Amose 5:8 - MUKANDA USANDU WA ZAMBI 1975

⁸ Yoze watangile Kungulwila ni Muta-ni-kawa, yoze wakwalumuna ufuku pwi mu kucha, yoze wakwalumuna mwalwa mu ufuku, yoze wakusanyika meya a kalunga-lwiji nikwazukwila ha kuzazuluka cha hashi, jina lienyi Yehova,

Mukanda Wa Zambi 1970

⁸ Mwene Zambi watangile matongonoshi; Kungulwila ni Muta ni Kawa. Kakwalumuna milima kubwa Pangu, Mwalwa kubwa ufuku. Kakutambika meya a mu kalunga lwiji ni kwamwangina hashi. Jina lienyi; Mwene Zambi.

Amose 5:8 Iomraidhean Croise

Jobe 12:22

Kakufukula yijimbikilo ya milima; yuma ya milima kakuyineha mu pangu.

Jobe 37:13

Chipwe ha kulongesa, hanji ha kuwahisa mavu jenyi, hanji ha utu wa zango lume; iye kakuchilingisa.

Jobe 38:34

Muhasa kusanyika malelwa hanga sanga lia meya likufuke?

Jobe 9:9

Yatanga matongonoshi a Ursa, ni Muta-ni-kawa ni Kungulwila ni yipatulo ya ku Sule.

Miaso (Masamu) 104:20

Wakulinga milima mba hikwapwa ufuku muze tushitu eswe a mu musenge akutuhuka nikuliomba.

Miaso (Masamu) 105:28

Watumine milima nikulayisako, o kakolemeneko maliji jenyi.

Izaya 42:16

Mungusongwela tupuputa kuze kanyingikineko. Mu majila kanyingikine mungwatalikisa. Milima yize yili kumeso jo mungupwisa pangu, mungusalamisa kuze kwapwa kwa yikulinga-yikulinga. Yino yuma mungulinga, chichi kwaehuka.

Izaya 59:10

Twakupapata ku yishimi ngwe afwameso, twakupapata ngwe waze keshi meso. Twakutalinga tangwa ha muchima ngwe ha kajimba-usoko. Tuli ngwe afu hakachi ka akwa kutakama.

Jeremia 16:21

Kashika mungwanyingikisa, chisuho chino chimuwika mungwanyingikisa ngolo jami, ni ndundo jami, mba kumanyingika jina liami ngwo, Yehova.

Jeremia 33:2

Chino kanambe Yehova Tangi ya hashi, Yehova mukwa kuwumba hashi akakoleseho—jina lienyi Yehova, ngwenyi,

Amose 4:13

Mumu nyingikenu; yoze wakuwumba milundu, ni kutanga fuji; yoze wakusolola manyonga jenyi kuli atu; yoze wakwalumuna chimene chikapwe milima; yoze wakuliata ha milundu ya hashi— jina lienyi Yehova, Zambi-ya-Tujita.

Amose 8:9

Mwene Yehova kanambe ngwenyi, Ha tangwa lize mungukanjisa tangwa ha tangwa ha muchima. Mungulayisa hashi ha ola ya mwalwa.

Amose 9:6

yoze wakutunga yipatulo yenyi ya kwilu mu malilu nikusa kuzazuluka chenyi helu lia hashi, yoze wakusanyika meya a kalunga-lwiji nikwazukwila ha mavu—jina lienyi Yehova.

Mateu 4:16

Atu aze atwamine mu milima hanamono pangu linene, Waze atwamine mu chifuchi cha kufwa ni Chizulie chacho, Kuli ayo pangu hilinasoloka.

Luka 1:79

Mukupanguka hali waze akutwama mu milima ni mu Chizulie cha kufwa; mukutemwina molu jetu mu jila ya sambukila.