Amose 5:14 - MUKANDA USANDU WA ZAMBI 1975

¹⁴ Fupenu chipema hi chipi ko hanga nukatwame ni mwono. Chocho Yehova Zambi-ya-Tujita mapwa hamwe ni yenu chizechene ngwe hinwamba.

Mukanda Wa Zambi 1970

¹⁴ Lingenu yibema, hi yibi ko, mba munubwa ni mwono. Hohene Mwene Zambi Mukwa Ndundo Jeswe mabwa hamwe ni yenu chamwenemwene, ngwe chize hinwamba.

Amose 5:14 Iomraidhean Croise

Ubutukilo 39:23

Mwe kalayi ka zuwo lia ususu katalile ku yuma yapwile mu kwoko lia José mumu Yehova wapwile nenyi. Cheswacho alingile, Yehova wachiwahishile.

1 Sango Ja Mianangana 28:20

David yamba kuli mwanenyi Solomone ngwenyi, Takama; hamuka uchilinge. Kanda wivwa woma, hanji kulishimwoka mumu Yehova Zambi, mwe Zambi yami, kwali hamwe ni yena. Kechi kahona. Kechi kakwehuka ndo milimo yeswe ya uvumbiko wa zuwo lia Yehova muyihwa.

2 Sango Ja Mianangana 15:2

mba yaya kupatwiza Asa. Yamba kuli iye ngwenyi, Ngwivwenu, Asa ni A-Yunda ni A-Mbenjamine eswe; Yehova mapwa hamwe ni yenu nyi yenu munupwa hamwe nenyi. Nyi munumufupa munumuwana, alioze nyi munumwehuka iye manwehuka.

Miaso (Masamu) 46:11

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.) Kuli Njimba mukwa lutwe. Samu lia ana a Kora.

Miaso (Masamu) 97:10

Yenu eswe nwakuzanga Yehova vwilenu lwaji yuma yipi. Kakufunga mwono wa asandu jenyi, kakwapulula ku kwoko lia chingulungulu.

Kutuhuka 3:12

Zambi yamba ngwenyi, Chamwenemwene kumungukapwa ni yena. Chino chinyingi muchipwa kuli yena cha kukulweza te yami ngunakutumu ngwami, Muze mukachiza e atu ku Engitu, munukavumbika Zambi ha mulundu uno.

Yishima 11:27

Yoze kakufupafupa yipema kakufupa vumbi; alioze mweswe mafupa uhuka, muukamuwana.

Izaya 55:2

Kuchi te wakumwanga mbongo je ha chize hi mbolo ko? Kuchi te wakutokesa milimo ye ha chize kuchayukishile mbunge? Panjika kanawa kuli yami, ukalie yuma yipema, ukawahilile ni maji.

Izaya 8:10

Twamenu punga hamuwika, alioze muchikafuwa; hanjikenu liji, alioze kulichi kakola, mumu Zambi tuli nenyi hamwe ni yetu.

Amose 3:3

Atu aali kakuliendela nyi kalitesele?

Amose 5:6

Fupenu Yehova nutwame ni mwono kuchina makalekwoka ngwe kahia mu munyachi wa José. Makalalisa ni mukwa Mbetele yoze makajima kechi kasoloka.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Mika 6:8

Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Zefania 2:3

Enu eswe akwa kulikehesa mu chifuchi akwa kulinga shimbi jenyi; fupenu Yehova, fupenu ululi, fupenu kulikehesa cha mbunge. Hanji manusweka ha tangwa lia ufwatulo wa Yehova.

Kwalula 16:3

Yalikungulula nikulimika ni Mose ni Arone, yamba kuli ayo ngwo, Hikwahwa ni yenu! Mumu akwa chikungulwila eswe asandu, mutu mweswe, Yehova hwali hakachi ko. Kuchi te nunalitangala helu lia mbunga ya Yehova?

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Mateu 6:33

Alioze liangenu kufupa wanangana wenyi ni ululi wenyi mba kumanuwezela yino yuma yeswe.

2 Timoteu 4:22

Mwene Yesu Kristu akapwe hamwe ni Spiritu ye. Vumbi likapwe hamwe ni yena. Amene.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.