Amose 6:8 - MUKANDA USANDU WA ZAMBI 1975

⁸ Yehova mwe Zambi-ya-Tujita ngwenyi, Mwene Yehova halishinga ni jina lienyi mwene ngwenyi, Kulengumuka cha Yakomba changuvwisa lwaji; mbonge jenyi jangupihila, kashika mungukunjika chihunda ni yize yeswe yilimo.

Mukanda Wa Zambi 1970

⁸ Mwene Zambi Mukwa Ndundo Jeswe hanalishingi nikwamba ngwenyi: “Nakuvutwokela kulengumuka cha Aisraele ni mazuwo jo anene anene. Kashika mungukakunjika limbo lio ni yuma yize yilimo kuli mukwa kole wo.”

Amose 6:8 Iomraidhean Croise

Ubutukilo 22:16

Hinalishinga ni jina liami mwene, chocho anambe Yehova ngwenyi, Mumu walinga chuma chino, kwanguminyine mwané, mwe wa wika;

Miaso (Masamu) 106:40

Kashika ufwatulo wa Yehova wakasumukine wa kulimika ni atu jenyi. Wevwilile lwaji chihinga chenyi.

Miaso (Masamu) 47:4

Hanatutongwela chihinga chetu, we uhenya wa Yakomba yoze wazangile.(Litulike.)

Miaso (Masamu) 50:12

Nyi kachi nevwile zala chichi kukulweza, mumu hashi heswe nihami, ni kulumbama cha upite waho.

Miaso (Masamu) 78:59

Muze Zambi wachivwile, wevwile ufwatulo. Wevwilile kupiha chinji A-Izalele.

Yishima 8:13

Woma wa Yehova unalumbunuka kulinwa ni chipi. Kunakulinwa ni kulengumuka, ni kulizata, ni ndako jipi, ni kanwa liapiya.

Izaya 28:1

Lamba ku chipangula cha kulengumuka cha A-Eframe akwa kuzengewa, ni ku chitemo chumu cha upeme wo wa uhenya, chize chili ha mutwe wa chikulo cha chinuno cha waze hazeya ku vinyu!

Jeremia 12:8

Chihinga chami hichalumuka kuli yami ngwe ndumba mu usaki, hahanjika kulimika ni yami; kashika namuvwila kole.

Jeremia 22:14

Kakwamba ngwenyi, Mungulitungila zuwo linene ni yipatulo yinene ya kwilu. Kakulinga njanela jamo, ni kulamikaho matabua ja sedru, ni kusaho ulombo uchila nge.

Jeremia 22:5

Alioze nyi kunwapanjikile maliji wano, Yehova kanambe ngwenyi, Ngunalishingi ni yami mwene ngwami, zuwo lino mulialumuka lia kwenyeka.

Jeremia 44:26

Kashika ivwenu liji lia Yehova enu A-Yunda eswe nwatwama mu chifuchi cha Engitu. Yehova kanambe ngwenyi, Hinalishinga ni jina liami linene ngwami, Jina liami kechi kulitongola nawa ni kanwa lia mutu niumwe Ka-Yunda mu chifuchi cha Engitu ngwenyi, Ni mwono wa Mwene Yehova.

Jeremia 49:13

Mumu yami Yehova hinalishinga ni yami mwene, ngwami, Mbozera malumuka chuma cha mwongo, kanda luchoko, kanda puya, kanda shingo, ni yihunda yako yeswe muyipwa puya ya mutolo.

Jeremia 51:14

Yehova-wa-Tujita halishinga ni iye mwene ngwenyi, Pundu munguzalisako ni malunga, kwoka ngwe makumbi, mba o makalumuka hali yena ni liji lia kukumba.

Lungungu 2:5

Mwene hanalumuka ngwe mukwa kole, hanonwona Izalele. Hanonwona palasiu jamo; hanapuzula mbonge jamo; hanokesa kulishimwoka ni lungungu muli mwana-pwo Yunda.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Hosea 11:6

Katana makatenukina yihunda yo, nikumanununa njalo ja mapito jo ja yihunda, nikwaonwona mu mbonge jo.

Alevi 26:11

Mungutwama hakachi kenu; mbunge yami kuyichi kunuvwila kole.

Alevi 26:30

Mungwonwona manangamo jenu. Mungupuzula yilumbilo yenu ya insensu. Mungulumbika mijimba ya afu jenu ha mijimba ya tuponya twenu afu, mba mbunge yami muyinuvwila kole.

Amose 3:10

Yehova kanambe ngwenyi, Waze akuvundula upupilo ni wiji mu mbonge jo; kanyingikine kulinga yipema.

Amose 3:11

Kashika Mwene Yehova kanambe ngwenyi, Mukwa kulimika makaseleka chifuchi nikunupuzwila yipanga yenu ni kupupa mbonge jenu.

Amose 4:2

Mwene Yehova halishinga ni usandu wenyi ngwenyi, Matangwa meza kwiza hali yenu muze makanuchizako ni yikungo. Waze makasulako makaachiza ni tuzambu.

Amose 5:21

Chazangile yiwanyino yenu, ngunayisaula, chevwile kuwaha ni yikungulwila yenu yilemu.

Amose 8:3

Mwene Yehova kanambe ngwenyi, Miaso ya mu tembele muyalumuka kulila mbimbi ha tangwa lize; mijimba ya afu muyikapwa yinji makayimbila kweswe nikuhola.

Amose 8:7

Yehova halishinga ni ulemu wa Yakomba ngwenyi, Pundu chichi kavulama yitanga yo niyimwe.

Zakaria 11:8

Ha kakweji umuwika nonwene tufunga atatu, mumu janguhwa no; no te kananguvwila kupiha.

Shimbi 32:19

Yehova yachimona, yaalelesa mumu ha kwihia cha anenyi a malunga ni a mapwo.