Amose 9:11 - MUKANDA USANDU WA ZAMBI 1975

¹¹ Ha tangwa lize mungutungulula nawa mbalaka ya David yize hiyinapuzuka. Mungukalulika yituwa yayo, nikumika nawa yize yalimbuka hashi, ni kuyitungulula chizechene ngwe ha matangwa a kunyima,

Mukanda Wa Zambi 1970

¹¹ Mwene Zambi kanambe ngwenyi: “Tangwa mulikeza muze mungukahilwisa wanangana wa David, uze uli ngwe zuwo lize habuzuka. Mungukalulika mambango jalio ni kujibemesa. Wanangana uze mungukaubemesa ni kuupwisa ngwe hatangu.

Amose 9:11 Iomraidhean Croise

Jobe 1:10

Ngwami, Hiwamushichila chipanga cha kumufunga sali ni sali, ni zuwo lienyi, ni upite wenyi weswe. Hiwawahisa milimo ya moko jenyi, ni yikumba yenyi yoka mu chifuchi.

Miaso (Masamu) 143:5

Nakwiwuluka matangwa a kushi. Nakupukuna ha yilinga ye yeswe. Nakuzewula yitanga ya moko je.

Miaso (Masamu) 80:12

Kuchi te hiwapuzula lusaso wacho, hanga waze eswe anapalika akachihele mihuko?

Miaso (Masamu) 89:40

Hiunapuzula yipanga yenyi yeswe. Mbonge jenyi hiunajijindwola.

Izaya 16:5

mba makolesa ngunja ni utu wa zango, henaho matwama ni umwenemwene mu mbalaka ya David umwe mukwa kupatula ni kufupa ululi, umwe malipupwisa kulinga chize Chinalulama.

Izaya 5:5

Mba mungunulweza chize mungulinga ni munda wami wa uva. Munguchizako lusaso wawo, mba mawenyeka. Mungupuzula chipanga chawo, hanga auliateliate.

Izaya 58:12

Mazuwo jenu aze apuzukile a ku shakulu makaatunga nawa, munukatungisa nawa fundamentu ja yisemuko yinji. Kumakanutongola ngwo, Akwa kutungisa yipanga yapulika, kanda akwa kutungisa nawa matapalo a kutwama atu.

Izaya 63:11

Mba yewuluka matangwa a kushi a kavumbi kenyi Mose. Yoze wachijile mu kalunga-lwiji tufunga twa mapanga jenyi, kuli ali? Kuli atwama yoze wasele Spiritu yenyi musandu hakachi ko?

Izaya 65:9

Yakomba makangwaha ana. Yunda makangwaha amwe kuswana milundu yami. Waze naatongwele mayihinga, tuvumbi twami makatwamako.

Jeremia 18:9

Mba nyi tangwa limwe mungwamba ha kutwala ku munyachi hanji wanangana kuutunga ni kuutumba,

Jeremia 30:9

Alioze makalingila Yehova Zambi yo ni David mwanangana wo yoze mungusolola mumu hali ayo.

Jeremia 46:26

Mungwakunjika kuli waze anafupu kwashiha, kuli Nabukanezore mwanangana wa Babilonia ni tupitau twenyi. Kulutwe Engitu makapwa ni atu chizechene ngwe ha matangwa a ku shakulu. Chocho kanambe Yehova.

Lungungu 5:21

Tuhilwise kuli yena mwene Yehova tukahuzuluke! Pwisa matangwa jetu aha, ngwe apwile kunyima!

Ezekiel 17:24

Ni mitondo yeswe ya mu yambu muyinyingika yami Yehova nakulelesa mutondo usuku; nakunangamisa mutondo wihi; nakuumisa mutondo wa wisu, nakutatwisa mutondo umu. Yami Yehova Hachamba; mungukachilinga.

Ezekiel 36:11

Mba mungukaokesa hali yenu ni atu ni tushitu, no makaoka ni kusema, mba makatwama muli yenu ngwe ku miaka ya shakulu. Makanulinga chipema kuhiana chipema chize cheswe cha kunyima. Henaho munukanyingika yami nguli Yehova.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Obadia 1:17

Alioze mu mulundu wa Zaione kumukukapwa akwa kwomboka; muukapwa usandu. Munyachi wa Yakomba kumakazuka chihinga cho.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Mika 7:11

Lie tangwa lia kutungayipanga ye ya mawe! Ha tangwa lize njiza ye muyikapalika kusuku.

Mika 7:14

Funga atu je ni mbwechi ye; ye mbunga ya mapanga je a chihinga, waze atwama ukawo mu musenge, he hakachi ka chifuchi cha manaka. Akalie mu Mbashane ni Ngiliate ngwe ku matangwa a shakulu.

Mika 7:8

Ena mukwa kole yami, kanda unguyunga. Chipwe mungulimbuka hindu munguhinduka nawa. Chipwe mungutwama mu milima Yehova mapwa pangu kuli yami.

Zakaria 12:7

Yehova mahanga kuhana kukumba ku mbalaka ja Yunda, chocho uhenya wa munyachi wa David ni uhenya wa akwa Yerusaleme kuuchi kahiana helu lia uhenya wa Yunda.

Zakaria 14:10

Chifuchi cheswe muchikalumuka chana chize ku Ngeba ndo ku Rimone sali lia Yerusaleme ku Sule. Alioze Yerusaleme muyikanangama ha chihela chayo chize ku chikolo cha Mbenjamine ndo kuze kwapwile chikolo chikulu, ndo ku chikolo cha mbango, ni chize ku kaposhi ka Hananele ndo ku ukamino wa vinyu wa mwanangana.

Zakaria 6:12

ukambe kuli iye ngwe, Yehova-wa-Tujita kanambe ngwenyi, Talenu mwe lunga jina lienyi Mutango; mumu makatatuka muma mwenyi; makatungisa tembele ya Yehova.

Kwalula 24:18

Makakundukila Endome; Sere nawa, akwa kole jenyi, makaakundukila, shimbu Izalele machilinga ni utunu.