Amose 6:6 - MUKANDA USANDU WA ZAMBI 1975

⁶ Kakunwa vinyu mu misenge yinene; kakulikwita maji apema alioze kevwile kupiha ha kuji-ni-tomo lia José.

Mukanda Wa Zambi 1970

⁶ Nwakunwa vinyu mu misenge yinene yinene, nwakulikwita maji a lupembo mubema, alioze kunushi kwivwa kubihia hakutwala ku kwonona cha Aisraele.

Amose 6:6 Iomraidhean Croise

Ubutukilo 49:22

José iye mutango wa kwima mihuko, mutango wa mihuko ku fuji ha meya. Ana jenyi kakutanjila ndusu sali lia chipanga.

1 MIANANGANA 15:29

Ha matangwa a Peka mwanangana wa Izalele, Tigelate-Pilesere mwanangana wa Asuria yeza. Yatambula Ijone, ni Abele-Mbete-Maka, ni Janoa, ni Kendeshe, ni Hazore, ni Ngiliate, ni Ngalileya, te chifuchi cheswe cha Napatali. E atu yaambata funge ku Asuria.

Estere 3:15

Mikeji yaya fuji nikulita ni liji lia mwanangana, ni shimbi yayifumanyisa mu mbala ya Shushane. Mwanangana ni Hamane yatwama mukunwa alioze chihunda cha Shushane yichilifwita nacho.

Izaya 28:1

Lamba ku chipangula cha kulengumuka cha A-Eframe akwa kuzengewa, ni ku chitemo chumu cha upeme wo wa uhenya, chize chili ha mutwe wa chikulo cha chinuno cha waze hazeya ku vinyu!

Izaya 5:12

Kali ni tulialia ni yisaji ya kusa, ni tumikupiela, ni ndembo, ni vinyu, ku mizumbu yo; alioze keshi kusa mbunge ku yitanga ya Yehova, chipwe kumona milimo ya moko jenyi.

Jeremia 30:7

Lwangu! Mumu lie tangwa lino lialema naye kukushi likwo lia kulifwa. Liapwa tangwa lia lamba kuli Yakomba; hindu makaalamwina ku lamba lino.

Ezekiel 9:4

Yehova yamba kuli iye ngwenyi, Palika mu chihunda, mwe mu Yerusaleme, ukase mufunda ha mahuma ja malunga aze akutwa mikuma ni kulishimwoka ha mukunda wa yuma ya lwaji akulingamo.

Hosea 3:1

Yehova wambile kuli yami ngwenyi, Yako nawa uzange pwo yoze kanamuzange kuli mukwa kumulumbula, aye chitanji nawa, chizechene ngwe Yehova kakuzanga A-Izalele, chipwe o kakutala kuli mazambi eka, nikuzanga tumbolo twa uva.

Amose 2:8

Kakupomba ku lumbu lia chilumbilo cheswe mu mahina a chifungo; mba mu zuwo lia Zambi yo kakunwa vinyu ya waze hanaafwetesa milonga.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Yoano 12:3

Maria kashika wanjile libra ya yitumbo ya vumba lipema, yilemu chikolo, wawayishile nayo yiliato ya Yesu, wakusumwine yiliato yenyi ni kambu jenyi; ni zuwo liazalile tò ni vumba lia yitumbo.

A-ROMA 12:15

Wahililenu hamwe ni waze akuwahilila; lilenu hamwe ni waze akulila.

1 Korintu 12:26

Chipwe chihanda chimwe muchivwa lamba, yihanda yeswe muyivwa lamba hamuwika nacho; hanji kachi malemesa chihanda chimwe, yihanda yeswe muyiwahilila hamuwika nacho.

1 Timoteu 5:23

Kanda ukanwa meya wika, alioze tambula kavinyu, mumu ha lufu we ni kukokoloka che chinji.