Amose 7:8 - MUKANDA USANDU WA ZAMBI 1975

⁸ Yehova yamba kuli yami ngwenyi, Amose, yika unamono? Yingwamba ngwami, Ngunamono prumo. Mba Mwene yamba ngwenyi, Yami ngunase prumo hakachi ka atu jami A-Izalele; chichi kwapalika nawa nilimwe tangwa.

Mukanda Wa Zambi 1970

⁸ Yanguhula ngwenyi: “Amose, yika unamono?” Yingukumbulula ngwami: “Lwoji wa kwesekela nenyi.” Mba yamba ngwenyi: “Nguneseka ni lwoji yono ha kulweza ngwami, atu jami kaali ngwe chipanga chize chinahenge. Chichi kwalumuna nawa manyonga jami ha kumwesa atu jami lamba.

Amose 7:8 Iomraidhean Croise

1 MIANANGANA 21:13

Mungutachika ha Yerusaleme muhipu wa Samaria ni prumo ya munyachi wa Ahabe. Mungukusumuna Yerusaleme ngwe lunga makusumuna chenga nikuchikusumuna nikuchalumuna.

Izaya 28:17

Upatwilo wa kulita munguupwisa muhipu wami wa kufunjika nawo, ni ululi muupwa prumo yami. Chiwe muchikahungumuna chiswamo cha mahuza, ni meya makazemuna we uchinyino.

Izaya 34:11

Alioze toji ni chisekele machizuka; chikungulu ni chikwakwalo matungamo. Kumakachifunjika ni muhipu wa kutatajala; alemu jacho maeseka ni prumo ya ulumbuke.

Jeremia 15:6

Yehova kanambe ngwenyi, Hiwalituna yami, wakuyaya unyimenyime, kashika hinolola kwoko liami kulimika ni yena ni kukwonwona. Janguhwa nikulikoneka.

Lungungu 2:8

Yehova wasele mbunge kupuzula chipanga-cha-mawe cha mwana-pwo Zaione. Wachifunjikile ni muhipu, kakokolwele kwoko lienyi ha kwonwona; wapwishile chipanga ni lusaso ya kulila mbimbi, yinalihongela hamuwika.

Hosea 1:6

Yaka nawa ufumba, yasema mwana wa pwo, mba Yehova yamba kuli iye ngwenyi, Umuluke jina lienyi, Lo-Ruhama, mumu chichi kuvwila nawa keke munyachi wa Izalele ngukaakonekene.

Amose 7:7

Yangulweza nawa, Mwene te kanamana ku chipanga-cha-mawe cha kutunga ni prumo, kali ni prumo mu kwoko lienyi.

Amose 8:2

Mba yamba ngwenyi, Amose, yika unamono? Yingwamba ngwami, Mutonga wa mihuko ya lwiza. Yehova yamba kuli yami ngwenyi, Songo hiliaheta kuli atu jami A-Izalele; chichi kwapalika nawa nilimwe tangwa.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Zakaria 4:10

Mumu iya halelesa tangwa lia yuma yikepe? Kumakawahilila; kumakamona prumo mu kwoko lia Zorobabele. Wano shimbiali o meso ja Yehova kakwendangana hashi heswe.

Zakaria 4:2

Yamba kuli yami ngwenyi, Yika unamono? Yingwamba ngwami, Ngunamono chikwachilo cha ndeya cheswe cha oru. Chili ni musenge helu liacho, ni ndeya shimbiali jiliho. Ndeho jize jiliho yimwe ha yimwe yili ni tumihembo shimbiali.

Zakaria 5:2

Aye yamba kuli yami ngwenyi, Yika unamono? Yingukumbulula ngwami, Ngunamono mukanda wa chivungo unahumuka; usuhe wawo makumi aali a mbandu, ni utohe wawo kumi lia mbandu.