Amose 8:10 - MUKANDA USANDU WA ZAMBI 1975

¹⁰ Mungukalumuna yiwanyino yenu mu kulishimwoka, ni miaso yenu mu kulila lungungu. Mungukajika mijimba yeswe ni yikeleyi, mungukasa lwole ha mitwe yeswe. Munguchipwisa ngwe kulila hali mwana wa lunga wa wika. Songo liacho mulipwa ngwe tangwa lisasu.

Mukanda Wa Zambi 1970

¹⁰ Mungukalumuna yiteleka yenu kubwa ngwe tangwa lia yinyengo ha kufunda afu, ni kwalumuna miaso yenu ya chiseke kubwa ya yinyengo. Munukatewula tuwewe ni kuzala mianji. Munukabwa ngwe yisemi waze analiji mwano wa lunga umuwika. Tangwa lize mulikabwa libi ndoo ku songo. Yami Mwene Zambi nachamba.

Amose 8:10 Iomraidhean Croise

Ubutukilo 21:16

Yaya, yatwama hatalanganyi nenyi alioze kapinji kaliko ngwe kukonga cha mwivu, mumu yamba ngwenyi, Kanda ngutala kufwa cha mwana. Chocho yatwama hatalanganyi nenyi nikulila mbimbi.

Jobe 20:23

Zambi makamutuma utenu wenyi usasu; makamunokesawo ngwe kulia chenyi hanga akazalise jimo lienyi nawo.

Jobe 3:5

Kulá ni milima pwi yikalizuke. Malelwa akalizulamine; milima ya ha mwalwa yikalikolese mwongo.

Jobe 30:31

Kalialia kami hikalumuka kulinyenga; lundembo wami hapwa liji lia akwa kulila.

Izaya 3:24

Ha perfumo masalakanyisa kufutama; ha muya wa ponda masalakanyisa lumuhipu; ha kambu ja kuyinda masalakanyisa lwole; mazala chikeleyi, hi hina lia pichi ko; ha uchenge manwaha sonyi.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 48:37

Mutwe weswe hiwapwa wa kawewe ni wevu weswe hanautewula. Ha moko eswe hali mbandu, ni ha mijimba yeswe yikeleyi.

Jeremia 6:26

Ena mwana wa pwo atu jami, zala chikeleyi, ukalilangumune mu uto. Ukalishimwoke ngwe hali mwana wa wika, kulila chisasu, mumu susumuku chonwonyi matuwana.

Lungungu 5:15

Uwahililo hiwapatuka mu mbunge jetu; kuhangana chetu hichalumuka kulinyenga.

Ezekiel 7:18

Kakuzala chikeleyi; mwongo waafuka; sonyi jili ha meso eswe; eswe halitewula mitwe.

Ezekiel 7:2

Ni yena mwana mutu, Mwene Yehova kanambe ku chifuchi cha Izalele ngwenyi, Songo! Lie songo hiliaheta ha mbango jiwana ja chifuchi.

Hosea 2:11

Mungusulisa chiseke chenyi cheswe, ni yiwanyino yenyi, ni yikungulwila ya kakweji mwaha ni masambata, ni yiwanyino yenyi yeswe ya kufunjika.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Joele 1:8

Lilenu ngwe *virgem unazala chikeleyi mumu hali lunga lia wanuke wenyi.

Alevi 13:40

Nyi kambu ja mutu hijamuhuluka ku mutwe, acho lwole, mwene kanapeme.

Amose 5:21

Chazangile yiwanyino yenu, ngunayisaula, chevwile kuwaha ni yikungulwila yenu yilemu.

Amose 5:23

Chiza kuli yami zungo lia miaso yenu; chichi kapanjika ku miaso ya tulialia twenu.

Amose 8:3

Mwene Yehova kanambe ngwenyi, Miaso ya mu tembele muyalumuka kulila mbimbi ha tangwa lize; mijimba ya afu muyikapwa yinji makayimbila kweswe nikuhola.

Nahume 1:10

Kakwalalisa ngwe mikalale ya kuliselieka. Shimbu machizengewa makaalalisa ngwe mwambu umu.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Shimbi 16:14

Nuwahilile ku chiwanyino chenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi, ni njize, ni shiwa, ni twamishi ali mu yihunda yenu.