Amose 9:3 - MUKANDA USANDU WA ZAMBI 1975

³ Chipwe maswamina ha mbulwa mulundu wa Karmela kwenako mungukaafupa ni kwakwata. Chipwe manguswamina mu mashima a kalunga-lwiji mungukatuma kapela mba makaasuma.

Mukanda Wa Zambi 1970

³ Chibwe akaswame helu lia mulundu wa Karmele, hindu mungukaafupa ni kwakwata. Chibwe akaswame mu mashima a kalunga lwiji, hindu mungukambila kashitu munene ha kwasuma.

Amose 9:3 Iomraidhean Croise

Ubutukilo 3:8

Aho yevwa liji lia Yehova Zambi kanende mu munda ha kukekema cha tangwa, kashika lunga ni mukwo-pwo yaswama kumeso ja Yehova Zambi hakachi ka mitondo ya mu munda.

2 Samuel 22:46

Yilambala kumakalela; kumatuhuka mu yiswamo yo nikuchikima.

Jobe 22:13

Kashika wakwamba ngwe, Zambi yika ananyingika? Mahasa kusopa ndusu mu milima nyi?

Jobe 34:22

Kukushi kulá hanji milima pwi kuze akwa kulinga yipi mahasa kuswama.

Miaso (Masamu) 68:23

Hanga ukachupike chiliato che mu manyinga, hanga malimi a tuwa twe akapwe ni chihanda cho cha kuli akwa kole je.

Izaya 27:1

Ha tangwa lize Yehova ni katana kenyi mukalu ni munene, wa tachi, makafwetesa Leviatanu mwe lunoka wa kuzomboka, Leviatanu mwe lunoka wa kulikonyekakonyeka; makashiha mwe ndragau yoze watwama mu kalunga-lwiji.

Jeremia 16:16

Yehova kanambe ngwenyi, Ngunatumina akwa kutela yishi anji, mba kumakaoza; mba kulutwe mungutumina yingyanga anji, no maahanga ku milundu yeswe, ni mindundena yeswe ni ku yivwenge.

Amose 1:2

Yamba ngwenyi, Yehova kanakulunguza ku Zaione, kanahiohesa liji lienyi ku Yerusaleme. Ulilo wa tufunga unalili; helu lia mulundu wa Karmela hanalele.