Amose 9:13 - MUKANDA USANDU WA ZAMBI 1975

¹³ Yehova kanambe ngwenyi, Matangwa kaneza muze mukwa kuchipa maheta mukwa kucha, ni mukwa kukama uva maheta mukwa kutumba mbuto. Milundu muyikasulumuka ni vinyu yipema, ni mindundena muyikapukukila nayo.

Mukanda Wa Zambi 1970

¹³ Mwene Zambi kanambe ngwenyi: “Tangwa mulikeza lize mbuto muyikoka kuhiana, keechi kuhasa kuyibatula yeswe; ni mihuko ya vinyu muyikoka kuhiana, keechi kayikama yeswe. Milundu muyikasulumioka vinyu yiyema, ni mu mikandu muyikapukumioka ngwe meya.

Amose 9:13 Iomraidhean Croise

Ubutukilo 49:11

Yakashila mwana-chimbulu ku muuva, yakashila mwana-chimbulu ku muuva upema. Yakosela mazalo jenyi mu vinyu, yakosela chikuto chenyi mu manyinga a uva.

Miaso (Masamu) 97:5

Milundu yasangunukine ngwe sela kumeso ja Yehova; kumeso ja Mwene wa hashi heswe.

Izaya 16:10

Uwahililo ni chiseke hanayichiza ku minda ya mihuko. Mu minda ya uva kembile nawa miaso, katambikile; niumwe mukwa kukama kanalingi milimo yenyi mu ukamino wa uva; mitambi ya kucha hiyahola.

Izaya 55:13

Mitondo ya kupresu muyikasoka kusalakana mingonga, ni miluta muyikasoka kusalakana mikalale. Mba chino muchipwa kuli Yehova ngwe Chiwulwiso; chilayi cha mutolo kuchichi kapatuka.

Ezekiel 28:26

Kumakatwamamo ni chipi chakuhi, ni kutunga mazuwo, ni kutumba minda ya uva. Kumakatwama ni chipi chakuhi, muze hinalinga upatwilo wami hali waze eswe anaajingilika waze te hanaalelesa. Henaho makanyingika yami nguli Yehova, Zambi yo.

Ezekiel 36:35

Mba kumakamba ngwo, Chifuchi chino chapwile cha kwenyeka haliapwila hichalumuka ngwe munda wa Endene, ni yihunda yize ya kwenyeka, ya hululu, ya kupuzula, haliapwila yapwa ni atu, yapwa ya kukolesa.

Joele 2:24

Mazuwo makazala tò ni tiliku, ni yikwachilo muyikasupwoka ni vinyu ni maji.

Joele 3:18

Ha tangwa lize milundu muyikasutwoka vinyu yipema, ni mindundena muyikapukumuna yamwa. Yitwetwe yeswe ya Yunda muyikazala ni meya. Mba fuji limwe mulikapukukila mu zuwo lia Yehova nikutuchikisa chana cha Shitime.

Joele 3:20

Alioze Yunda kumakatwama ku miaka ya mutolo. Yerusaleme kumuyikatwama chize ku yisemuko ndo ku yisemuko.

Alevi 26:5

Mwaka wa kuzungula muuheta ndo ku mwaka wa kuhela uva. Mwaka wa kuhela uva muuheta ndo ku mwaka wa kukuwa mbuto. Munukalia nikukuta. Munukatwama mu chifuchi chenu, ni woma ka.

Amose 9:5

Mwene Yehova-wa-Tujita, yoze masunga hashi mba muhasangunuka, mba waze eswe aliho malishimwoka, neho heswe muhazunduka ngwe lwiji Nilo ni kuhuwa nawa ngwe Nilo wa Engitu;

Yoano 4:35

Kunushi kwamba ngwenu, Kunasala tukweji awana ni mwaka wa kucha muwiza, nyi? Talenu, ngunambe kuli yenu ngwami, Hetulenu meso jenu, nwaze yifuchi, yinachili kulu ha kucha.

Akwa Kuyula 5:5

Milundu yanyikine kumeso ja Yehova, chipwe Sinai kumeso ja Yehova mwe Zambi ya Izalele.