Amose 9:8 - MUKANDA USANDU WA ZAMBI 1975

⁸ Meso ja Mwene Yehova ha chifuchi cha shili anaahulikila, mba mungukachonwona he ha mavu: Munyachi wa Yakomba wika chichi kaunongesa liakulu. Chocho kanambe Yehova.

Mukanda Wa Zambi 1970

⁸ Ewa, nakuhulikila meso ku wanangana uno ubi wa Israele, mungukawonona. Alioze chichi kwonona vungu lia Yakoba.

Amose 9:8 Iomraidhean Croise

Ubutukilo 6:7

Kashika Yehova yamba ngwenyi, Atu ano natangile mungwanongesa hashi; ni atu, ni tushitu, ni tututu, ni tujila a mu tetela, mumu hichangukonyekesa chize naatangile.

Ubutukilo 7:4

Mumu kwasala matangwa shimbiali mba mungunokesa vula hashi, makumi awana a matangwa ni makumi awana a ufuku. Yuma yeswe ya mwono natangile mungujimuna ha kuzazuluka cha mavu.

1 Yitanga Ya Mianangana 13:34

Chuma chino chapwile mulonga wa munyachi wa Jeroboame akaupatule akaujimune hashi lume.

Yishima 15:3

Meso a Yehova anamono kweswe nikutala chipi ni chipema.

Yishima 5:21

Mumu ndako jeswe ja mutu jinasoloka ku meso ja Yehova. Iye kakutala majila jenyi eswe.

Jeremia 30:11

Mumu Yehova kanambe ngwenyi, Yami kunguli hamwe ni yena kukulamwina. Mungumanununa liakulu mavungu eswe kuze hinakumwangina, alioze chichi kakumanununa yena. Mungukufwetesa ni kulita; chichi katá kukuhichika ni kastigu yakuhi.

Jeremia 44:27

Pundu, ngunatale kuli ayo kwalinga yikalu, hi yipema ko. A-Yunda eswe waze ali mu chifuchi cha Engitu makakuwa ni katana ni kapunga ndo makahwa lume.

Jeremia 46:28

Yehova kanambe ngwenyi, Yena kavumbi kami Yakomba kanda wivwa woma, mumu yami hamuwika ni yena nguli. Mungumanununa wupu mavungu aze eswe kuze hinanuhumina, alioze yenu chichi kunumanununa liakulu. Mungunufumba ni kulita. Chichi kunuhichika chizechene ni kastigu yakuhi.

Jeremia 5:10

Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Hosea 1:4

Yehova yamba kuli iye ngwenyi, Umuluke jina Yezerele mumu kwasala hakehe mba munguhana kastigu ku munyachi wa Jehu ha mukunda wa manyinga a ku Yezerele, mba mungusulisa wanangana wa munyachi wa Izalele.

Hosea 1:6

Yaka nawa ufumba, yasema mwana wa pwo, mba Yehova yamba kuli iye ngwenyi, Umuluke jina lienyi, Lo-Ruhama, mumu chichi kuvwila nawa keke munyachi wa Izalele ngukaakonekene.

Joele 2:32

Mba mweswe masanyika ha jina lia Yehova kumakamupulula. Mumu mu mulundu wa Zaione ni mu Yerusaleme kumukukapwa waze maapulula, chizechene ngwe Yehova ha nambe. Hakachi ka kuputuka kumuhakapwa waze a kusanyika kuli Yehova.

Amose 3:12

Yehova kanambe ngwenyi, Ngwe kafunga matambula ku kanwa lia ndumba molu aali hanji chipinji cha twitwi, chocho makupulula A-Izalele waze anatwama mu Samaria, ha mbango ya muu, hanji ha muhela wa kulilengela.

Amose 7:17

Kashika Yehova kanambe ngwenyi, Pwo lie makapwa chikoi mu chihunda, anenu a malunga ni a mapwo makafwa ni katana, ni chifuchi che machipangila ni muhipu, ni yena mwene kumukafwa mu chifuchi cha luchisa, ni A-Izalele kumakaya ku unjize kusuku ni chifuchi cho.

Amose 9:10

Yivulumunyi eswe a atu jami makafwa ni katana waze akwamba ngwo, Chipi kuchichi kutuwana chipwe kutakana ni yetu.

Amose 9:4

Chipwe maya ufunge kuli akwa kole jo, kwenako mungukatuma katana mba makaashiha. Mungwahulikila meso jami kwalinga chipi hi chipema ko.

Shimbi 4:31

Mumu te Yehova Zambi yenu iye Zambi ya keke. Kechi kanwehuka yenu, chipwe kumwonwona, ka, chipwe kuvulama usendo wa tulamba twenu iye walishingile kuli ayo.

Shimbi 6:15

mumu Yehova Zambi yenu yoze uli hakachi kenu iye Zambi ya ukwa, kuchina utenu wa Yehova Zambi yenu muunukasumukina, iye makanukuwisa hashi heswe.