumakasa mu kanwa lia mavungu lelia lia kwapiangula.

Jeremia 31:36

kanambe ngwenyi, Nyi kwenda chino cha kufunjika muchihona kumeso jami (chocho kanambe Yehova) mba ana ja A-Izalele mahasa kuhona kupwa vungu kumeso jami ndo ku miaka.

Jeremia 46:28

Yehova kanambe ngwenyi, Yena kavumbi kami Yakomba kanda wivwa woma, mumu yami hamuwika ni yena nguli. Mungumanununa wupu mavungu aze eswe kuze hinanuhumina, alioze yenu chichi kunumanununa liakulu. Mungunufumba ni kulita. Chichi kunuhichika chizechene ni kastigu yakuhi.

Jeremia 49:36

Mungukokela hali A-Elame mafuji awana a ku mbango jiwana ja malilu, mba mungwamwangina ku mafuji aze eswe. Kukuchi kapwa limwe vungu kuze A-Elame a kuhanga kechi kachinyinako.

Ezekiel 20:38

Mungukachiza akwa kukolema hakachi kenu ni waze eswe akunguvulumuna; mungukaachiza ku chifuchi kuze atwamine njize, alioze kechi kanjila mu chifuchi cha Izalele. Henaho munukanyingika yami nguli Yehova.

Ezekiel 36:19

Naamwangine hakachi ka mavungu, amwanganyine mu yifuchi. Naapatwile nikulita ni ndako jo ni yitanga yo.

Ezekiel 39:28

Henaho makanyingika yami nguli Yehova Zambi yo mumu naatumine ku unjize hakachi ka mavungu, mba naakungile nawa ku chifuchi cha ayo ene. Chichi kahichika niumwe akasale hakachi ka mavungu nawa.

Ezekiel 5:10

Kashika malunga malia ana jo a malunga hakachi kenu; ni ana a malunga malia atato, mba mungulinga upatwilo hali yenu, ni waze malisalaho mungukanumwangina ku fuji jeswe.

Ezekiel 5:12

Chihanda chamuchitatu cha yenu muchifwa ni chilungo ni kunonga ni kapunga hakachi kenu; chihanda chamuchitatu muchifwa ni katana kwa kunujingilika; chihanda chamuchitatu mungumwangina ku fuji jeswe ni kutomona katana kunuhanga.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Luka 22:31

Mba Mwene wambile ngwenyi, Semone, Semone, tala, Satana hananufupu hanga akanusale ngwe tiliku.

Shimbi 28:64

Yehova makanumwanga hakachi ka mavungu eswe, katuke ku songo limwe lia hashi ndo ku songo likwo lia hashi. Munukavumbikako tuzambi tweka, kunwatunyingikine chipwe yenu, chipwe tulamba twenu, te mitondo ni mawe.