Amose 7:11 - MUKANDA USANDU WA ZAMBI 1975

¹¹ Mumu Amose kanambe ngwenyi, Jeroboame kumakafwa ni katana, ni A-Izalele kumakaya ku unjize kusuku ni chifuchi chino.

Mukanda Wa Zambi 1970

¹¹ Mumu kanambe ngwenyi: ‘Mwanangana Jeroboame kumakafwa mu jita, ni akwa kole ja Aisraele kumaakaatwala ku chifuchi cho mu undungo.’ ”

Amose 7:11 Iomraidhean Croise

1 MIANANGANA 17:6

Ha mwaka wamuchilivwa wa Hoshia, mwe mwanangana wa Asuria yatambula Samaria. Yambata A-Izalele funge ku Asuria, yaasa mu Hala, ni mu Habore ha lwiji Ngozane ni mu yihunda ya A-Media.

Miaso (Masamu) 56:5

Tangwa lieswe nganganga kakuhengesa maliji jami. Manyonga jo eswe akulimika ni yami ha chipi.

Jeremia 26:9

Kuchi te hiwaprofeteza mu jina lia Yehova ngwe, Zuwo lino mulipwa ngwe Shilo, ni chihunda chino muchipwa cha woya, kuchishi atu? Mba atu eswe yaseleka Jeremia mwe mu zuwo lia Yehova.

Jeremia 36:16

Ha kwivwa maliji eswe yatala umwe kuli mukwo ni woma; yamba kuli Baruke ngwo, Chatutamba kwambulula maliji wano eswe kuli mwanangana.

Amose 1:1

Maliji ja Amose, aye wapwile hakachi ka tufunga twa mapanga a ku Tekoa; maliji aze amwene ha kutwala kuli Izalele ha matangwa a Uzia mwanangana wa Yunda, ni matangwa a Jeroboame mwana Njoashe mwanangana wa Izalele miaka yiali shimbu munyiko kanda wiza.

Amose 7:10

Henaho Amazia sasendote wa Mbetele yatuma kuli Jeroboame mwanangana wa Izalele ngwenyi, Amose hakutwama punga hakachi ka munyachi wa Izalele, ni chifuchi kuchichi kuhasa kujikiza ni maliji jenyi eswe.

Amose 7:12

Mba Amazia yamba kuli Amose ngwenyi, Ena mukwa kumona katuka, Chinyina ku chifuchi cha Yunda ukalileko mbolo ni kuprofetezelako.

Amose 7:9

Mungwenyeka manangamo ja Izake, ni mazuwo asandu ja Izalele mungwapwisa a hululu mungukatukila zuwo lia Jeroboame ni katana.

Mika 1:16

Lipwisenu ni lwole; litewulenu kambu jenu ha mukunda wa ana ja uwahililo wenu. Litewulenu ngwe makuyu, mumu manukatuka nikuya ku unjize.

Mateu 26:61

Ambile ngwo, Iye ngwenyi, Ngunahase kwonwona tembele ya Zambi ngukayitunge mu matangwa atatu.

Yilinga 6:14

Mumu twamuvwile nikwamba ngwenyi, Yono Yesu Ka-Nazare kumakonwona kuma kuno, iye kumakalumuna ndako jize atukunjikile Mose.