Amose 5:7 - MUKANDA USANDU WA ZAMBI 1975

⁷ Enu! Nwakwalumuna upatwilo wa kulita mu musase ni ululi nwakuumbila mu mavu.

Mukanda Wa Zambi 1970

⁷ Makanumwesa lamba, yenu waze nwakuhengesa ubatwilo, waze kunushi kutayiza usambiso wa atu!

Amose 5:7 Iomraidhean Croise

Miaso (Masamu) 125:5

Alioze waze akupiasuka mu majila ahenga, Yehova kumakaatuhwisa hamuwika ni akwa kulinga uhenge. Sambukila yikapwe hali Izalele.

Miaso (Masamu) 36:3

Maliji a mu kanwa lienyi a uhenge ni kwonga. Hambila mana ni yitanga yipema. Ha muhela wenyi kakutaka uhenge;

Yishima 21:7

Upupilo wa yingulungulu muukaahungumuna mumu kasolo kulinga ni upatwilo.

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Izaya 10:1

Lamba kuli waze akukolesa shimbi ja uhenge, ni akwa kusoneka waze akusonyeka upinjiso,

Izaya 46:12

Panjikenu kuli yami, enu akwa mbunge ja pami, enu nuli kusuku ni ululi.

Izaya 5:20

Lamba kuli waze akutongola chipi ngwo, chipema, ni chipema ngwo, Chipi; akusumbakenya milima ni pangu, ni pangu ni milima; akusumbakenya chisasu ni chiyema, ni chiyema ni chisasu.

Izaya 5:7

Mumu munda wa uva wa Yehova-wa-Tujita we munyachi wa Izalele, ni malunga a Yunda kapwa wande wenyi upema. Yafupa upatwilo wa kulita, alioze yawana manyinga a kumwanga; yafupa ululi, kumanyi yevwa muteto wika!

Ezekiel 18:24

Alioze muze mukwa ululi mahichika ululi wenyi akalinge uhenge, ni kulinga yuma ya lwaji yize yene chingulungulu akulinga, te makatwama ni mwono? Nichimwe chitanga chenyi cha ululi halinga makamwiwulukilacho. Ha mafwefwe aze hahila, ni mulonga uze havulumuna kumakafwa.

Ezekiel 3:20

Chikwo nawa, nyi mukwa ululi makatuka ku ululi wenyi akalinge uhenge, mba yami ngukamusele chitalingiso, mafwa. Iye mafwila mutonga wenyi, ni yitanga yenyi ya ululi yize alingile kechi kayiwuluka; alioze manyinga jenyi ku kwoko lia yena mungwahula mumu kwamutowezele.

Ezekiel 33:18

Muze mukwa ululi mahichika ululi wenyi nikulinga uhenge maufwila.

Hosea 10:4

Kakuhanjika maliji amokomoko; kakukolesa usendo ni mashingo keshi tachi, kashika upatwilo kuwakusoloka ngwe yiputa ya utende mu mihanga ya mu minda.

Amose 2:3

Munguteta mukwa kuyula hakachi ko, mungukashiha alemu eswe hamwe nenyi. Chocho kanambe Yehova.

Amose 3:10

Yehova kanambe ngwenyi, Waze akuvundula upupilo ni wiji mu mbonge jo; kanyingikine kulinga yipema.

Amose 6:12

Tuvwalu kakuzomboka ha yimawe? Kakuchipa kalunga-lwiji ni ngombe? Alioze enu hinwalumuna upatwilo wa kulita mu utende; ni mihuko ya ululi hinwayalumuna musase.

Mika 3:9

Panjikenu, enu akwa lutwe mu munyachi wa Yakomba, ni akwa kuyula mu munyachi wa Izalele. Enu upatwilo wa kulita wanupihila, nwakuhengesa ululi weswe.

Habakuke 1:4

Chocho shimbi yakokoloka ni upatwilo wa kulita kuushi kumoneka. Mumu yingulungulu kanaseleka akwa ululi; kashika kakuhengesa upatwilo.

Zefania 1:6

waze hanalitwamina kukaula Yehova; kafupile Yehova, chipwe kumuhula.

Shimbi 29:18

Kuchina mukupwa mukachi kenu lunga, hanji pwo, hanji akwa jiko limwe, hanji munyachi, mbunge yenyi yinatewuluka musono kuli Yehova Zambi yetu, nikuya, nikuvumbika tuzambi twa mavungu aze, kuchina mukupwa mukachi kenu muji umwe unemi kasashisa ni musase.