Amose 8:4 - MUKANDA USANDU WA ZAMBI 1975

⁴ Ivwenu chino, yenu nwakuliata akwa kuhona; nwakusulisa yiswale mu chifuchi ngwenu,

Mukanda Wa Zambi 1970

⁴ Banjikenu, yenu nwakuliata akwa kuhona, ni kufupa kunongesa yiswale mu chifuchi.

Amose 8:4 Iomraidhean Croise

1 Yitanga Ya Mianangana 22:19

Mikaia ngwenyi, Ena kashika panjika ku liji lia Yehova. Namwene Yehova ha ngunja yenyi ni mbunga yeswe ya mwilu kanamana ha chindume chenyi ni ha chimeso chenyi.

Jobe 24:4

Kakuhuma yiswale ku jilo yo; yiswale a muno-muze kakuswama.

Miaso (Masamu) 10:7

Kanwa lienyi lia tò ni kutuka, ni kwonga, ni kuhungumiona; kushi lia limi lienyi kwatwama uhuka ni uhenge.

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 14:4

Te kanyingikine, wano eswe akulinga uhenge, nyi? Kakulia atu jami ngwe mbolo. Keshi kusanyika ha jina lia Yehova.

Miaso (Masamu) 140:12

Ngunanyingika ngwami, Yehova kumakahakwila mukwa luyinda. Kumakahanjikila chize chinalite ni mukwa kuhona.

Miaso (Masamu) 56:1

Zambi, nguvwile kama vumbi, mumu atu kanazange kungulia. Tangwa lieswe nganganga kakwasa jita nikungupinjisa.

Yishima 30:14

Kuchili chisemuko mazo jo kapwa ngwe tutana; yiwunji yo ngwe poko hanga akawumbule yiswale hashi, akasutule akwa kuhona hakachi ka atu.

Izaya 1:10

Ivwenu liji lia Yehova enu akwa kuyula Sondome! Panjikenu longeso lia Zambi yetu, enu atu a Ngomora!

Izaya 28:14

Kashika, yenu akwa kulenya, nwayula vungu lino mu Yerusaleme, panjikenu liji lia Yehova!

Jeremia 28:15

Mba profeta Jeremia yamba kuli profeta Hanania ngwenyi, Panjika Hanania, Yehova kakutumine alioze yena hiwakoka akwa vungu lino akafuliele mahuza.

Jeremia 5:21

Ivwenu chino enu vungu lia yelo ni yizuzuke, nuli ni meso alioze kunwamwene, nuli ni matwi alioze kunwevwile.

Ezekiel 22:12

Hakachi kenu atu matambula chijiko akamwange manyinga. Nwakutambula mbwezo ni upite, ni kufumbula kuli enyembo jenu ni mbenga, ni yami hinwanguvulama. Chocho kanambe Mwene Yehova.

Ezekiel 45:10

Munukapwa ni mbalansa ja ululi, ni njongo ya *efa ya ululi, ni njongo ya *mbate ya ululi.

Amose 5:11

Kashika se nwakuliata yiswale nikumufwetesa tiliku, kashika chipwe hinwatunga mazuwo ja mawe a kululika hindu kunuchi katwamamo. Hinwatumba minda yipema ya uva alioze kunuchi kanwa vinyu yako.

Amose 5:12

Mumu ngunanyingika kwalula cha milonga yenu ni kutoha cha shili yenu— enu nwakupinjisa akwa ululi, ni kutambula chindo, ni kupiangula mukwa kuhona mu chota.

Amose 7:16

Kashika ivwa liji lia Yehova. Ena unambe ngwe, Kanda uprofeteza kulimika ni Izalele, kanda ushindakenya kulimika ni munyachi wa Izake.

Mika 2:2

Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Mika 3:3

Enu nwakulia musunya wa atu jami, ni kwazununa makowa, ni kumakwona yifwaha yo, nikwatetateta ngwe yifwo mu ndeho; ngwe musunya mu lundeho.

Zakaria 5:6

Yingwamba ngwami, Mba chika? Aye yamba ngwenyi, Yino ye *efa yakwenda. Yamba nawa ngwenyi, Uno we uhenge chifuchi cheswe.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Tiangu (Jake) 5:6

Hinunahisa, hinunashihi mwe mukwa ululi; iye kalimikine ni yenu.