Amose 7:10 - MUKANDA USANDU WA ZAMBI 1975

¹⁰ Henaho Amazia sasendote wa Mbetele yatuma kuli Jeroboame mwanangana wa Izalele ngwenyi, Amose hakutwama punga hakachi ka munyachi wa Izalele, ni chifuchi kuchichi kuhasa kujikiza ni maliji jenyi eswe.

Mukanda Wa Zambi 1970

¹⁰ Mba hako Amazia, wa ku limbo lia Betele, yatuma liji kuli mwanangana wa Israele, Jeroboame, ngwenyi: “Amose kanakutwama punga. Maliji jenyi maakashiha chifuchi.

Amose 7:10 Iomraidhean Croise

Ubutukilo 37:8

Ayayo yamba kuli iye ngwo, Te yena mukatuyula, nyi? Te mukatuzeyesa, nyi? Mba amuvwilile kole kuhiana nawa, mumu ha yilota yenyi ni maliji jenyi.

1 Yitanga Ya Mianangana 13:33

Hindu kulutwe lia chuma chino Jeroboame kakatukile mu jila yenyi yipi. Alioze cheka nawa watambwile atu eswo nikwatenga asasendote a manangamo. Mweswawo wachizangile wamuselelecho hanga akapwe ni asasendote a ha manangamo.

1 Yitanga Ya Mianangana 18:17

Ha kumumona Ahabe yamba kuli Eliya ngwenyi, Ena mukwa kupinjisa A-Izalele, kuma yena mwene nyi?

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 36:16

Ha kwivwa maliji eswe yatala umwe kuli mukwo ni woma; yamba kuli Baruke ngwo, Chatutamba kwambulula maliji wano eswe kuli mwanangana.

Jeremia 38:4

Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Amose 1:1

Maliji ja Amose, aye wapwile hakachi ka tufunga twa mapanga a ku Tekoa; maliji aze amwene ha kutwala kuli Izalele ha matangwa a Uzia mwanangana wa Yunda, ni matangwa a Jeroboame mwana Njoashe mwanangana wa Izalele miaka yiali shimbu munyiko kanda wiza.

Amose 3:14

Ha tangwa lize mungulamba Izalele mumu ha mutonga wenyi, mungulamba yilumbilo ya Mbetele. Makateta mbinga ja chilumbilo jikaholoke hashi.

Amose 5:10

Mukwa kukanjisa mu chota kakumuvwila kole; kakuvwila kupiha yoze mahanjika umwenemwene.

Amose 5:5

Alioze kanda nufupa ku Mbetele; kanda nunjila ku Ngilingali chipwe kuzauka ku Mbia-shipa. Mumu akwa Ngilingali makaya ku unjize ni akwa Mbetele makaapwisa mokomoko.

Amose 7:11

Mumu Amose kanambe ngwenyi, Jeroboame kumakafwa ni katana, ni A-Izalele kumakaya ku unjize kusuku ni chifuchi chino.

Mateu 21:23

Muze anjilile mu tembele, asasendote akwa lutwe ni makulwana ja atu ejile kuli iye shimbu machilongesa ngwo, Ni chiyulo chika wakulinga yino yuma? Iya wakuhele chiyulo chino?

Luka 23:2

O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Yilinga 24:5

Mumu hitunawane yono lunga koki, mukwa kuvundula hakachi ka A-Yunda eswe mu yifuchi yeswe ya hashi, ni mukwa lutwe wa mbunga ya A-Nazereno:

Yilinga 5:28

Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu.

Yilinga 7:54

Achi, muze evwile yino yuma, alichokele mu mbunge, alikopwele ku mazo hali iye.