Amose 8:5 - MUKANDA USANDU WA ZAMBI 1975

⁵ Chiwanyino cha kakweji mwaha hali muchisulila hanga tukalanjise mbuto? Sambata ola yika muyipatuka, hanga tukakulise tiliku, tukakehese njongo ni kuweza ku ndando, ni kwonga ni mbalansa ja mahuza,

Mukanda Wa Zambi 1970

⁵ Nwakulihanjikisa yenwene ngwenu: “Matangwa ja kuhwima, shimbu lika maakahwa, hanga tulanjise mbuto jetu? Chikalu kushimbwishila ndoo ku songo lia tangwa lia kuhwima, hanga tuhase kubutula nawa kulanjisa. Tukehese njongo, tukonge atu ni pezo ya mahuza, tukokese mbongo.

Amose 8:5 Iomraidhean Croise

1 MIANANGANA 4:23

Lunga yamba ngwenyi, Kuchi te muoya kuli iye musono? Kuchapwile kakweji mwaha hanji Sambata. Pwo yamba ngwenyi, E tuhu. Muchiwaha.

Kutuhuka 31:13

Amba kuli A-Izalele nawa ngwe, Chamwenemwene nukafunge Sambata jami mumu kuchapwa chilayi hakachi ka yami ni yenu ndusu yisemuko yenu, hanga nukanyingike ngwenu, Mwe Yehova kakutusela ku usandu.

Yishima 11:1

Mbalansa ya kwonga yapwa chizelwokeso kuli Yehova; alioze pezu ya ululi yamuwahila chinji.

Yishima 16:11

Pezu ja ululi ni mbalansa ja ululi ja kuli Yehova; pezu jeswe ja mu njeke japwa chitanga chenyi.

Yishima 20:23

Pezu jeka ni jeka japwa chizelwokeso kuli Yehova; mbalansa ya kwonga kuyapemene.

Izaya 1:13

Kanda nuneha nawa milambu yamokomoko; insensu yakunguvwisa lwaji. Kakweji mwaha, ni masambata ni yikungulwila ya mitambi; Chahashile kumona nawa uhenge ni yikungulwila yilemu.

Izaya 58:13

Nyi munuchiza yiliato yenu ku Sambata, ni kulitwamina kulinga upale wenu ha tangwa liami lisandu, ni kuvuluka Sambata tangwa lia kuwahilila, ni tangwa lisandu lia Yehova mulipwa lilemu; nyi munulilemesa, kunwayile mu majila ja yenwene, nyi kunuchi kufupa kuliwahisa yenwene hanji kuhanjika yuma yamokomoko;

Hosea 12:7

Aye kapwa mukwa kusepa wa mbalansa ja kwonga, kakuzanga kupinjisa.

Hosea 12:8

Eframe hanambe ngwenyi, Ewa, alioze nguli pichi, hinapita yuma yinji ya yami mwene. Alioze upite wenyi weswe kuuchi kuhasa kufwika uhie wenyi nilimwe tangwa.

Alevi 19:36

Mbalansa jenu jikapwe ja ululi, hi pezu ja ululi, ni *efa ja ululi, ni *hine ja ululi. Yami Yehova Zambi yenu yoze wanuchijile ku chifuchi cha Engitu.

Zakaria 5:6

Yingwamba ngwami, Mba chika? Aye yamba ngwenyi, Yino ye *efa yakwenda. Yamba nawa ngwenyi, Uno we uhenge chifuchi cheswe.

Zakaria 5:8

Mungelo ngwenyi, Yono we Ungulungulu. Mba yamukona mu *efa nikusa chifuko cha shumbu ha kanwa liayo.

Malaki 1:13

Nwakwamba ngwenu, Ayi yikatalo yipwa haha. Mba nwakunyekununa. Chocho kanambe Yehova-wa-Tujita. Nwakuneha waze akwachika hanji yitonji, hanji akwa misongo; chenacho nwakuneha mulambu! Te munguchitambula ku kwoko lie? Chocho kanambe Yehova.

Kwalula 10:10

Chizechene nawa ha tangwa lia chiseke chenu, ni ha yiwanyino yenu ya kutongola, ni ha uputukilo wa tukweji twenu, yitavwi nukayimbile helu lia milambu yenu ya kulumba ni helu lia yitapo ya milambu yenu ya sambukila. Yikapwe Chiwulwiso kuli yenu kumeso ja Zambi yenu. Yami Yehova Zambi yenu.

Kolosu 2:16

Niumwe kanda anupatwila kashika ha kulia, hanji ha kunwa, hanji ha kutwala ku tangwa lia chiwanyino, hanji kakweji mwaha, hanji tangwa lia Sambata.

1 Samuel 20:5

David yamba kuli Jonatas ngwenyi, Tala, hamene tangwa lia kakweji mwaha, kuchangutambile kuhona ku mesa ya mwanangana. Alioze ngutayize nguye nikuswama mu yambu ndo tangwa liamuchitatu ha ngoloshi.