Amose 5:6 - MUKANDA USANDU WA ZAMBI 1975

⁶ Fupenu Yehova nutwame ni mwono kuchina makalekwoka ngwe kahia mu munyachi wa José. Makalalisa ni mukwa Mbetele yoze makajima kechi kasoloka.

Mukanda Wa Zambi 1970

⁶ Yeenu kuli Mwene Zambi, mba munubwa ni mwono. Nyi ka, makaholoka ngwe kahia hali Aisraele. Kahia kaze mukakocha atu ja mu Betele; niumwe kechi kakajima.

Amose 5:6 Iomraidhean Croise

2 Samuel 19:20

Mumu yami kavumbi kenu ngunanyingika ngwami, Nanuvulumwine. Kashika hineza musono mwe mutangu hakachi ka munyachi wa José kupalumuka mukupatwiza mwene wami mwanangana.

1 Yitanga Ya Mianangana 11:28

Yono lunga Jeroboame mutu wa tachi ni hamu. Solomone yamona kuhondangana cha mukweze wacho mba yamupwisa kapita ka milimo yeswe ya zuwo lia José.

2 Sango Ja Mianangana 34:25

Mumu hanangwehuka; hanochela insensu mazambi akwo akangwihie ku utenu ni yitanga yeswe ya moko jo. Kashika ufwatulo wami unazukuka ha chifuchi chino, mba kuuchi kahola.

Miaso (Masamu) 27:8

Muze wambile ngwe, Fupa meso jami, mbunge yami yakumbulwile ngwami, Meso je mungufupa, Yehova.

Miaso (Masamu) 69:33

Mumu Yehova kakwivwa yiswale; keshi kulelesa funge jenyi.

Kutuhuka 22:6

Kachi kahia mukasambuka mba mingonga muyikwata kahia chocho yichita ya mbuto muyiwema, chipwe mbuto yize yichili ku ulime chipwe munda, yoze wawikanga ke kahia akahilwise yeswe lume.

Izaya 1:31

Mukwa tachi malumuka ngwe uhu, ni milimo yenyi muyipwa leka lia kahia, yeswe ni yiali muyiwema hamuwika, ni yoze mayijima wakuhi.

Izaya 55:3

Neha twitwi lie, wize kuli yami. Panjika, mbunge ye yikatwame ni mwono. Mungukolesa ni yena usendo wa mutolo, utu wami wa zango ukolo kuli David.

Izaya 55:6

Fupenu Yehova shimbu munuhasa kumuwana, mutambikenu shimbu achili hakamwihi.

Jeremia 38:20

Jeremia yamba ngwenyi, Kechi kunukunjika kuli ayo. Ononokenu haliapwila ku liji lia Yehova ha chuma chino ngunambe kuli yenu mba muchiwaha ni yenu, ni kechi kunushiha.

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Ezekiel 21:3

ukambe ku chifuchi cha Izalele ngwe, Yehova kanambe ngwenyi, Nyingikenu, kunalimika ni yenu, kashika mungukatomona katana kami mu chindalo chenyi ngukateteho hakachi kenu ni mukwa ululi ni chingulungulu.

Ezekiel 33:11

Amba kuli ayo ngwe, Mwene Yehova kanambe ngwenyi, Ni mwono wami, chevwile kuwaha ni kufwa cha chingulungulu. Ngunazange chingulungulu ahichike ndako jenyi atwame ni mwono. Alumukenu! Alumukenu! Katukenu ku ndako jenu jipi. Kuchi te nunazange kufwa, enu akwa munyachi wa Izalele?

Ezekiel 37:19

hi amba kuli ayo ngwe, Mwene Yehova kanambe ngwenyi, Ngunambe kwanda mutondo wa José (uli mu kwoko lia Eframe) ni minyachi ya Izalele yize halifutula nenyi, mba mungununga hamuwika nawo mutondo wa Yunda ngukayilinge mutondo umuwika, yikapwe umuwika mu kwoko liami.

Amose 3:14

Ha tangwa lize mungulamba Izalele mumu ha mutonga wenyi, mungulamba yilumbilo ya Mbetele. Makateta mbinga ja chilumbilo jikaholoke hashi.

Amose 5:14

Fupenu chipema hi chipi ko hanga nukatwame ni mwono. Chocho Yehova Zambi-ya-Tujita mapwa hamwe ni yenu chizechene ngwe hinwamba.

Amose 5:4

Mumu Yehova kanambe ku munyachi wa Izalele ngwenyi, Ngufupenu, nutwame ni mwono.

Amose 6:6

Kakunwa vinyu mu misenge yinene; kakulikwita maji apema alioze kevwile kupiha ha kuji-ni-tomo lia José.

Zefania 2:3

Enu eswe akwa kulikehesa mu chifuchi akwa kulinga shimbi jenyi; fupenu Yehova, fupenu ululi, fupenu kulikehesa cha mbunge. Hanji manusweka ha tangwa lia ufwatulo wa Yehova.

Zakaria 10:6

Kumungukutakamisa munyachi wa Yunda; kumungukalamwina munyachi wa José. Mungukaahilwisa mumu ngunaavwila keke, mba makapwa ngwe chalitunyino, mumu yami nguli Yehova Zambi yo kashika mungukaakumbulula.

Shimbi 32:22

Mumu mu utenu wami hinawika kahia kukanalengenya ndo ku mashima a Shiole. Kukanalese hashi ni mbuto yaho. Kukanachocheka fundamentu ya milundu.

Shimbi 4:24

Mumu Yehova Zambi yenu iye kahia ka kulesa; Zambi ya ukwa.

Yoshua 18:5

Makachiteta yihanda shimbiali, A-Yunda mapwa mu chifuchi chenyi ku Sule, ni akwa José mu chifuchi cho ku Norte.