Amose 8:9 - MUKANDA USANDU WA ZAMBI 1975

⁹ Mwene Yehova kanambe ngwenyi, Ha tangwa lize mungukanjisa tangwa ha tangwa ha muchima. Mungulayisa hashi ha ola ya mwalwa.

Mukanda Wa Zambi 1970

⁹ Ha tangwa lize, ola ha muchima, tangwa mungukalipwisa milima, ni hashi mungukalayisa ho bwii.

Amose 8:9 Iomraidhean Croise

Jobe 5:14

Tangwa ha muchima o mapwa mu milima; ha mwalwa mapapata ngwe ha ufuku.

Izaya 13:10

Mumu matongonoshi a mwilu ni mbunga jo kechi katemuka; tangwa mulikalá ha kuvumbuka ni kakweji kechi katwa mweji.

Jeremia 13:16

Chichimiekenu Yehova Zambi yenu shimbu kanda aneha milima, shimbu molu jenu kanda atalinga ha milundu ya kajimba-usoko. Shimbu munufupa pangu iye malialumuna Chizulie cha kufwa, nikulipwisa milima pwi.

Jeremia 15:9

Yoze te hasema ana shimbiali hanakokoloka, hanalezumuka. Tangwa lienyi hilianjila shimbu kuchili mwalwa. Hanamukolesa sonyi, hanasauka. Ni waze hanalisalaho mungukunjika ku katana kumeso ja akwa kole jo. Chocho kanambe Yehova.

Ezekiel 32:7

Ha kukujimisa mungukafuka malilu, mungukalayisa matongonoshi jamo. Mungukafuka tangwa ni lelwa, chipwe kakweji kechi katemuka.

Amose 4:13

Mumu nyingikenu; yoze wakuwumba milundu, ni kutanga fuji; yoze wakusolola manyonga jenyi kuli atu; yoze wakwalumuna chimene chikapwe milima; yoze wakuliata ha milundu ya hashi— jina lienyi Yehova, Zambi-ya-Tujita.

Amose 5:8

Yoze watangile Kungulwila ni Muta-ni-kawa, yoze wakwalumuna ufuku pwi mu kucha, yoze wakwalumuna mwalwa mu ufuku, yoze wakusanyika meya a kalunga-lwiji nikwazukwila ha kuzazuluka cha hashi, jina lienyi Yehova,

Mika 3:6

Kashika kumukukapwa kuli yenu ufuku kuushi usolwelo; milima kuli yenu, ni kutaha chakuhi. Tangwa mulikanjila hali aprofeta; tangwa lize mulikapwa lilá hali ayo;

Zakaria 14:7

Kumukukapwa mwalwa tangwa lieswe nganganga (Yehova kanachinyingika) hi mwalwa ko, hi ufuku ko, mumu ha chingoloshi kumukukapwa pangu.

Mateu 24:29

Alioze haze hene kulutwe lia luyinda wa matangwa aze, tangwa mulikalá, ni kakweji kechi katwa mieji, ni matongonoshi kumakaholoka mwilu, ni tachi ja malilu kumujikanyika.

Mateu 27:45

Achi, chize ku ola yamuchisambano kwapwile milima hashi heswe ndo ku ola yamuchilivwa.

Marku 15:33

Muze hapwile ola yamuchisambano, kwapwile milima ha chifuchi cheswe ndo ola yamuchilivwa.

Luka 23:44

Hapwile ngwe ola yamuchisambano, ni milima yejile hashi heswe ndo ola yamuchilivwa.

Usolwelo 6:12

Namwene muze apakwile Chijikilo chamuchisambano, kwapwile minyiko yinene; ni tangwa lialumukine lilá ngwe chikeleyi chilá, ni kakweji mweswe walumukine ngwe manyinga.

Usolwelo 8:12

Mungelo wamuchiwana wembile chitavwi chenyi, ni chihanda chimuwika cha ku yihanda yitatu ya tangwa chalambiwile, ni chihanda chimuwika cha ku yihanda yitatu ya kakweji, ni chihanda chimuwika cha ku yihanda yitatu ya matogonoshi; hanga chihanda chimuwika cha ku yihanda yitatu yayo chikalé, hanga mwalwa kuuchi kasoloka ha chihanda chimuwika cha ku yihanda yitatu yawo, ni ufuku chizechene.