Amose 8:11 - MUKANDA USANDU WA ZAMBI 1975

¹¹ Mwene Yehova kanambe ngwenyi, Matangwa kaneza muze mungukatuma kapunga mu chifuchi. Hi kapunga ka mbolo ko, hanji pwila ya meya, alioze ha kwivwa liji lia Yehova.

Mukanda Wa Zambi 1970

¹¹ “Matangwa maakeza muze mungukatuma zala mu chifuchi. Atu maakevwa zala, hi ya yakulia ko; maakevwa pwila, hi ya meya ko. Alioze maakevwa zala ya maliji a Mwene Zambi. Yami Mwene Zambi nachamba.

Amose 8:11 Iomraidhean Croise

2 Sango Ja Mianangana 15:3

Ha shimbu linene A-Izalele hahona mwe Zambi wamwenemwene, chipwe sasendote mukwa kulongesa, chipwe shimbi.

Miaso (Masamu) 74:9

Kutwamwene yilayi yetu. Kukushi nawa profeta niumwe. Niumwe keshiko hakachi ketu yoze manyingika muze mwaka muusula.

Yishima 29:18

Kuze usolwelo wakuhi atu kakulumbuka; alioze kawaha yoze mafunga shimbi.

Izaya 5:6

Munguupwisa puya, kechi kauteta hanji kuusangula, mba mikalale ni mingonga muyikasoka. Mungutumina malelwa kanda anokaho vula.

Ezekiel 7:26

Lamba linakaula lamba. Saki jinakaula saki. Kanafupu usolwelo kuli profeta alioze ye shimbi hiyatoka kuli sasendote, ni chiyulo hichatoka kuli makulwana.

Hosea 2:3

Kuchina mungumuzula liakulu, ni kumupwisa ngwe tangwa lize asemukine. Hanji mungumupwisa ngwe puya, ngwe chifuchi chinomu chau lume, nikumushiha ni pwila.

Mika 3:6

Kashika kumukukapwa kuli yenu ufuku kuushi usolwelo; milima kuli yenu, ni kutaha chakuhi. Tangwa mulikanjila hali aprofeta; tangwa lize mulikapwa lilá hali ayo;

Mateu 9:36

Alioze muze amwene mbunga, waavwilile keke, mumu alikatalishile nikulimbilambila ngwe mapanga waze keshi kafunga.

1 Samuel 28:15

Samuel yamba kuli Saulu ngwenyi, Kuchi te hiwangusakalisa nikunguvumbula? Saulu ngwenyi, Ngunapinji chikolo A-Filistea kanase jita ni yami. Zambi hanangumbu nyima; kangukumbulwile nawa, chipwe kuli aprofeta chipwe Ku yilota, kashika hinakusanyika ungulweze chize changutamba kulinga.

1 Samuel 28:6

Alioze muze Saulu yahula kuli Yehova, Yehova kamukumbulwile chipwe ku yilota chipwe ku Urimi chipwe kuli aprofeta.

1 Samuel 3:1

Mwe mwana Samuel wavumbikilile Yehova kumeso ja Eli. Chapwile chikalu kwivwa liji lia Yehova ha matangwa aze. Te usolwelo wa pundu kuushiko.