Amose 8:8 - MUKANDA USANDU WA ZAMBI 1975

⁸ Te chifuchi kuchichi kachikima ha chikuma chino? Ni waze eswe atwamamo kechi kalishimwoka? Cheswe te kuchichi kazunduka ngwe lwiji Nilo, ni kupindangana ni kuhuwa nawa ngwe Nilo wa Engitu?

Mukanda Wa Zambi 1970

⁸ Kuma hashi kuhechi kanyika, nyi? Mutu mweswe mu chifuchi kechi kanenganyana, nyi? Chamwenemwene, hashi heswe muhakanyikumuka, muhakazunduka ni kunyikumuka ngwe lwiji wa Nile.

Amose 8:8 Iomraidhean Croise

Miaso (Masamu) 18:7

Haze hene hashi hanyikine nikuchikima, fundamentu ja milundu nawa jachikimine, janyikine mumu iye hanatenuka.

Izaya 5:25

Kashika utenu wa Yehova wasasaminyine hali atu jenyi. Yazoza kwoko lienyi kulimika no; yaalamba, mba milundu yiyichikima, yivuvu yo yiyipwa ngwe yikongwakongwa hakachi ka matapalo. Chipwe chocho utenu wenyi kuwakondolokele, kwoko lienyi hindu kanalizozo.

Jeremia 12:4

Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Jeremia 46:7

Yono iya kanafutunuka ngwe Nilo, ngwe njiji jize meya jajo kanafuluka?

Jeremia 46:8

Engitu kanafutunuka ngwe Nilo ngwe njiji jize meya jajo kanafuluka. Wambile ngwenyi, Mungufutunuka, mungufuka hashi, mungwonwona yihunda ni atu jamo.

Jeremia 51:29

Chifuchi chinachikima nikulifwita ni yikola, mumu chize Yehova hanalulika kulimika ni Babilonia chinakolo, akapwise chifuchi cha Babilonia cha hululu ni akwa kutwamamo akuhi.

Daniel 9:26

Kulutwe lia makumi asambano a semana ni semana jiali yoze amuwayishile ni maji mamutetaho, keshi nichimwe, mba atu ja mukwa kuyula yoze meza kwiza kumakonwona chihunda ni zuwo lisandu. Songo liayo mulikeza ngwe sanga; ndo ku songo kumukukapwa jita—hanaafunjikila kwenyeka wika.

Hosea 10:5

Akwa Samaria kakuchikimina mwana-ngombe wa ku Mbete-Avene. Atu jenyi makamulilila ni asasendote jenyi a mahamba mamuhula mbimbi mumu ha uhenya wenyi uze hiwamukatuka.

Hosea 4:3

Kashika chifuchi chinalinyenge, ni waze eswe atwamamo kanahongo, ni tushitu a mu yambu nawa, ni tujila a mu tetela, ni chipwe yishi a mu kalunga-lwiji kanaachiza.

Amose 8:10

Mungukalumuna yiwanyino yenu mu kulishimwoka, ni miaso yenu mu kulila lungungu. Mungukajika mijimba yeswe ni yikeleyi, mungukasa lwole ha mitwe yeswe. Munguchipwisa ngwe kulila hali mwana wa lunga wa wika. Songo liacho mulipwa ngwe tangwa lisasu.

Amose 9:5

Mwene Yehova-wa-Tujita, yoze masunga hashi mba muhasangunuka, mba waze eswe aliho malishimwoka, neho heswe muhazunduka ngwe lwiji Nilo ni kuhuwa nawa ngwe Nilo wa Engitu;

Nahume 1:8

Alioze makasulisa liakulu akwa kulimika nenyi ni sanga lia kusupwokela. Makahanga akwa kole jenyi ndo mu milima.

Mateu 24:30

Hohene chilayi cha mwe Mwana Mutu kumuchikasoloka mwilu: ni hohene mavungu eswe a hashi kumakahia mbimbi, kumakamona mwe Mwana Mutu kaneza ha malelwa a mwilu ni tachi ni uhenya unene.