Amose 9:10 - MUKANDA USANDU WA ZAMBI 1975

¹⁰ Yivulumunyi eswe a atu jami makafwa ni katana waze akwamba ngwo, Chipi kuchichi kutuwana chipwe kutakana ni yetu.

Mukanda Wa Zambi 1970

¹⁰ Yivulumunyi a hakachi ka atu jami kumaakafwa mu jita, eswe waze akwamba ngwo: ‘Chibi kuchichi katuwana nihakepe.’ ”

Amose 9:10 Iomraidhean Croise

Miaso (Masamu) 10:11

Kakwamba mu mbunge yenyi ngwenyi, Zambi hanavulama; kanaswame; keshi kumona.

Longeshi 8:11

Mbunge ja ana ja atu hanajise liakulu muchima lio kulinga chipi mumu kafwetesele nikawashi upatwilo wa chitanga chipi.

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Izaya 5:19

Kakwamba ngwo, Atambukeko, apupwise milimo yenyi hanga tukayimone. Upale wa mwe Musandu wa Izalele Ukundame, wize tuunyingike!

Izaya 56:12

Kakwamba ngwo, Tuyenu tukafupe vinyu, tukalikuchise ni kunwa chisasu; ni hamene mulipwa ngwe musono nawa, kuwaha chahiana.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 23:17

Kakwambamba kuli waze akulelesa liji lia Yehova ngwo, Mukawaha, ni kuli waze akukaula mbunge jo ene ni pami kakwamba ngwo, Nichimwe chuma chipi kuchichi kukuwana.

Jeremia 29:32

kashika munguhana kastigu kuli Shemaia wa ku Nehelama ni kuli waze eswe makasemukina kuli iye, ngwami, Kechi kupwa ni niumwe mukwa mwono hakachi ka vungu lino kumona chipema chize mungulinga kuli atu jami mumu ha kuhanjika yuma ya kukatukila Yehova. Chocho kanambe Yehova.

Ezekiel 20:38

Mungukachiza akwa kukolema hakachi kenu ni waze eswe akunguvulumuna; mungukaachiza ku chifuchi kuze atwamine njize, alioze kechi kanjila mu chifuchi cha Izalele. Henaho munukanyingika yami nguli Yehova.

Amose 6:1

Lamba kuli waze anatwama nikwoloka mu Zaione, ni waze anatwama kawape ha mulundu wa Samaria, malunga alemu a mavungu akwa lutwe, kuli ayo akwa munyachi wa Izalele kakuya.

Amose 6:3

Yenu ngunahula, nwakumona kusuku lie tangwa lipi nwakukoka hakamwihi chitwamo cha upupilo.

Amose 9:8

Meso ja Mwene Yehova ha chifuchi cha shili anaahulikila, mba mungukachonwona he ha mavu: Munyachi wa Yakomba wika chichi kaunongesa liakulu. Chocho kanambe Yehova.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Malaki 3:15

Haliapwila mutumona ngwe kawaha akwa kulizata. Akwa kulinga chipi kakuwaha, ni chikwo nawa muze meseka Zambi kakulilamwina.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.