Amose 5:4 - MUKANDA USANDU WA ZAMBI 1975

⁴ Mumu Yehova kanambe ku munyachi wa Izalele ngwenyi, Ngufupenu, nutwame ni mwono.

Mukanda Wa Zambi 1970

⁴ Mwene Zambi kanambila Aisraele ngwenyi: “Hilukenu kuli yami, mba nubwe ni mwono.

Amose 5:4 Iomraidhean Croise

1 MIANANGANA 20:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

2 Sango Ja Mianangana 15:2

mba yaya kupatwiza Asa. Yamba kuli iye ngwenyi, Ngwivwenu, Asa ni A-Yunda ni A-Mbenjamine eswe; Yehova mapwa hamwe ni yenu nyi yenu munupwa hamwe nenyi. Nyi munumufupa munumuwana, alioze nyi munumwehuka iye manwehuka.

2 Sango Ja Mianangana 20:3

Yehosofate yevwa woma wunji. Yalisela kufupa Yehova. Yasela matangwa a kulitwamina kulia ndusu mu Yunda mweswe.

2 Sango Ja Mianangana 20:4

A-Yunda yakunguluka akete kuli Yehova aakwase. Ku yihunda yeswe ya Yunda yakatuka akafupe Yehova.

2 Sango Ja Mianangana 34:3

Mumu ha mwaka wamuchinake wa kuyula chenyi shimbu achili mukweze waputukile kufupa mwe Zambi ya kalamba kenyi David, mba ha mwaka kumi ni wamuchiali waputukile kupemesa Yunda ni Yerusaleme ku yuma ya manangamo, ni Ashera ni tuponya twa kwola ni twa kuzuzulula.

Miaso (Masamu) 14:2

Zambi mwilu kakutala hali ana ja atu, akamone nyi kachi kwali amwe akulinga ni mana, hanji amwe akufupa Zambi.

Miaso (Masamu) 22:26

Yimbovu kumalia nikukuta; waze akufupa Yehova mamuhalisa; mbunge ye yitwame ni mwono ku miaka ya mutolo.

Miaso (Masamu) 27:8

Muze wambile ngwe, Fupa meso jami, mbunge yami yakumbulwile ngwami, Meso je mungufupa, Yehova.

Miaso (Masamu) 69:32

Yimbovu hanachimono, no anawahilila. Enu eswe nwakufupafupa Zambi, mbunge jenu jikatwame ni mwono.

Miaso (Masamu) 69:33

Mumu Yehova kakwivwa yiswale; keshi kulelesa funge jenyi.

Izaya 31:1

Lamba kuli waze akupalumuka ku Engitu kufupa yikwashi. Waze akujikijila hali tuvwalu, kakufuliela matemba-a-jita mumu ha kupwa anji, kakufuliela akwa tuvwalu ha kupwa ni tachi jinji. Alioze katalile kuli mwe Musandu wa Izalele; kahulile Yehova.

Izaya 55:3

Neha twitwi lie, wize kuli yami. Panjika, mbunge ye yikatwame ni mwono. Mungukolesa ni yena usendo wa mutolo, utu wami wa zango ukolo kuli David.

Jeremia 38:20

Jeremia yamba ngwenyi, Kechi kunukunjika kuli ayo. Ononokenu haliapwila ku liji lia Yehova ha chuma chino ngunambe kuli yenu mba muchiwaha ni yenu, ni kechi kunushiha.

Ezekiel 18:9

kakwenda nikulita ni yiyulo yami; hatala kanawa akafunge shimbi jami—mukwa ululi mwenawo, aye kumakatwama ni mwono. Chocho kanambe Mwene Yehova.

Hosea 10:12

Likuwilenu mbuto ya ululi; helenu mihuko ya utu wa zango; chipenu mavu aze helila; mumu mwaka wa kufupa Yehova hiweza hanga akeze nikununokesa ulamwino.

Amose 5:6

Fupenu Yehova nutwame ni mwono kuchina makalekwoka ngwe kahia mu munyachi wa José. Makalalisa ni mukwa Mbetele yoze makajima kechi kasoloka.

Zefania 2:3

Enu eswe akwa kulikehesa mu chifuchi akwa kulinga shimbi jenyi; fupenu Yehova, fupenu ululi, fupenu kulikehesa cha mbunge. Hanji manusweka ha tangwa lia ufwatulo wa Yehova.

Mateu 7:8

Mumu mweswe meta, matambula; ni yoze mafupa, mawana; ni yoze mangongwela, kumamwazulwila.

Shimbi 32:46

yamba kuli ayo ngwenyi, Selenu mbunge jenu ku maliji eswe ngunanushindakenyo musono. Munukaamba ana jenu, mukukanyama kulinga maliji eswe a shimbi yino.

Shimbi 32:47

Mumu kuli yenu hi chamokomoko ko, kuchapwa mwono wenu, ku chuma chino munukokesa matangwa jenu mu chifuchi, nunazauka Yordau kuchizuka.

Shimbi 4:29

Alioze nyi munukafupako Yehova Zambi yenu munukamuwana, nyi munukamufupa ni mbunge jenu jeswe ni alma jenu jeswe.