Amose 4:9 - MUKANDA USANDU WA ZAMBI 1975

⁹ Nanulambile ni makonya ni mbundu; napwishile manaka jenu ni minda yenu ya uva ya hululu; mikuyu yenu ni miolevwe yenu yahwile kuli makumbi. Hindu kunwahilukile kuli yami. Chocho kanambe Yehova.

Mukanda Wa Zambi 1970

⁹ “Nanutuminyine fuji ya chivukuminya ha kwocha mbuto jeswe. Makumbi yaalia upu mbuto jenu jeswe ja mu minda, ni yichakata ya vinyu, ni mihuko yenu ya mitondo ya mikuyu ni ya olive. Hindu kunwahilukile ko kuli yami.

Amose 4:9 Iomraidhean Croise

1 Yitanga Ya Mianangana 8:37

Nyi kachi kumukukapwa mu chifuchi hanji kapunga, hanji chilungo, hanji yimbwongo, hanji makonya, hanji makumbi, hanji yambi, nyi kachi akwa kole jo maaseleka mu chifuchi cha yihunda yo, musongo weswawo, kuyiza cheswacho muchiakwata,

2 Sango Ja Mianangana 6:28

Nyi kachi mukukapwa mu chifuchi hanji kapunga, hanji chilungo, hanji yimbwo ngo, hanji makonya, hanji makumbi, hanji yambi; nyi kachi akwa kole jo maaseleka mu chifuchi cha yihunda yo; musongo weswawo, kuyiza cheswacho muchiakwata,

Izaya 1:5

Kuchi te munulikoleza kukolema? Kuchi te manulambalamba nawa? Mutwe weswe unayiji, mbunge yeswe yinalezumuka.

Izaya 50:11

Enu eswe, nwakuwika kahia nikulijingilika ni maleka! Endenu mu chite cha kahia kenu ni maleka aze hinwawika. Alioze chuma munutambula ku kwoko liami, munupomba ni chinyengo.

Izaya 9:12

A-Seria ku Chivumbuko, ni A-Filistea ku Chitokelo, kakuwumbula A-Izalele ni makanwa a kupakula. Chipwe chocho utenu wenyi kuwakondolokele; kwoko lienyi hindu kanalizozo.

Jeremia 3:10

Alioze chipwe ni yino yuma yeswe hindu yayo wa mahuza Yunda kahilukile kuli yami ni mbunge yeswe alioze yalionga. Chocho kanambe Yehova.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Hosea 11:5

Kumakahiluka nawa ku chifuchi cha Engitu, alioze Ka-Asuria makapwa mwanangana wo, mumu katayile kuhiluka kuli yami.

Joele 1:4

Chize mapasu hahichika, makumbi halia. Chize makumbi hahichika, tuzeze halia. Chize tuzeze hahichika yambi halia.

Joele 1:7

O hanenyeka mutondo wami wa uva. Hanamakuna mukuyu wami; hanauhulula nikuumbila; mitango yawo hanayitomesa tó.

Joele 2:25

Mungukanwaha miaka yize ayilile kuli makumbi, ni tuzeze, ni yambi, ni mapasu. Mbunga yinene ya tujita twami natumine hakachi kenu.

Amose 4:6

Nanuhele makanwa ja zala mu yihunda yenu yeswe, ni kuhona cha mbolo mweswe mu chifuchi chenu, hindu kunwahilukile kuli yami. Chocho kanambe Yehova.

Amose 4:8

Akwa yihunda yiali yitatu endele ku chihunda chimuwika akanwe meya hindu pwila kuyahwile. Hindu kunwahilukile kuli yami. Chocho kanambe Yehova.

Habakuke 3:17

Chipwe mukuyu kuuchi kutemuna; chipwe miuva kuyishi mihuko; chipwe mihuko ya mitondo ya olevwe muyihona; chipwe minda kuyishi kupwa ni kulia; chipwe pembe ni panga masutuka ku limba ni ngombe akuhi mu matanga,

Hagai 2:17

Nanulambile ni yenu ni milimo yenu ni mbongola, ni mbundu, ni chiwe, hindu kunwahilukile kuli yami. Chocho kanambe Yehova.

Malaki 3:11

Mungunukanjishila mukwa kwonwona alitwamine kwonwona mihuko ya mavu jenu. Mutondo wenu wa uva kuuchi kahona kwima. Chocho kanambe Yehova-wa-Tujita.

Shimbi 28:22

Yehova makanulamba ni musongo wa mukaka, ni kachiki, ni chivukuminya chá ku mujimba, ni kusasaminya cha kahia, ni katana, ni kukonyata, ni kuunda. Muyikanuhanga ndo munukakuwa.

Shimbi 28:42

Makumbi kumakalia mitondo yenu yeswe ni mbuto ya ku mavu jenu.