Amose 5:15 - MUKANDA USANDU WA ZAMBI 1975

¹⁵ Vwilenu lwaji yuma yipi; zangenu yuma yipema kolesenu upatwilo wa ululi mu chota. Hanji Yehova Zambi-ya-Tujita mavwila vumbi masalila ja José.

Mukanda Wa Zambi 1970

¹⁵ Vutwokelenu yibi, zangenu yibema, kolesenu ubatwilo wa ululi mu yota. Hanji Mwene Zambi Mukwa Ndundo Jeswe mevwila keke masalila a chifuchi chino.

Amose 5:15 Iomraidhean Croise

2 Samuel 16:12

Hanji Yehova matala ku chipi chino anangulingi, hanji Yehova mangukundulula chipema mumu ha matuka jenyi kuli yami musono.

1 Yitanga Ya Mianangana 20:31

Tuvumbi twenyi yamba kuli iye ngwo, Tunevu ngwo, Mianangana a ku munyachi wa Izalele akwa keke. Ngutayize kama kusa chikeleyi ha mijimba yetu ni mihipu ha mitwe tukatuhuke kuli mwanangana wa Izalele, hanji manulamwina mwono wenu.

1 MIANANGANA 13:7

Mwanangana wa Seria te hahichika kuli Jehoahaze makumi atano a akwa tuvwalu wika, ni kumi lia matemba-a-jita, ni kumi lia tununu twa maswalale a kwenda hashi. Mumu mwanangana wa Seria waonwene, waapwishile ngwe yizungu ya ha chizungwilo.

1 MIANANGANA 15:29

Ha matangwa a Peka mwanangana wa Izalele, Tigelate-Pilesere mwanangana wa Asuria yeza. Yatambula Ijone, ni Abele-Mbete-Maka, ni Janoa, ni Kendeshe, ni Hazore, ni Ngiliate, ni Ngalileya, te chifuchi cheswe cha Napatali. E atu yaambata funge ku Asuria.

1 MIANANGANA 19:4

Hanji muchipwa Yehova Zambi ye mevwa maliji eswe a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji eswe Yehova Zambi ye hevwa. Kashika uchilembele kama waze asala.

Miaso (Masamu) 119:104

Ku ndongo je nakuzuka mana, kashika nakuvwila lwaji jila yeswe ya mahuza. Nune

Miaso (Masamu) 34:14

China yipi, ulinge yipema. Fupa sambukila ukayihange.

Miaso (Masamu) 36:4

kakulisela jila yize kuyapemene. Yuma yipi keshi kuyivwila lwaji.

Miaso (Masamu) 37:27

China yuma yipi; linga yuma yipema ukatwame ku miaka ya mutolo.

Miaso (Masamu) 80:1

Panjika kama, yena Kafunga ka Izalele. Yena wakutetekela José ngwe chendo cha yimuna. Panguluka kama yena wakutwama hakachi ka akerupime.

Miaso (Masamu) 97:10

Yenu eswe nwakuzanga Yehova vwilenu lwaji yuma yipi. Kakufunga mwono wa asandu jenyi, kakwapulula ku kwoko lia chingulungulu.

Kutuhuka 32:30

Mba ha kucha, Mose yamba kuli atu ngwenyi, Hinwavulumuna mulonga unene, haliapwila mungukanduka kuli Yehova, hanji munguhasa kufuka shili yenu.

Jeremia 18:8

mba nyi munyachi uze ngunambe muwalumuka ku upi wawo, ni yami mungwalumuka ku chipi chize namba kuulinga.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Jeremia 31:7

Mumu Yehova kanambe ngwenyi, Imbenu ni liji linene lia chiseke mumu hali Yakomba; likwizenu mumu hali mukwa lutwe hakachi ka mavungu. Ambululenu; halisenu nikwamba ngwenu, Yehova hanalamwina atu jenyi, e masalila ja A-Izalele.

Ezekiel 45:9

Mwene Yehova kanambe ngwenyi, Kunahu, enu alemu ja Izalele! Mbilenu upupilo ni upinjiso, nukapatule nikulita ni ululi. Mwene Yehova kanambe ngwenyi, Litwaminenu kufwetesa atu jami chocho.

Daniel 2:49

Daniel yeta kuli mwanangana, mba yasela Shadrake, ni Meshake, ni Abedenego helu lia yiyulo ya provincia ya Babilonia; alioze Daniel watwamine ku zuwo lia mwanangana.

Joele 2:14

Iya kananyingika? Hanji malumuka nikulikonyeka, nikuhichika chiwape chimwe kunyima yenyi; chipwe mulambu wa wunga, hanji mulambu wa kunwa kuli Yehova Zambi yenu.

Amose 5:10

Mukwa kukanjisa mu chota kakumuvwila kole; kakuvwila kupiha yoze mahanjika umwenemwene.

Amose 5:24

Alioze upatwilo wa kulita ukapwe ngwe sanga lia meya; ululi ukapwe ngwe muhwiji wa mutolo.

Amose 5:6

Fupenu Yehova nutwame ni mwono kuchina makalekwoka ngwe kahia mu munyachi wa José. Makalalisa ni mukwa Mbetele yoze makajima kechi kasoloka.

Amose 6:12

Tuvwalu kakuzomboka ha yimawe? Kakuchipa kalunga-lwiji ni ngombe? Alioze enu hinwalumuna upatwilo wa kulita mu utende; ni mihuko ya ululi hinwayalumuna musase.

Amose 7:3

Mba Yehova yalikonyeka ha chuma chino. Yehova yamba ngwenyi, Kuchichi kupwa.

Yona 1:6

Kashika mwata wa wato yeza kuli iye, yamba kuli iye ngwenyi, Ena mukwa tulo, kuchi unevu? Katuka utambike kuli Zambi ye. Hanji Zambi matunyonga kutuchi kutoka.

Yona 3:9

Iya unanyingika? Hanji Zambi malumuka alikonyeke, atewuluke ku utenu wenyi usasu, ni yetu kutuchi kukuwa.

Mika 2:12

Enu A-Yakomba, pundu mungukanukunga eswe; mungukakunga masalila ja Izalele. Mungwasela hamuwika ngwe mapanga mu limba; ngwe mbunga ya mapanga ku ulilo wo; mbunga ya malunga ni chimbangwinya.

Mika 3:2

Enu, chipema chanupihila; nwakuzanga chipi. Nwakuzununa kowa lia atu jami, ni musunya ha yifwaha yo.

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Zefania 2:3

Enu eswe akwa kulikehesa mu chifuchi akwa kulinga shimbi jenyi; fupenu Yehova, fupenu ululi, fupenu kulikehesa cha mbunge. Hanji manusweka ha tangwa lia ufwatulo wa Yehova.

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

A-ROMA 12:9

Zango likapwe kulishi ulembekese. Ivwenu lwaji ha ungulungulu; lalaminyenu ku yipema.

A-ROMA 7:22

Mumu nakuwaha mu shimbi ya Zambi nikulita ni mutu wa muchima:

A-ROMA 8:7

Mumu kunyonga cha musunya, kole kuli Zambi; kuchishi kuzeyela ku shimbi ya Zambi, mumu chipwe chamwenemwene kuchishi kuhasa kuzeyela;

3 Yoano 1:11

Mukwetu wa zango, kanda wimbulula yipi aiioze imbulula yipema. Yoze wakulinga yipema iye wa kuli Zambi; aiioze yoze wakulinga yipi kamweneko Zambi.