Amose 7:15 - MUKANDA USANDU WA ZAMBI 1975

¹⁵ Mba Yehova wanguchijile shimbu mungukaula yimuna; Yehova wambile kuli yami ngwenyi, Yako uprofeteze kuli atu jami A-Izalele.

Mukanda Wa Zambi 1970

¹⁵ Alioze Mwene Zambi hanguchiza ku milimo ya kufunga yimuna, hangwamba ngwenyi: ‘Yako Ulongese maliji jami kuli atu jami Aisraele.’

Amose 7:15 Iomraidhean Croise

2 Samuel 7:8

Kashika amba kuli kavumbi kami David ngwe, Yehova-wa-Tujita kanambe ngwenyi, Nakuchijile mu yambu kuze wakawile mapanga ukapwe mwanangana wa atu jami A-Izalele.

1 Yitanga Ya Mianangana 19:19

Chocho yakatukako, yawana Elisha mwana Sefate kanalimi ni sharua ni kumi lia kanga ja ngombe ni kanga jiali kulutwe lienyi. Kumi ni yamuchiali te niyenyi. Eliya yaheta kuli iye yasa hina lienyi hali iye.

Jeremia 1:7

Alioze Yehova yamba kuli yami ngwenyi. Kanda wamba ngwe, Nguchili mukweze, mumu muoya kuli waze eswe mungukutuma, muhanjika cheswacho mungukwamba.

Jeremia 26:12

Henaho Jeremia yamba kuli alemu eswe ni atu eswe ngwenyi, Yehova wangutumine kuprofeteza kulimika ni zuwo lino ni chihunda chino maliji ano eswe hinwevwa.

Amose 3:8

Ndumba hahiohia, iya kechi kwivwa woma? Mwene Yehova hanahanjika, iya mahasa kuhola ni uprofeto?

Mateu 9:9

Shimbu Yesu mapalika kuze kulutwe, wamwene mutu, anamuvuluka ngwo, Mateu, kanatwama mu zuwo lia lijimu: neye yamba kuli iye ngwenyi, Ngukaule. Aye wakatukile, wamukawile.

Yilinga 1:8

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Yilinga 4:20

mumu yetu kutwahashile shina kuhanjika yuma yize twamwene, twevwile.

Yilinga 5:20

Yénu, nukamane mu tembele, nukahanjike kuli atu maliji eswe a mwono uno.

1 Samuel 10:11

Mba waze eswe amunyingikine kushi, amumwene nikuprofeteza hakachi ka aprofeta ambile umwe kuli mukwo ni mukwo ngwo, Chino hichawana mwana wa Kishi chuma chika? Kumanyi Saulu nawa hapwa hakachi ka aprofeta, nyi?