Amose 4:7 - MUKANDA USANDU WA ZAMBI 1975

⁷ Nanuminyine vula muze kwasala hindu tukweji atatu ku matangwa a kucha. Napwile nikutuma vula ha chihunda chimwe ni kukwika vula ha chihunda chikwo. Munda umwe watambwile vula; shimbu munda ukwo kuwatambwile mba womine.

Mukanda Wa Zambi 1970

⁷ Nakanjishile vula muze minda yenu yambile kwima mbuto. Nanokosele vula ha limbo limwe, nayikanjishile ha limbo likwo. Vula yanokene ha munda umwe, ha munda ukwo kanokene ho.

Amose 4:7 Iomraidhean Croise

Kutuhuka 10:22

Mose yolola kwoko lienyi kwilu mba ha matangwa atatu mwapwile milima pwi lume mu chifuchi cheswe cha Engitu.

Kutuhuka 10:23

Kalimwene umwe ni mukwo, ka, chipwe ha matangwa atatu niumwe wakatukile haze anatwama wakuhi. Alioze A-Izalele eswe apwile ni pangu mu mazuwo jo.

Kutuhuka 8:22

Ha tangwa lize mungukahandununa chifuchi cha Ngoshone muze mwatwama atu jami, hanga mazaji niamwe a jiji kechi kapwamo, hanga ukangunyingike ngwe, Mwe Yehova mu chifuchi.

Kutuhuka 9:26

Kumwapwile chiwe mu chifuchi cha Ngoshone wika muze mwatwamine A-Izalele.

Kutuhuka 9:4

Yehova kumakahandununa hakachi ka yimuna ja A-Izalele ni ja A-Engitu. Alioze hali yimuna ja A-Izalele, niumwe mafwa wakuhi.

Izaya 5:6

Munguupwisa puya, kechi kauteta hanji kuusangula, mba mikalale ni mingonga muyikasoka. Mungutumina malelwa kanda anokaho vula.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Jeremia 14:3

Alemu jenyi kakutuma ngamba jo ku meya; kakwiza ku mashima, keshi kuwana meya, kakuhiluka ni yikwachilo ya upolongo, kakupwa ni sonyi, chakwatatajala, kakutuka mitwe yo.

Jeremia 14:4

Se vula wakuhi mu chifuchi, njimi kanevu sonyi, ni kufuka mitwe yo, mumu ha mavu a chinyengo.

Jeremia 3:3

Kashika hakumina vula wa chehu ni vula wa samakwasa kejile. Hindu uli ni huma lia chikoi; kusolo kwivwa sonyi.

Joele 2:23

Enu ana ja Zaione, Wahililenu. Likwizenu muli Yehova Zambi yenu, mumu kakunwaha vula musazu nikulita. Kakunutuma vula, ni vula musazu, ni vula wa samakwasa ha kakweji mutangu.

Zakaria 14:17

Nyi kachi amwe hakachi ka yisemuko ya hashi kayile ku Yerusaleme kuwayila Mwanangana, Yehova-wa-Tujita, vula kechi kaanokena.

Yoano 4:35

Kunushi kwamba ngwenu, Kunasala tukweji awana ni mwaka wa kucha muwiza, nyi? Talenu, ngunambe kuli yenu ngwami, Hetulenu meso jenu, nwaze yifuchi, yinachili kulu ha kucha.

1 Korintu 4:7

Kulipwila chino, iya wakuhelecho? Chika uli nacho chize kwachitambwile? Alioze kachi wachitambwile kuchi te unalisambe ngwe kwachitambwile?

Shimbi 11:17

Mba utenu wa Yehova muukanukasumukina, majika mwilu, kukuchi kapwa vula, minda kuyichi kema mbuto yayo, munukakuwa washiwashi mu chifuchi chipema ananwehecho kuli Yehova.

Tiangu (Jake) 5:17

Eliya wapwile mukwa usona wa kulifwa ni yetu, iye walembele ni mbunge yeswe hanga vula kechi kanoka; iye kanokene hano hashi ha miaka yitatu ni tukweji asambano.

Usolwelo 11:6

Wano chiyulo akwete cha kuyika lilu, hanga vula kechi kanoka ha matangwa ja uprofeto wo: o chiyulo akwete ha meya cha kwaalumuna manyinga, ni cha kulamba hashi ni lamba lieswe lieka ni lieka, cheswe mazanga.