Amose 7:17 - MUKANDA USANDU WA ZAMBI 1975

¹⁷ Kashika Yehova kanambe ngwenyi, Pwo lie makapwa chikoi mu chihunda, anenu a malunga ni a mapwo makafwa ni katana, ni chifuchi che machipangila ni muhipu, ni yena mwene kumukafwa mu chifuchi cha luchisa, ni A-Izalele kumakaya ku unjize kusuku ni chifuchi cho.

Mukanda Wa Zambi 1970

¹⁷ Hako Amazia, muze hiwamba chino, Mwene Zambi kanakwambe ngwenyi: ‘Pwo lie makapwa chitanji mu chihunda. Ana je a malunga ni a mapwo kumaakafwa mu jita. Chifuchi chenu kumaakachiteta kuli mavungu akwo. Yena mwene muukafwila mu chifuchi cha waze kaanyingikine ko Zambi. Akwa kole maakatwala Aisraele ku chifuchi cho mu undungo.’”

Amose 7:17 Iomraidhean Croise

1 MIANANGANA 17:6

Ha mwaka wamuchilivwa wa Hoshia, mwe mwanangana wa Asuria yatambula Samaria. Yambata A-Izalele funge ku Asuria, yaasa mu Hala, ni mu Habore ha lwiji Ngozane ni mu yihunda ya A-Media.

Miaso (Masamu) 78:55

Wahumine mavungu kumeso jo nikwahana ngwe chihinga cha kweseka ni mihipu. Wanjishile minyachi ya Izalele akatwame mu mbalaka jo.

Izaya 13:16

Ana jo a kemba makaahwotola pusu kwe kumeso jo; mazuwo jo makaapupa, ni mapwo jo kupomba no.

Izaya 22:18

makakujinga ni tachi ni kukukonga ngwe mbola mu chifuchi chinene, mba kwenako mukafwa, ni kwenako makatwama matemba je a uhenya; ena uli je sonyi ja zuwo lia kakenu.

Jeremia 14:16

Ni atu aze akwivwa kuprofeteza cho makaambila mu matapalo a Yerusaleme, mumu ha kapunga ni katana ni waze maafunda kechi kasoloka—o ni mapwo jo, ni ana jo a malunga ni a mapwo. Mumu munguzukula hali ayo ungulungulu wo.

Jeremia 20:6

Ni yena Pashure ni waze eswe a ku zuwo lie munuya ku ufunge. Kwe ku Babilonia munuya, mba kwenako munufwila, ni kwenako manufunda, yena ni masepa je eswe waze hiwaprofeteza kuli ayo ni mahuza.

Jeremia 28:12

Muze Hanania hapatula kanga ku kota ya profeta Jeremia, kulutwe lia kashimbu liji lia Yehova yiliza kuli Jeremia ngwo,

Jeremia 28:16

Kashika Yehova kanambe ngwenyi, Mungukuchiza hano hashi. Mwaka uno wene kumuofwa mumu hiwamba yuma ya kukatukila Yehova.

Jeremia 29:21

Yehova-wa-Tujita, Zambi ya Izalele kanambe ha kutwala kuli Ahabe mwana Kolaia ni Zedekia mwana Maseia waze ananuprofetezela mahuza mu jina liami ngwenyi, Mungwakunjika mu moko ja Nabukanezore mwanangana wa Babilonia mba iye maashiha kwe kumeso jenu.

Jeremia 29:25

Yehova-wa-Tujita, Zambi ya Izalele kanambe ngwenyi, Ena hiwatuma mikanda mu jina lie kuli atu eswe a mu Yerusaleme, ni kuli sasendote Zefania mwana Maseia ni asasendote eswe ngwo,

Lungungu 5:11

Mapwo kakwapikapika mu Zaione ni ana-mapwo jetu nawa mu yihunda ya Yunda.

Ezekiel 4:13

Yehova yamba ngwenyi, Chocho A-Izalele makalia mbolo yo ya luchisa hakachi ka mavungu kuze mungwahumina.

Hosea 9:3

Kechi kutwama mu chifuchi cha Yehova; alioze Eframe mahiluka ku Engitu, mba malia kulia cha luchisa mu Asuria.

Amose 6:7

Haliapwila kashika mapwa e atangu hakachi ka waze maya ku unjize, ni chimbangwinya cha akwa kuliolola muchikahwa.

Amose 7:11

Mumu Amose kanambe ngwenyi, Jeroboame kumakafwa ni katana, ni A-Izalele kumakaya ku unjize kusuku ni chifuchi chino.

Amose 8:1

Chocho Mwene Yehova yangulweza, kumanyi mutonga wa mihuko ya lwiza.

Amose 9:1

Namwene Mwene kanamana hakamwihi ni chilumbilo. Yamba ngwenyi, Lamba manguji ha masongo ndo yikuli muyichikima ukayifwenye ha mitwe ya atu eswe. Waze malisalaho mungukaashihisa ni katana. Kechi kahasa kuchina niumwe; kechi kahasa kwomboka niumwe.

Amose 9:8

Meso ja Mwene Yehova ha chifuchi cha shili anaahulikila, mba mungukachonwona he ha mavu: Munyachi wa Yakomba wika chichi kaunongesa liakulu. Chocho kanambe Yehova.

Mika 1:16

Lipwisenu ni lwole; litewulenu kambu jenu ha mukunda wa ana ja uwahililo wenu. Litewulenu ngwe makuyu, mumu manukatuka nikuya ku unjize.

Zakaria 14:2

Mumu mungukakonga mavungu eswe akungulukile kulimika ni Yerusaleme ni jita. Makatambula che chihunda; makapupa mazuwo nikupikapika mapwo. Chihanda cha ha muchima cha chihunda muchiya ku unjize alioze masalila ja atu kechi kaateta ku chihunda.