Amose 5:27 - MUKANDA USANDU WA ZAMBI 1975

²⁷ kashika mungukanutwala ku unjize sali lize lia Ndamaseku. Chocho kanambe Yehova yoze kali ni jina lia Zambi-ya-Tujita.

Mukanda Wa Zambi 1970

²⁷ Kashika mungukanutwala mu undungo kuze kanda lia limbo lia Damasku.” Chenacho anambe Mwene Zambi Mukwa Ndundo Jeswe.

Amose 5:27 Iomraidhean Croise

1 Yitanga Ya Mianangana 14:15

Mumu Yehova kumakalamba Izalele ngwe mbungu ja kunyika mu meya. Kumakatukula Izalele mu chifuchi chino chipema wachihanyine kuli tulamba two. Kumakaamwanga mu sali lia mwe Lwiji mumu halinga Ashera jo akehie Yehova ku utenu.

1 MIANANGANA 15:29

Ha matangwa a Peka mwanangana wa Izalele, Tigelate-Pilesere mwanangana wa Asuria yeza. Yatambula Ijone, ni Abele-Mbete-Maka, ni Janoa, ni Kendeshe, ni Hazore, ni Ngiliate, ni Ngalileya, te chifuchi cheswe cha Napatali. E atu yaambata funge ku Asuria.

1 MIANANGANA 17:23

ndo Yehova wachijile Izalele kumeso jenyi, ngwe wambile kuli tuvumbi twenyi aprofeta eswe. Chocho yachiza A-Izalele ku chifuchi cho, yaatwala ku Asuria, ndo musono.

1 MIANANGANA 17:6

Ha mwaka wamuchilivwa wa Hoshia, mwe mwanangana wa Asuria yatambula Samaria. Yambata A-Izalele funge ku Asuria, yaasa mu Hala, ni mu Habore ha lwiji Ngozane ni mu yihunda ya A-Media.

Jeremia 38:17

Mba Jeremia yamba kuli Zedekia ngwenyi, Yehova, Zambi-ya-Tujita, Zambi ya Izalele kanambe ngwenyi, Nyi munuzeya kuli alemu ja mwanangana wa Babilonia kechi kunushiha, ni chihunda chino kechi kuchocha ni kahia, ni yenu ni munyachi wenu, munukatwama ni mwono.

Amose 4:13

Mumu nyingikenu; yoze wakuwumba milundu, ni kutanga fuji; yoze wakusolola manyonga jenyi kuli atu; yoze wakwalumuna chimene chikapwe milima; yoze wakuliata ha milundu ya hashi— jina lienyi Yehova, Zambi-ya-Tujita.

Amose 5:26

Munukambata mwanangana wenu Sakute, ni Kaiwana zambi yenu wa matongonoshi, ni tuponya twenu aze hinwalilingila,

Amose 6:1

Lamba kuli waze anatwama nikwoloka mu Zaione, ni waze anatwama kawape ha mulundu wa Samaria, malunga alemu a mavungu akwa lutwe, kuli ayo akwa munyachi wa Izalele kakuya.

Amose 6:7

Haliapwila kashika mapwa e atangu hakachi ka waze maya ku unjize, ni chimbangwinya cha akwa kuliolola muchikahwa.

Yilinga 7:43

Ewa, nwanjile mbalaka ya Moloko, ni lutongonoshi wa zambi yenu Refwame, tuponya aze nwaatangilemuk wakombelela: kumungukanututulwila kuze-kanda lia Babilonia.