Amose 9:4 - MUKANDA USANDU WA ZAMBI 1975

⁴ Chipwe maya ufunge kuli akwa kole jo, kwenako mungukatuma katana mba makaashiha. Mungwahulikila meso jami kwalinga chipi hi chipema ko.

Mukanda Wa Zambi 1970

⁴ Chibwe akwa kole jo akaatwale mu ufunge, hindu mungukaashihisa ni mukwale. Ngunaahulikila meso ha kwalinga yibi, hi yibema ko.”

Amose 9:4 Iomraidhean Croise

Ubutukilo 44:21

Enu nwambile ngwenu, Numunehe kuli yami hanga ngumutale kama.

2 Sango Ja Mianangana 16:9

Mumu meso ja Yehova kakuzomboka ndusu hashi heswe akalisolole mukwa tachi kukwasa yoze uli ni mbunge yingunu kuli iye. Ha chuma chino hiwalinga ni uhepuke, mumu chize ku musono muopwa ni jita.

Miaso (Masamu) 34:17

Akwa ululi yateta, Yehova yevwa, yaapulula ku lamba lio lieswe.

Kutuhuka 14:24

Kumanyi haze ha kufulafula ni kucha—ku nguji lia kahia ni ku nguji lia lelwa Yehova watalile ku chizavu cheswe cha A-Engitu. Iye yatalisa chendo cheswe cha A-Engitu.

Jeremia 12:12

Akwa kupunda haneza ha milundu yeswe ya hululu mu puya, mumu katana ka Yehova kakuwumbula, chize ku songo limwe lia chifuchi ndo ku songo likwo lia chifuchi; niumwe mutu kali ni sambukila.

Jeremia 21:10

Mumu Yehova kanambe ngwenyi, Hinasa meso jami kulimika ni chihunda chino ha chipi, hi ha chipema ko. Kumunguchihana mu moko ja mwanangana wa Babilonia mba iye kumachocha ni kahia.

Jeremia 24:6

Mungusa meso jami hali ayo ngukaalinge yipema. Mungwahilwisa nawa ku chifuchi chino, mungwatungisa, chichi kwapuzula nawa; mungwatumba chichi kwatukula.

Jeremia 39:12

Mutambule umufunge kanawa. Kanda umulinga chipi alioze ulinge nenyi chizechene ngwe mwene mamba.

Jeremia 39:16

Yako ukambe kuli Ka-Etiopia Ebedemeleke ngwe, Yehova-wa-Tujita, Zambi ya Izalele kanambe ngwenyi, Mungumanununa maliji jami a kutwala ku chihunda chino ha yuma yikalu, hi yuma yipema ko, mba kumakamanunuka kumeso je ha tangwa liacho.

Jeremia 44:11

Kashika Yehova-wa-Tujita, Zambi ya Izalele kanambe ngwenyi, Mungusa meso jami kulimika ni yenu kunulinga chikalu; ngukateteho A-Yunda eswe.

Ezekiel 5:12

Chihanda chamuchitatu cha yenu muchifwa ni chilungo ni kunonga ni kapunga hakachi kenu; chihanda chamuchitatu muchifwa ni katana kwa kunujingilika; chihanda chamuchitatu mungumwangina ku fuji jeswe ni kutomona katana kunuhanga.

Ezekiel 5:2

Chihanda chamuchitatu muwocha ha jiko hakachi ka chihunda muze matangwa a kuseleka hahwa; chihanda chikwo chamuchitatu muwanda nikuchilambalamba ni katana kweswe kwa kujingilika chihunda; chihanda chikwo chamuchitatu mumwangina mu fuji, mba mungutomona katana kujihanga.

Alevi 17:10

Nyi mutu mweswawo, apwe wa vungu lia Izalele, apwe wa njize atwama hakachi ko, malia amwe manyinga, mungusa meso jami a kulimika ni mukwa kulia manyinga, ngukamutete hakachi ka atu jenyi.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Amose 9:8

Meso ja Mwene Yehova ha chifuchi cha shili anaahulikila, mba mungukachonwona he ha mavu: Munyachi wa Yakomba wika chichi kaunongesa liakulu. Chocho kanambe Yehova.

Zakaria 8:10

Mumu shimbu matangwa aze kanda achiheta kukwapwile fweto ya mutu hanji fweto ya chimuna chipwe kutusuka kuli mukwa kole hali yoze matuhuka hanji yoze manjila, mumu navundwile mutu mweswe kulimika ni mukwo.