Amose 5:11 - MUKANDA USANDU WA ZAMBI 1975

¹¹ Kashika se nwakuliata yiswale nikumufwetesa tiliku, kashika chipwe hinwatunga mazuwo ja mawe a kululika hindu kunuchi katwamamo. Hinwatumba minda yipema ya uva alioze kunuchi kanwa vinyu yako.

Mukanda Wa Zambi 1970

¹¹ Yenu nwakuliata yiswale, nwakwiya mbuto jo. Kashika kunuchi kutwama mu mazuwo jenu abema a mawe waze nwatungile, kunuchi kanwa vinyu ya mu minda yize nwatumbile.

Amose 5:11 Iomraidhean Croise

Jobe 20:19

Mumu hafwenya yiswale ni kwaehuka. Hatambula zuwo lize kalitungile.

Izaya 16:10

Uwahililo ni chiseke hanayichiza ku minda ya mihuko. Mu minda ya uva kembile nawa miaso, katambikile; niumwe mukwa kukama kanalingi milimo yenyi mu ukamino wa uva; mitambi ya kucha hiyahola.

Ezekiel 26:12

Makapunda upite wenu; makambata yuma yenu ya kutalika; makapuzula yipanga yenu ya mawe; makonwona mazuwo jenu apema; mawe jenu ni mitondo yenu ni mavu jenu makayimbila mu meya.

Ezekiel 34:21

Mumu nwakushinjika ni pachi ni chipaya, ni kuchoka akwa upekepeke ni mbinga jenu ndo hinwaamwanga mwamwa,

Hosea 9:2

Yizungwilo ni ukamino wa uva kuyichi kuhasa kwalisa, ni vinyu yaha muyiahona.

Alevi 26:16

chino mungulinga kuli yenu: Mungunutongwela mwongo wa susumuku, ni mukaka, ni kachiki yoze wakupokiekesa meso nikuhongesa mwono. Munukuwa mbuto yamokomoko, mumu akwa kole jenu mayilia.

Amose 2:6

Yehova kanambe ngwenyi, Mumu ha milonga yitatu ya Izalele hanji yiwana, chichi kahilwisa kastigu, mumu kakulanjisa akwa ululi ha mbongo ja prata; kakulanjisa yiswale ha haku jiali.

Amose 2:7

Wano kakuliachila mitwe ya yiswale mu fufuta ya hashi; kakupiangula jila ya akwa lamba. Lunga ni tato kakupomba ni mwana-pwo umuwika chocho kanajilula jina liami lisandu.

Amose 3:15

Mungulamba zuwo lia lushiho hamwe ni zuwo lia lwiza, ni mazuwo ja mazo a njamba makanonga ni mazuwo anene kumakahwa. Chocho kanambe Yehova.

Amose 3:9

Ambululenu mu mbonge ja Ashedode ni mu mbonge ja chifuchi cha Engitu ngwenu, Kungulukenu ha milundu ya Samaria nukamone chizungozungo muli ayo ni we upinjiso hakachi ko.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 6:11

Mumu Yehova kanatumu, mba lie zuwo linene malifwenyona, ni zuwo likepe malipalwola yipalupalu.

Amose 6:12

Tuvwalu kakuzomboka ha yimawe? Kakuchipa kalunga-lwiji ni ngombe? Alioze enu hinwalumuna upatwilo wa kulita mu utende; ni mihuko ya ululi hinwayalumuna musase.

Amose 8:4

Ivwenu chino, yenu nwakuliata akwa kuhona; nwakusulisa yiswale mu chifuchi ngwenu,

Amose 9:14

Mungukahilwisa kuwaha cha atu jami A-Izalele mba makatungulula yihunda yize hiyapuzuka, makatwamamo. Makalima minda ya uva nikunwa vinyu yayo; makalinga manaka nikulia mihuko yo.

Mika 1:6

Kashika mungupwisa Samaria mulumba mu chifuchi cha washi, kuma kwa kulimina minda ya uva. Munguzukula mawe jenyi mu chikulo ni kufukula fundamentu jenyi.

Mika 2:2

Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Mika 6:15

Munukuwa mbuto alioze kunuchi kacha. Munufunga mitondo ya olevwe ahoze kunuchi kalikwata maji. Munukama uva ahoze kunuchi kanwa vinyu.

Zefania 1:13

Mapunda yikumba yo; menyeka mazuwo jo. Chipwe matunga mazuwo kechi katwamamo. Chipwe matumba miuva, kechi kanwa vinyu yayo.

Hagai 1:6

Hinwalima chinji, alioze hinwacha chikepe. Nunali, alioze kunwakuchile. Nunanu alioze pwila kuyahwile. Nwazala, alioze eswe chishika nunevu. Ni yoze wakulingila fweto, kakulingila fweto akayise mu njeke yikwete yituwa.

Malaki 1:4

Nyi Endome mamba ngwenyi, Hanatupalwola alioze mututungulula chize hichapuzuka; Yehova-wa-Tujita mamba ngwenyi, Chipwe matunga, yami mungupuzula ndo maatongola ngwo, Chifuchi cha yingulungulu, atu aze Yehova watenuka no miaka yeswe.

Shimbi 28:30

Munukatenda pwo, mba lunga weka makapomba nenyi. Munukatunga zuwo, mba kunuchi katwamamo. Munukatumba minda ya uva, mba kunuchi kalia mihuko yayo.

Tiangu (Jake) 2:6

Alioze yenu hinunasaula chiswale. Pichi keshi kunumwesa lamba, nyi? Keshi kunukoka ku usopelo, nyi?