Amose 5:22 - MUKANDA USANDU WA ZAMBI 1975

²² Chipwe munungulambula milambu yenu ya kulumba ni ya wunga chichi kuyitambula. Milambu yenu ya sambukila ni yimuna jenu a maji, chipwe kutala chichi kayitala.

Mukanda Wa Zambi 1970

²² Muze munungulambula milambu yenu ya kwocha ni ya mbuto, chichi kuyitayiza. Milambu yenu ya uwanyino ni yimuna yenu ya maji, chibwe kuyitala chichi kuyitala.

Amose 5:22 Iomraidhean Croise

Miaso (Masamu) 116:17

Munguhana kuli yena mulambu wa kusakwila. Mungusanyika ha jina lia Yehova.

Miaso (Masamu) 40:6

Kushi kuwahilila ni yitapo ni milambu. Matwi jami hiunaajikula. Milambu ya kulumba ni milambu ha shili kwayifupile.

Miaso (Masamu) 50:23

Mweswawo malambula chitapo cha kusakwila kakunguchichimieka. Yoze malulika kanawa kwenda chenyi mungumusolwela ulamwino wa Zambi.

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Yishima 21:27

Chitapo cha yingulungulu chapwa chizelwokeso; alioze muze machineha ni manyonga a ungulungulu mba chahiana kupiha.

Izaya 1:11

Yehova kanambe ngwenyi, Kulumbama cha yitapo yenu kuchi chapwa kuli yami? Janguhwa ni milambu ya kuji a mapanga a kulumba ni maji a yimuna a kutohesa; chevwile kuwaha ni manyinga a ngombe, hanji a ana-mapanga, hanji a kuji a pembe.

Izaya 66:3

Yoze mashiha ngombe kapwa ngwe mukwa kushiha mutu; mukwa kulambula chitapo cha mwanapanga, kapwa ngwe mukwa kumakuna kota ya kawa. Yoze mahana mulambu wa wunga kapwa ngwe mukwa kulambula manyinga a ngulu. Yoze mahana mulambu wa libano wa kwiwuluka kapwa ngwe mukwa kuwahisa kaponya. Wano eswe hatongola majila jo ene; mbunge jo jinawahilila mu yizelwokeso yo.

Jeremia 14:10

Ha kutwala kuli wano atu Yehova kanambe ngwenyi, Kanazange kwenda chocho, kasulile ku molu jo. Kashika Yehova kaatambwile, haliapwila mewuluka uhenge wo maafwetesa milonga yo.

Jeremia 6:20

Libano yize yineza kuli yami ya ku Shipa, yaka? Hanji mushachi uze uyema wa ku chifuchi chisuku? Chahashile kutambula milambu yenu ya kulumba. Yitapo yenu kuyangupemenene.

Jeremia 7:21

Yehova-wa-Tujita, Zambi ya Izalele kanambe ngwenyi, Wezenu milambu yenu ya kulumba ku yitapo yenu, nukalie ye yifwo.

Alevi 7:11

Yino ye shimbi ya chitapo cha mulambu wa sambukila mutu matambula kuli Yehova.

Amose 5:23

Chiza kuli yami zungo lia miaso yenu; chichi kapanjika ku miaso ya tulialia twenu.

Malaki 1:9

Esekenu kwita vumbi lia Zambi hanga alinge ni vumbi kuli yetu! Yehova-wa-Tujita kanambe ngwenyi, Nyi mutu mambata mu kwoko lienyi mulambu ngwe yino, te mapwa ni vumbi kuli umwe?

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.