Amose 8:3 - MUKANDA USANDU WA ZAMBI 1975

³ Mwene Yehova kanambe ngwenyi, Miaso ya mu tembele muyalumuka kulila mbimbi ha tangwa lize; mijimba ya afu muyikapwa yinji makayimbila kweswe nikuhola.

Mukanda Wa Zambi 1970

³ Ha tangwa lize, mapwo waze te akwimba miaso ya chiseke mu zuwo lia mwanangana maakalila mbimbi. Afu maakabwa kweswe. Mukukahola kuluu.”

Amose 8:3 Iomraidhean Croise

Miaso (Masamu) 39:9

Napwile kamama, chapakwile kanwa liami mumu yena wachilingile.

Izaya 37:36

Mba mungelo wa Yehova yatuhuka, yalamba mu chilombo cha A-Asuria kulakaji lia tununu ni makumi nake a tununu ni tununu atano. Muze akwo halaula chimenemene kumanyi eswe apwile afu.

Jeremia 22:18

Kashika ha kutwala kuli Jehoakime mwana Josia mwanangana wa Yunda Yehova kanambe ngwenyi, Kanda amulilila mbimbi ngwo, Mama yami yaye! hanji mama yami ndumbwamie! Kanda amulilila mbimbi ngwo, Mama yami mwate! hanji mama yami mwanangana wetue!

Lungungu 2:10

Makulwana ja mwana-pwo Zaione hashi anatwama, kúlú; hanalikuwu mavu ha mitwe hanazala yikeleyi. Ana-mapwo a mu Yerusaleme hanahetamisa mitwe yo hashi.

Joele 1:11

Enu njimi, ivwenu sonyi; enu akwa kululika miuva, lilenu mbimbi mumu ha tiliku ni ha sevada. Mumu mbuto ya mu minda hiyafuwa.

Joele 1:13

Enu asasendote, lijikenu yikeleyi nukalinyenge. Enu tuvumbi twa chilumbilo, lilenu mbimbi. Enu tuvumbi twa Zambi yami, tweyenu nukapombe ufuku weswe mu yikeleyi, mumu mulambu wa wunga ni mulambu wa kunwa hanayimina mu zuwo lia Zambi yenu.

Joele 1:5

Enu akwa kuzengewa, laulenu nulile. Lilenu mbimbi enu eswe nwakunwanwa vinyu, mumu ha vinyu yize yipema hanayipatula ku makanwa jenu.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Amose 4:10

Natumine hakachi kenu chilungo ngwe chize cha Engitu; nashihile akweze jenu ni katana; nambachile tuvwalu twenu; napwishile yilombo yenu ya kukupuka vumba lipi mu mazulu jenu. Hindu kunwahilukile kuli yami. Chocho kanambe Yehova.

Amose 5:16

Kashika Yehova, Zambi-ya-Tujita, mwe Mwene kanambe ngwenyi, Ku malindalinda eswe kumukukapwa kulila mbimbi; mu matapalo eswe kumakamba ngwo, Mama yami! mama yami! Kumakasanyika njimi akalishimwoke; ni waze ananyingika kulila lungungu maasanyika akalile mbimbi.

Amose 5:23

Chiza kuli yami zungo lia miaso yenu; chichi kapanjika ku miaso ya tulialia twenu.

Amose 6:4

Lamba kuli waze akupomba ha mihela ya mazo a njamba nikuholola ha miu yo. Waze akulia ana-mapanga a ku mbunga ni yimbembe ya ngombe a hakachi ka tanga. Waze akwimba miaso ya uleya ku liji ha

Amose 6:5

kalialia ngwe David kakulinyongena yisaji ya miaso.

Amose 6:8

Yehova mwe Zambi-ya-Tujita ngwenyi, Mwene Yehova halishinga ni jina lienyi mwene ngwenyi, Kulengumuka cha Yakomba changuvwisa lwaji; mbonge jenyi jangupihila, kashika mungukunjika chihunda ni yize yeswe yilimo.

Amose 8:10

Mungukalumuna yiwanyino yenu mu kulishimwoka, ni miaso yenu mu kulila lungungu. Mungukajika mijimba yeswe ni yikeleyi, mungukasa lwole ha mitwe yeswe. Munguchipwisa ngwe kulila hali mwana wa lunga wa wika. Songo liacho mulipwa ngwe tangwa lisasu.

Nahume 3:3

Akwa tuvwalu kanalundumuka ni tutana kupeyima, ni makunga kulejima. Mbunga ya afu, milumba ya mijimba, mijimba ya afu ni kuyalula ka— kakutalinga ha mijimba!

Zefania 1:7

Holenu kumeso ja Mwene Yehova, mumu tangwa lia Yehova hiliakundama hakamwihi; Yehova hanalulika yitapo ni kusela ku usandu ngeji jenyi.