Amose 9:14 - MUKANDA USANDU WA ZAMBI 1975

¹⁴ Mungukahilwisa kuwaha cha atu jami A-Izalele mba makatungulula yihunda yize hiyapuzuka, makatwamamo. Makalima minda ya uva nikunwa vinyu yayo; makalinga manaka nikulia mihuko yo.

Mukanda Wa Zambi 1970

¹⁴ Mungukahilwisa atu jami ku chifuchi cho. No kumaakatungulula membo waze haanaabuzuka ni kutwama mo. Maakalima minda ni kulia mihuko yayo.

Amose 9:14 Iomraidhean Croise

Miaso (Masamu) 107:37

Akakuwe mu mande, akatumbe minda ya uva, akazuke kwoko cha mihuko.

Miaso (Masamu) 53:6

Nyi kachi ulamwino wa Izalele hiwatuhuka kama mu Zaione! Muze Zambi mahilwisa ufunge wa atu jenyi, henaho Yakomba mawahilila; Izalele mevwa chiseke.

Izaya 60:4

Talenu kweswe kwa kunujingilika nukamone; eswe kanakunguluka hamuwika, kaneza kuli yenu. Anenu a malunga makatuka kusuku; anenu a mapwo maambata mu makondo.

Izaya 61:4

Makatunga nawa mazuwo a shakulu waze hanapuzuka, makatunga nawa yuma ya kushi yize hanonwona. Makalulika yihunda yize hiyinalumbuka, yuma ya kwonwona ku yisemuko yinji.

Izaya 65:21

Kumakatunga mazuwo a kutwamamo; kumakatumba minda ya uva nikulia ye mihuko yamo.

Jeremia 12:15

Alioze muchikapwa muze te hinaatukula munguhiluka, mungwavwila keke. Mungwaneha nawa mutu mweswe ku chihinga chenyi, mutu mweswe ku chifuchi chenyi.

Jeremia 16:15

alioze mamba ngwo, Ni mwono wa Yehova yoze wachijile A-Izalele ku chifuchi cha ku Norte ni ku yifuchi yeswe kuze haahumina. Mumu mungwahilwisa nawa ku chifuchi cho ene chize nahanyine kuli tulamba two.

Jeremia 23:8

alioze makamba ngwo, Ni mwono wa Yehova yoze wachijile ni kusongwela ana ja ku munyachi wa Izalele ku chifuchi cha ku Norte ni ku yifuchi yeswe kuze te hanaahumina. Mba matwama mu chifuchi cho ene.

Jeremia 24:6

Mungusa meso jami hali ayo ngukaalinge yipema. Mungwahilwisa nawa ku chifuchi chino, mungwatungisa, chichi kwapuzula nawa; mungwatumba chichi kwatukula.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Jeremia 30:18

Yehova kanambe ngwenyi, Munguhilwisa kuwaha cha mbalaka ja Yakomba; munguvwila keke mazuwo jenyi. Makatunga cheka nawa che chihunda ha mulumba wacho, ni zuwo lia mwanangana mulikamana kuze liapwile kushi.

Jeremia 30:3

Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Jeremia 31:23

Yehova-wa-Tujita, Zambi ya Izalele kanambe ngwenyi, Cheka nawa mamba maliji ano mu chifuchi cha Yunda ni mu yihunda yako muze munguhilwisa kuwaha cho ngwo, Yehova akuwahise, ena zuwo lia ululi, ena mulundu usandu.

Jeremia 31:28

Mba chizechene ngwe hinaatala kutukula, ni kupuzula, ni kununguna, ni kwonwona, ni kukoka yuma yikalu, chocho mungwatala kutunga ni kutumba. Chocho kanambe Yehova.

Jeremia 31:5

Cheka nawa mukatumba minda ya miuva ha milundu ya Samaria. Akwa kutumba matumba, mba mayuka ni mihuko.

Jeremia 32:15

Mumu Yehovawa-Tujita, Zambi ya Izalele kanambe ngwenyi, Mazuwo, ni minda, ni minda ya uva kumakayilanda cheka nawa mu chifuchi chino.

Jeremia 32:37

mungwakonga ku yifuchi yeswe kuze naahuminyine mu utenu wami ni ufwatulo wami, ni matoto anji. Mungwaneha cheka nawa ku chifuchi chino nikwatwamisa ni sambukila.

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

Jeremia 33:7

Mungukahilwisa kuwaha cha Yunda ni kuwaha cha Izalele, nikwatunga nawa chize apwile hatangu.

Ezekiel 16:53

Mungukahilwisa kuwaha cho; kuwaha cha Sondome ni anenyi a mapwo, ni kuwaha cha Samaria ni anenyi a mapwo; chikwo nawa mungukahilwisa kuwaha cha yena mwene hakachi ko,

Ezekiel 28:26

Kumakatwamamo ni chipi chakuhi, ni kutunga mazuwo, ni kutumba minda ya uva. Kumakatwama ni chipi chakuhi, muze hinalinga upatwilo wami hali waze eswe anaajingilika waze te hanaalelesa. Henaho makanyingika yami nguli Yehova, Zambi yo.

Ezekiel 37:21

hi amba kuli ayo ngwe, Mwene Yehova kanambe ngwenyi, Munguchiza A-Izalele ku mavungu kuze hanayi; mungwakonga sali ni sali ngukaanehe mu chifuchi cha ayo ene.

Ezekiel 39:25

Kashika Mwene Yehova kanambe ngwenyi, Haliapwila mungukahilwisa kuwaha cha Yakomba, mungukavwila keke munyachi weswe wa Izalele. Mungukevwa ukwa ha jina liami lisandu.

Amose 5:11

Kashika se nwakuliata yiswale nikumufwetesa tiliku, kashika chipwe hinwatunga mazuwo ja mawe a kululika hindu kunuchi katwamamo. Hinwatumba minda yipema ya uva alioze kunuchi kanwa vinyu yako.

Zefania 1:13

Mapunda yikumba yo; menyeka mazuwo jo. Chipwe matunga mazuwo kechi katwamamo. Chipwe matumba miuva, kechi kanwa vinyu yayo.

Zefania 2:7

Mbaka muyipwa chihinga cha masalila ja munyachi wa A-Yunda kuze Analishila yimuna. Mu mazuwo ja Asekalone mapomba ha chingoloshi; mumu Yehova Zambi yo maewuluka ni kwahilwisa kuwaha cho.