Amose 7:5 - MUKANDA USANDU WA ZAMBI 1975

⁵ Aho yingwamba ngwami, Mwene Yehova, litwamine kama, ngunaliumbu! Yakomba kuchi mahasa kulikoleza? Aye wakeha Chichize.

Mukanda Wa Zambi 1970

⁵ Mba yingwamba ngwami: “Mwene Zambi, litwamine kama. Ngwe kuchi atu je maahasa kulilamwina? Atu alelu ni akehe chichize!”

Amose 7:5 Iomraidhean Croise

Miaso (Masamu) 85:4

Tutewulule kama, yena Zambi ya ulamwino wetu, utenu we kuli yetu ukahwe kama.

Izaya 1:9

Nyi kachi Yehova-wa-Tujita katuhichikilile amwe akehe a kulisalaho, kachi twapwa ngwe Sondome, kachi twalumuka ngwe Ngomora.

Izaya 10:25

Mumu kashimbu kakepe ni ufwatulo wami muusula, ni utenu wami muutalikisa kwanongesa.

Jeremia 30:19

Momwene mukatuhukila miaso ya kusakwila, ni maliji ja akwa kusehejela. Mungukaokesa; kechi katepuluka; mungukaaha ulemu; kechi kakeha.

Ezekiel 9:8

Shimbu machilamba, ni yami nasalile ukawami, yingufulamana hashi nikuteta ngwami, Mwene Yehova! Muonwona waze eswe anasala mu Izalele ha kuzukula ufwatulo ha Yerusaleme?

Joele 2:17

Asasendote, tuvumbi twa Yehova, akalilime hakachi ka chikolo ni chilumbilo, nikwamba ngwo, Yehova, vwila keke atu je. Kanda uhana chihinga che chikasauke hanga akwa mavungu akachiyule. Muchiwaha akambe hakachi ka mavungu ngwo, Zambi yo kulihi ali?

Zakaria 4:10

Mumu iya halelesa tangwa lia yuma yikepe? Kumakawahilila; kumakamona prumo mu kwoko lia Zorobabele. Wano shimbiali o meso ja Yehova kakwendangana hashi heswe.

Kwalula 14:19

Mwane, nukonekene kama uhenge wa wano atu, nikulita ni unene wa utu wa zango lienu, nikulita ngwe yenu hinwakonekena wano atu, katuke ku Engitu ndo haliapwila.