Amose 6:1 - MUKANDA USANDU WA ZAMBI 1975

¹ Lamba kuli waze anatwama nikwoloka mu Zaione, ni waze anatwama kawape ha mulundu wa Samaria, malunga alemu a mavungu akwa lutwe, kuli ayo akwa munyachi wa Izalele kakuya.

Mukanda Wa Zambi 1970

¹ Lamba lienu waze nwatwama nikwoloka mu limbo lia Zione! Lamba lienu waze nwakunyonga ngwenu, nuli mu uhwimino mu limbo lia Samaria. Lamba lienu yenu malunga alemu a mu chifuchi chino chilemu Israele, kuli waze kwakwizaza atu ha kwakwasa!

Amose 6:1 Iomraidhean Croise

1 Yitanga Ya Mianangana 16:24

Mba yalanda mulundu wa Samaria kuli Shemere ha ndando ya *talentu jiali ja prata. Yatunga ha mulundu mba yaluka chihunda chize atungile ngwenyi, Samaria mumu ha jina lia mwenya mulundu Shemere.

Miaso (Masamu) 123:4

Mbunge jetu jazala tò ni lenyo lia waze anatwama kanawa, ni kusaula cha akwa kulengumuka.

Yishima 1:32

Mumu yizuzuke kakufwa mumu ha kumba nyima; yihepuke kakulionwona ni kusehejela cho.

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Jeremia 2:3

Izalele wapwile musandu kuli Yehova, mbuto yitangu ya kucha. Eswe alileko ahile; chipi chaawanyine. Chocho kanambe Yehova.

Jeremia 48:11

Moape hahwima chize ku ukweze wenyi mba kenguluka ngwe vinyu. Kamutehwine ku chikwachilo ni chikwachilo chipwe kuya ku unjize. Kashika kuyema chenyi kali nacho ni haliapwila ni lupembo wenyi kalumukine.

Jeremia 49:31

Yehova kanambe ngwenyi, Katukenu, senyenu kulimika ni akwa vungu limwe akutwama ni kuhwima ni chipi chakuhi. Keshi ni mapito chipwe njalo; kanatwama ukawo.

Jeremia 5:5

Munguya kuli anene, munguhanjika no, mumu o kananyingika jila ya Yehova, shimbi ya Zambi yo. Alioze eswe hanamakuna kanga chimuwika, eswe te hanapulu mihipu.

Jeremia 7:4

Kanda nufuliela maliji wano a kwonga ngwo, Yino yinapu tembele ya Yehova, tembele ya Yehova, tembele ya Yehova.

Lungungu 1:1

Chihunda chinatwama kulungunga, chize chapwile cha tò ni atu mama yami! Hichinalumuka ngwe tuliwa, chapwile chinene hakachi ka mavungu. Chapwile ni chiyulo hakachi ka yihunda hichalumuka kapinji!

Amose 3:2

Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

Amose 3:9

Ambululenu mu mbonge ja Ashedode ni mu mbonge ja chifuchi cha Engitu ngwenu, Kungulukenu ha milundu ya Samaria nukamone chizungozungo muli ayo ni we upinjiso hakachi ko.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 5:27

kashika mungukanutwala ku unjize sali lize lia Ndamaseku. Chocho kanambe Yehova yoze kali ni jina lia Zambi-ya-Tujita.

Amose 8:14

Waze akulishinga ni shili ya Samaria, nikwamba ngwo, Ni mwono wa zambi ye, Ndane; hanji, Ni mwono wa jila ya Mbia-shipa, o kumakalimbuka; kechi kahinduka nawa nilimwe tangwa.

Amose 9:10

Yivulumunyi eswe a atu jami makafwa ni katana waze akwamba ngwo, Chipi kuchichi kutuwana chipwe kutakana ni yetu.

Mika 3:1

Yingwamba ngwami, Ivwenu, enu akwa lutwe mu Yakomba, akwa kuyula mu munyachi wa Izalele! Te kuchanutambile kunyingika upatwilo wa kulita?

Zefania 1:12

Ha mwaka uze mungupolongoza mu Yerusaleme ni ndeya. Mungulamba kastigu malunga waze anenguluka ni kutoha; waze akwamba mu mbunge jo ngwo, Chipwe chipema, chipwe chipi, Yehova kechi kalinga nichimwe.

Tiangu (Jake) 1:18

Nikulita ni upale wenyi mwene watusemene ku liji lia umwenemwene; hanga tukapwe mulali umwe wa mihuko yitangu ya ku yitanga yenyi.

Tiangu (Jake) 5:5

Hinunatwama ni upite wunji ni kuwaha hano hashi, hinunaluyukisa usona weswe; hinunahoko mbunge jenu ha tangwa lia kushika.

1 Petulu 5:7

Mbilenu yipikalo yenu yeswe hali iye, mumu kakunufunga.

Akwa Kuyula 18:7

Chocho e malunga atano yakatuka, yeza ku Laishe. Yamona atu jako chize atwamine nikuhwima chizechene A-Sendone akutwama ni sambukila, keshi woma. Mu chifuchi kukwapwile niumwe mukwa chiyulo yoze maakolesa sonyi ha chuma nichimwe. Atwamine kusuku ni A-Sendone, keshi pande ni akwo.