Amose 5:12 - MUKANDA USANDU WA ZAMBI 1975

¹² Mumu ngunanyingika kwalula cha milonga yenu ni kutoha cha shili yenu— enu nwakupinjisa akwa ululi, ni kutambula chindo, ni kupiangula mukwa kuhona mu chota.

Mukanda Wa Zambi 1970

¹² Ngunanyingika milonga yenu yinji ni kwoka cha shili yenu. Nwakuhungumiona atu abema, nwakutambula sambilo ya uhenge, nwakulituna kubatwila yiswale ni ululi.

Amose 5:12 Iomraidhean Croise

Jobe 20:19

Mumu hafwenya yiswale ni kwaehuka. Hatambula zuwo lize kalitungile.

Jobe 31:21

nyi hinazundula kwoko liami kulimika ni mwana-shiwa mumu ha kumona chikwashi ku chikolo,

Miaso (Masamu) 127:5

Kawaha yoze uli ni chindalo chenyi cha tò. Keshi kwivwa sonyi muze mahanjika ni akwa kole jo mu chikolo.

Kutuhuka 23:3

Chipwe kanda ukalemesa chiswale ni chikuma chenyi.

Kutuhuka 23:6

Kanda ukahengesa upatwilo wa mukwenu chiswale ku chikuma chenyi.

Yishima 17:8

Chindo chapwa ngwe diamante kuli yoze hachizuka; kweswako matalikisa mawaha.

Yishima 22:22

Kanda wiya kuli chiswale mumu kapwa chiswale; kanda upinjisa mukwa kuyindama mu chikolo cha limbo,

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Izaya 10:2

akachinde akwa kuhona kanda awana upatwilo, akeye chize chatela kuli yiswale ja atu jami. Ni twamishi kapwa upite wo wa kupunda, akatenge ana-ashiwa ngwe kulia cho.

Izaya 29:21

waze te ha liji limuwika kakupwisa mutu chivulumunyi. Yoze makanjisa mamutela muheto mu chikolo; yoze unasambe mamupiangula ni ungaji wamokomoko.

Izaya 33:15

Yoze kakwenda ni ululi nikuhanjika chize chinate; yoze kakulelesa upite uze unakatuka ku kupinjisa akwo, kakusakumuna moko jenyi kuchina makwata ku chijiko, kakujika matwi jenyi kuchina mevwa yuma ya kumwanga manyinga, kakutuka meso jenyi kuchina mamona uhenge.

Izaya 47:9

Yino yuma yiali muyiza kuli yena susumuku, ha tangwa limuwika; ngwami, kufwisa ana ni utwamishi muyikushata liakulu; chipwe uli ni umbanda unene, ni tachi jinji ja wanga we.

Izaya 5:23

Kakusambisa chingulungulu mumu ha kutambula chindo, mba kakumina upatwilo kuli mukwa kusamba.

Izaya 66:18

Mumu ngunanyingika yitanga yo ni manyonga jo, mba nguneza ngukakonge mavungu eswe ni malimi akeze akamone uhenya wami.

Jeremia 29:23

Mumu halinga uhepuke mu Izalele; halinga utanji ni mapwo ja akwo, hanahanjika mu jina liami maliji a mahuza aze chaatumine. Yami ngunachinyingika ni yami nguli chela. Chocho kanambe Yehova.

Lungungu 3:34

Kuliachila hashi funge eswe a hano hashi;

Ezekiel 13:22

Mumu hinwahongesa mbunge ya mukwa ululi ni mahuza, chipwe yami chichi kumuhongesa; alioze hinwahana tachi kuli chingulungulu kuchina makatuka ku jila yenyi ya ungulungulu akalamwine mwono wenyi.

Hosea 5:3

Ngunanyingika Eframe, Izalele kahashile kunguswamina, mumu, yena Eframe, hiwalinga ukoi; ena Izalele hiwalichisa.

Amose 2:16

Mukwa mbunge ya hamu hakachi ka yitakame, ha tangwa lize makachina uselesele. Chocho kanambe Yehova.

Amose 2:3

Munguteta mukwa kuyula hakachi ko, mungukashiha alemu eswe hamwe nenyi. Chocho kanambe Yehova.

Amose 5:10

Mukwa kukanjisa mu chota kakumuvwila kole; kakuvwila kupiha yoze mahanjika umwenemwene.

Amose 5:7

Enu! Nwakwalumuna upatwilo wa kulita mu musase ni ululi nwakuumbila mu mavu.

Amose 8:4

Ivwenu chino, yenu nwakuliata akwa kuhona; nwakusulisa yiswale mu chifuchi ngwenu,

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Yilinga 7:52

Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.

Shimbi 16:18

Ni ngaji ni yilolo nulisakwilo mu yihunda yenu yeswe, Yehova Zambi yenu ananweheyo, nikulita ni minyachi yenu, o akayule atu ni upatwilo wa ululi.

Shimbi 31:21

Ha kwiza hali ayo yipi yinji ni lamba linji, mwaso uno muukashindakenya kumeso jo ukapwe chela; mumu kechi kauvulama ku makanwa ja ana jo; mumu ngunanyingika kutaka cho anatake haliapwila, shimbu kanda ngwahetesa mu chifuchi nalishingile kwaaha.

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.

Tiangu (Jake) 5:6

Hinunahisa, hinunashihi mwe mukwa ululi; iye kalimikine ni yenu.

Rute 4:1

Mba Mboaze wayile ku chikolo cha chihunda, yatwamako. Kumanyi mwe usoko wa ha muchima yoze Mboaze hamuvuluka yapalika. Mba Mboaze yamba ngwenyi, A mukwetu tweya ku kuno Utwame. Iye yeza, yatwama.

1 Samuel 8:3

Anenyi kendele mu ndako ja tato. Apiasukile nikukaula upite. Atambwile chindo nikuhongesa upatwilo.