Amose 9:1 - MUKANDA USANDU WA ZAMBI 1975

¹ Namwene Mwene kanamana hakamwihi ni chilumbilo. Yamba ngwenyi, Lamba manguji ha masongo ndo yikuli muyichikima ukayifwenye ha mitwe ya atu eswe. Waze malisalaho mungukaashihisa ni katana. Kechi kahasa kuchina niumwe; kechi kahasa kwomboka niumwe.

Mukanda Wa Zambi 1970

¹ Namwene Mwene Zambi te kanamana hehi ni chilumbilo mu zuwo lia Zambi. Yamba ngwenyi: “Lamba manguji a zuwo lia Zambi ha masongo hanga nyimasenge yikanyike, lie zuwo libuzukile hali atu. Atu waze maasala ni mwono mungwashihisa mu jita. Niumwe kechi kwomboka ni kuchina.

Amose 9:1 Iomraidhean Croise

2 Sango Ja Mianangana 18:18

Mba Mikaia yamba ngwenyi, Nyi chocho panjika ku liji lia Yehova. Namwene Yehova kanatwama ha ngunja yenyi ni mbunga yeswe ya mwilu kumana ku chindume chenyi ni ku chimeso chenyi.

Miaso (Masamu) 68:21

Alioze Zambi mapula ndusu mitwe ya akwa kole jenyi, ni chikowa cha kambu cha yoze menda mu milonga yenyi.

Miaso (Masamu) 68:22

Mwene wambile ngwenyi, Mungwachiza nawa ku Mbashane, mungwachiza nawa ha mashima a kalunga-lwiji,

Izaya 30:16

Nwambile ngwenu, Hi chocho ko! Mututambwisa tuvwalu twetu. Kashika munukatambuka kukatukako. Nwambile ngwenu, Mutwenda ha tuvwalu a tambu. Kashika akwa kunuhanga makapwa ni tambu.

Izaya 6:1

Ha mwaka wa kufwa cha mwanangana Uzia namwene mwe Mwene kanatwama ha ngunja kwilu, nikunangama, ni lupula wenyi wazalishile tembele.

Jeremia 11:11

Kashika Yehova kanambe ngwenyi, Ngunaneha chipi hali ayo kechi kahasa kuliehacho. Chipwe mateta kuli yami chichi kaapanjika.

Jeremia 42:16

mba katana nunamuvwila woma makanuwana ku chifuchi cha Engitu, ni kapunga yoze nunamuvwila woma makanukaula kwe ku Engitu, mba kwenako munukafwila.

Jeremia 48:44

Yoze machina mwongo malimbuka mu wumbu; ni yoze makatuka mu wumbu mafwa mu kambwila. Mumu mungukoka yuma yino yeswe hali Moape ha mwaka wa kastigu yo. Chocho kanambe Yehova.

Ezekiel 1:28

Kulifwa cha pangu lize liajingilikile chapwile ngwe kongolo yoze uli mu lelwa ha tangwa lia vula. Chocho chapwile kusoloka cha kulifwa cha uhenya wa Yehova. Ha kuumona nafulamanyine hashi; mba nevwile liji lia umwe kanahanjika.

Ezekiel 10:4

Mba muze uhenya wa Yehova hiwakatuka kuli akerupimi nikuya ku chikolo cha zuwo, zuwo liazalile ni lelwa ni yize yazalile ni kupanguka cha uhenya wa Yehova.

Ezekiel 15:7

Mungukasa meso jami kulimika no; mba chipwe malilamwina ku kahia hindu kahia mukaalalisa. Munukanyingika yami nguli Yehova muze mungukasa meso jami kulimika no.

Ezekiel 9:2

Chocho malunga asambano yakatuka ku sali lia chikolo cha ku tunda chize chatalikisa ku Norte. Mweswe kali ni katana mu kwoko lienyi wa kuhana nenyi. Kwejile hamuwika no umwe lunga kanazala mahina a linyu, kali ni chipakumuna cha mukwa kusonyeka mu zalilo yenyi. O yanjila; yamanyina ku chilumbilo cha unengu ku lumbu.

Amose 3:14

Ha tangwa lize mungulamba Izalele mumu ha mutonga wenyi, mungulamba yilumbilo ya Mbetele. Makateta mbinga ja chilumbilo jikaholoke hashi.

Amose 7:17

Kashika Yehova kanambe ngwenyi, Pwo lie makapwa chikoi mu chihunda, anenu a malunga ni a mapwo makafwa ni katana, ni chifuchi che machipangila ni muhipu, ni yena mwene kumukafwa mu chifuchi cha luchisa, ni A-Izalele kumakaya ku unjize kusuku ni chifuchi cho.

Amose 7:9

Mungwenyeka manangamo ja Izake, ni mazuwo asandu ja Izalele mungwapwisa a hululu mungukatukila zuwo lia Jeroboame ni katana.

Habakuke 3:13

Yiutuhuka kulamwina atu je; kulamwina yoze wamuzujilile maji. Yiufwenya mutwe wa chingulungulu, nikumufukula chize ku shina lia kulu ndo ku kota. (Litulike)

Zefania 1:12

Ha mwaka uze mungupolongoza mu Yerusaleme ni ndeya. Mungulamba kastigu malunga waze anenguluka ni kutoha; waze akwamba mu mbunge jo ngwo, Chipwe chipema, chipwe chipi, Yehova kechi kalinga nichimwe.

Zefania 2:14

Yimuna makapomba hakachi kacho, tushitu eswe a mavungu; ni makuyu, ni chisekele kumakapomba ha masongo a manguji jenyi. Liji lio mulikahiohia mu njanela jako, ndo ku yikolo mukupwa kwa hululu, mumu makafukula milimo yenyi ya sedru.

Yoano 1:18

Niumwe wamwene Zambi niumwe mwaka; mwe Mwana wa wika, yoze uli mu kondo ya Tata, iye hanamusolola.

Yoano 1:32

Yoano washindakenyene ngwenyi, Ngunakamona Spiritu kanahulumuka mwilu ngwe katele; kanakatwama hali iye.

Yilinga 26:13

Tangwa ha muchima, mwanangana, namwene mu jila pangu mwilu, liahiana kutemuka cha tangwa, nikutemuka ha kungujingilika yami ni waze endele hamuwika.

Yoshua 10:18

Yoshua yamba ngwenyi, Langumunenu mawe anene nukajike utuhukilo wa chivwenge, nukaseko malunga kwafunga.

Usolwelo 1:17

Muze namumwene, nafulamanyine ku yiliato yenyi ngwe mufu; iye Wasayikile kwoko lienyi lia chindume hali yami, ngwenyi, Kanda wivwa woma, yami nguli mwe mutangu ni mwe kasula-songo;

Usolwelo 8:3

Mungelo mukwo wakundamine, wamanyine ku chilumbilo, kali ni chikwachilo cha oru; amuhele insensu yinji, hanga akayiweze ku yilemba ya asandu eswe ha chilumbilo cha oru, chize chapwile kulutwe lia ngunja.